Mateus 4:3 - Tradução Bíblica Pacaas Novos

³ Hwet ac con na Caxicon Jam ma', co tomi' querec taxipa' pain ca caracat wa ma'. Tomi' ac con na: Ara capam' pin ximain oro pacun ca' quem. Win ne ca Panxica Iri' Jam ina ma ma' na ca tomi' querec con ma'.

Mateus 4:3 Iomraidhean Croise

Mateus 14:33

In ac ac cocon na, pe torotop mi' ac cocon na. Panxica Iri' Jam ma ma' ira ac cocon na quem.

Mateus 16:16

Wum co Cristo ta. Panxica Iri' Jam co e' cara ma ta ac con na Simão Pedro.

Mateus 26:63

Ane tacana pe ca Jeju ne. Om ca tomi' in pin camain' tococwa. Tomi' ac con na: Wum co Cristo cwa' ra? Tomi' xo' xut e'. Xi taraju ara quem Iri' Jam co e' cara ta. Taraju nem pain ca tomi' nem quem. Wum co Panxica Iri' Jam ra non.

Mateus 3:17

Tomi' pan ac con na Iri' Jam. Maqui' nain pawin ca tomi' nucun. Mon cwa' panxita' co om noc camain' ta' cwa'. Hohot tamana napa' ta na ca tomi' con ma'.

Marcos 1:1

Je i ca' ca pijim' xine oro ca ara ne con Jeju Cristo Panxica Iri' Jam pain cara pane, pain ca xo' pijim' ten qui' tocwa pane.

Marcos 3:11

Oro wari' co corom to ho' nonon oro caxicon jam ma', querec iri nonon Jeju ne, pe torotop mi' pe torotop mi' ac cocon na. Merem pan ac caca na oro caxicon jam nucucun. Panxica Iri' Jam ma ta nonon Jeju pain ca merem nucucun.

Marcos 5:7

Merem mip ac con na: Cain' cain' xim mapa' quem Jeju Panxica Iri' Jam co Iri' Taramaxicon pan? Ac i ma' na ca merem mip con ma'. Ta quep em' mapa' me ta, tomi' mip inem. Tomi' an pe mi' ron pain ca tomi' nem Iri' Jam pata', om ta quep em' ton ta ron pata' ta non.

Lucas 1:35

Om na, quiji' hwet terem Tamataracon Iri' Jam ta Maria ac cam na. Pe ho' terem ca hwara' opa nucun Iri' Jam co Iri' Taramaxicon pan. Je ca iri' wari' nucun Iri' Jam ta' ca pije' co pan' ta' ma' pum. Iri' Panxica Iri' Jam ta totoron quem nam.

Lucas 22:70

Je ca tomi' urut pum ca' ac cocon na, tomi' tomi' pi' pin nonon: Wum co Panxica Iri' Jam ra nonon. Wata' cwa' ira. Win ne ca tomi' pan hwe ma' ac ca na Jeju.

Lucas 4:3

Tomi' ac con na Caxicon Jam: Ara capam' pin ximain pacun ca' quem? Win ne ca Panxica Iri' Jam ina ma ma' na ca tomi' querec con ma'.

Lucas 4:41

Mija nana oro wari' co corom to ho' nonon caxicon jam ma' quem. Tomi' jein pin iri tata ne, hwerehwet ca' ac cocon na. Hwerehwet ca' iri tata ne, merem merem ac cocon na Jeju: Panxica Iri' Jam ma ta nonon. Ane tomi' in pin tococwa ne. Narain ho' tata pain ca tomi' wa, xi om ne ca taxi' ara cocon pain ca Cristo ca ma', pain ca wirico co wara tomi' pe ca Iri' Jam pane.

Lucas 4:9

An mao ac con na pain Jerusalém ma'. Wara ca' na xonein cote ne xiricon Iri' Jam ma', pain iri' tamain ma', an xat pe ac con na. Tomi' ac con na: To' jao cun mao rain macan' cain. Win ne ca Panxica Iri' Jam ina ma ma'.

João 1:34

Querec ara xi' inain con. Je ca tomi' hwet xuhu' ca': Panxica Iri' Jam na ta inuhu' con na ca tomi' cocon João pane.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

João 9:35

Taxi' ac con na Jeju pain ca xin hwet ca' cocon pain xirim ca cut in to xucucun ma' quem. Pirao' ac con na. Mam' iri non ne, tomi' querec ac con na: Howa mon co Iri' Wari' ma' quem na ca tomi' querec con ma'.

Atos 9:20

Pijim' hwet ho' toton con Jeju ta ac ca na, pijim' pe ac cain na oro xirim ca cut in to xucucun oro judeu. Panxica Iri' Jam na Jeju ta nonon pain ca pijim' cocon ma'.

2 Coríntios 1:19

Tomi' iri'o' taxipa' na Panxica Iri' Jam ma', wirico Jeju Cristo co pijim' hwet mi' xuhu' cwa', co pijim' hwet mi' cuhu' Silvano con Timóteo cwa' quem. Om ca an in camain' cain ca tomi' pe nucun Jeju Cristo pane. Ara taxipa' nain oro ca tomi' pe nucun, ac i ma taxipa' urut quem.

Gálatas 2:20

Ac ca mi' pin wi ta' na con Cristo quem, pain ca mi' pin pe cain panaxicon pane. E' e' wet paxi' ina, ane om e' pan ta' ne. Wirico Cristo co e' pe ho' napa' pain cwere. Tomi' ha' e' inain ca param nucun. Pain ca e' e' wet ta' pain macan' ca', howa cara inon Panxica Iri' Jam co om noc napa' cwa', co om nain ho' xucun pata' pain ca mi' pin caho' xim ta capa' ca'.

1 Tessalonicenses 3:5

Toron tamana napa' xumu pahu', xi coromicat ara xuhu' pane ta. Am tomi' querec cocon Caxicon Jam ma', am joc camara' cocon ma', am taramaja ximama' iri' pain ca pijim' mi' xuxun pain capijacon Iri' Jam ma', ac i ma' na ca coromicat ne pahu' pain ca jain jain ta' pahu' pane. Je ca hwet roron ton Timóteo pahu' pane. Ma' ta taxi' toton pain ca howa nucucun ta inon pahu' pane.

Hebreus 12:16

Ma' tara xumuhu' me, ma' ta om ma' camain' ca win ma' nuhu' co quep ximao ma', co miri'om nain oro caramaxicon Iri' Jam ma', co om coromicat camain' non ma', co an xiho' non Esaú cara pane. Wirico paxi' xira co ara mi' wa pain ca wara tomi' pe nucun cote ca pane, xi om ne ca wara pan' cain' ara ca con coxa' ca ta. Ane param ni ca' cain ne. Param pan ac cain na wijimain carawa ca cao' wa pane.

Hebreus 4:14

Je ca tomi' xuhu' ca'. Ma' napari' sacerdote co iri' taramaxicon hwara' opa cwa', wirico Jeju co Panxica Iri' Jam cwa'. Corom hwet non Cote ca pain iri' ca pe pan ca pain pawin cain. Je ta hwara' opa cara xi' pain ca howa xun ca', pain ca tomi' hwet xuxun oro wari' pain ca howa xun quem.

Hebreus 7:3

Om ca taxi' tocwa cote ca cam jicon, om ca taxi' tococwa mana cojeo' ca quem. Om ca taxi' xine xec nein ca pan' qui' nucun, om ca taxi' xine xec nein ca mi' pin nucun quem. Sacerdote cara na. Je ca an xiho' paxi' con Panxica Iri' Jam pane.

1João 3:8

Wari' nucun Caxicon Jam na co ma' co caracat taxipa' ma', xi caracat taxipa' pan ara ca Caxicon Jam ta. Wara caracat qui' ara xi' nain ca xo' tomi' ma' ten qui' xine macan' pane. Je ca maqui' cain macan' Panxica Iri' Jam quem. Ma' ta to' om pin tain oro ca ara nucun Caxicon Jam ta na pane.

Apocalipse 2:10

Ta jin' hwein oro ca jain jain wa ca maqui' pa' xim nuhu' con Caxicon Jam me ta. Ma' tatara oro win ma' nuhu' co wixicao' mi' ca pain xirinain ca tao' to tao' to to wa, quep em' querec ac tococwa tara, am an pe pin xin hwein ca howa nuhu' ta ac tococwa tara quem. Ma' 10 tara xec pain ca jain jain xi' hwe pain ca quep em' xim cuhu' Caxicon Jam. Win xumu cara xine me. Mo ta to' parapa' pin xim cucuhu' pain ca howa mahu' ma', je i ma' ira, to' parapa' pin ma' tatarapa' ne ac huhun tara. Mi' pan ac xuhu' tara pain ca om pi' ra ha' ne ca e' wa ta.