Mateus 4:23 - Tradução Bíblica Pacaas Novos

²³ Jeju ma', xut mao ac cain na oro xijein cidade pain Galileia ma'. Ca' na pe nain oro xirim ca cut in xucucun oro win judeu urut quem. Pijim' mi' tata pain capijacon Iri' Jam ma', pain ca taramaxicon pe ho' pin xim cuhu' Iri' Jam ta tococwa ma'. Quep xio ac tococwa na oro wari' pain oro xijein ca caxi nucucun quem.

Mateus 4:23 Iomraidhean Croise

Mateus 11:5

Querec pin' nana co om tococon. Xuruxut pin nana co xuruxut xirac nana. Xio pin nana co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Mateus 12:9

Mao ta' ta ac ca na Jeju, mao ac cain na xirim ca cut in to xucucun ma'.

Mateus 13:19

Oro wari' co tomi' joc mam' mi' nanain cacarain wana ca wixicaracao' to xine tocwi trigo ma', taraju paxi' nanain capijacon Iri' Jam pain ca taramaxicon pin nucun ma', ane om taraju pa' cacain ne. Maqui' ac ca na Caxicon Jam, cut ca' ac tococwa pain na oro ca wixicaracao' mi' wa pain ximicocon.

Mateus 13:54

Wa' mao iri nain macaracon ma' ne, pijim' pe ac cain na xirim ca cut in to xucucun ma'. He, cain' cain' ca co cwa' ne ta? Ma' co mi' non pain ca coromicat xo' nucun pain ca taxi' tamana nucun ma' quem ac xucucun na oro wari' co taraju nonon ma'. Ma' co mi' non pain ca ara an hwet pe cain ca hwara' opa nucun pain ca ara cain oro ca om ara taxi' ne ca wari' wa ma' quem nana.

Mateus 14:14

An tac iri urut pain mam' horoho nuxut ne, piri' ac ca na Jeju. Querec ac tococwa na oro wari' quem. Mija nana wari' ta. Om ca paric camain' caca. Xiram pa' tata, quep xio quep xio ac tococwa na co caxi nana ma'.

Mateus 24:14

Pijim' mama' ac cacain tara oro xijein macan' oro wari' ne quem. Tomi' hwet tomi' hwet xam' ac cocon tara oro wari' pain capijacon Iri' Jam ma', pain ca tomi' xo' cocon pain ca taramaxicon pin ta' ca Iri' Jam ma'. Taraju taraju xam' iri tatara oro wari' ne, pi' pin ac ne tara macan' ta.

Mateus 3:2

Ca' na ca pijim' nucun: Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na.

Mateus 9:35

Maji ta ac ca na Jeju ma', mama' ac urut pain na oro xijein cidade, je pain oro ca paric to ne xirim ma' quem. Ca' na pe ac cain na oro xirim ca cut in to xujuxut pain ca judeu urut ma'. Pijim' mi' tata pain capijacon Iri' Jam pain ca taramaxicon pe ho' ton cocon ma'. Quep xio ac tococwa na oro wari' pain oro xijein ca caxi nucucun quem.

Marcos 1:14

Tao' pe pin iri ta João ma' ne, mao ac cain na Galileia Jeju. Pijim' ac cain na capijacon Iri' Jam ca tomi' hwet napari' pain ca to' witan xim capari' ca'.

Marcos 1:21

Mama' ac cacain na Cafarnaum. Maqui' pin iri na xec nein ca xao to wa ne ca xumu wa ne, pain sábado ma', mao ac cain na xirim ca cut in to xucucun oro win judeu urut ma'. Pijim' ta' ta ac ca na, ca' na ac tococwa na pain capijacon Iri' Jam.

Marcos 1:39

Je ca mao mao pi' pin cain oro xijein cidade pain Galileia Jeju pane. Pijim' pe nain oro xirim ca cut in to xucucun oro win judeu urut ma', tomi' jein pin ac tococwa na oro caxicon jam nucucun oro wari' quem.

Marcos 3:10

Xi mija ara caca co quep xio ca pane ta. Je ca xao xao tamana cocon oro wari' co caxi nana ma'. Ma' ta quep xun nonon.

Marcos 6:2

Maqui' pin iri na sábado ne, ca' na toton pain capijacon Iri' Jam ta ac ca na, pijim' pe ac cain na xirim ca cut in to xucucun oro win judeu urut ma'. Oro wari' co taraju nonon ma', mija nana co in ac nonon pain ca pijim' nucun. He, cain' cain' ca co cwa' ne ta nana. Ma' co mi' non pain oro ca ara taxi' nucun ma'? Ma' co mi' non pain ca taxi' tamana nucun ma' quem? Ma' co mi' non pain ca ara cain oro ca om ara taxi' ne ca wari' wa ma' quem nana.

Marcos 6:6

He, para om howa cacapa' oro win ma' ne cwa' ne ta ac ca na pain ca coromicat nucun. Hwet toton oro wari' co to nanain oro ca paric to ne xirim ma' ac ca na Jeju ma', mao ac ca na, ca' na ac tococwa na pain capijacon Iri' Jam oro wari'.

Lucas 10:9

Mo ta ma' caca oro win ma' caca co caxi nana, quep xio pin ac huhun tara. Tomi' ca' jujun quem: Wixicam pin na xec nein ca taramaxicon pe ho' xim cuhu' Iri' Jam ta jujun.

Lucas 13:10

Maqui' iri na xec nein ca xao to wa taxipa' cacain ximicocon oro judeu ma' ne, pain sábado ma', ca' na toton pain capijacon Iri' Jam oro wari' cwa' ta ac ca na Jeju ma', ca' na pe ac cocon na pain xirim ca cut in to xucucun ma'.

Lucas 16:16

Tomi' ac tococwa na: Oro co pijim' hwet nanain ca xirao' nucun Moisés pain oro ca xirao' nucucun oro profeta pane, pijim' pijim' ca' nanain, aram aram maqui' ac ne na xec nein ca ja' taxipa' com João pane ta nonon. Mi' pin iri na João ne, pijim' hwet pan ac tain na capijacon Iri' Jam pain ca taramaxicon pe ho' toton cocon oro wari' quem. Jain jain jain jain pi' pin nana oro wari' pain ca taramaxicon pe ho' xirapari' na cocon quem.

Lucas 20:1

Maqui' ac ne na xec pain ca pe cain ca tao' caho' nein cote ne xiricon Iri' Jam Jeju. Ca' na nonon pain capijacon Iri' Jam oro wari'. Pijim' mi' nonon pain capijacon Iri' Jam ca tomi' hwet nonon pain ca to' witan toton cocon quem. Xuruxut hwet pan ac cocon na oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés cocon oro xucucun taramaxicon nucucun oro judeu ma' quem.

Lucas 4:14

In mao ac cain na Galileia Jeju. Pe ho' mip non ca hwara' opa nein Tamataracon Iri' Jam quem. Tomi' hwet tomi' hwet pi' pin ac xucucun con na oro wari' pain oro xijein cidade pain i cain.

Lucas 5:17

Maqui' ac ne na xec pain ca ca' na tococwa pain capijacon Iri' Jam oro wari'. Pain ca ca' na tococwa ma', taraju nana oro fariseu cocon oro co ca' na taxipa' nanain ca xirao' nucun Moisés ma' quem. Maqui' nanain oro ca paric to ne xirim pain Galileia, je pain Judeia, maqui' nanain Jerusalém quem. Xao to to nanain i ma'. Jeju ma', pe ho' non ca hwara' opa nucun Iri' Jam quem. Je ca ha' con pain ca quep xio pin cocon oro wari' co caxi nana ma'.

Lucas 6:17

Quiji' wi ac cocon na pain pacun ma', wirico Jeju, wiricoco co taxipa' ca ma' quem. Coco' to ac cacain na ca om tamaja nein ma' quem. Mija nana wari' co to nanain i ma'. Mija nana co wara taxipa' nonon, mija nana wari' co maqui' nanain oro xijein cidade pain Judeia, maqui' nanain Jerusalém, maqui' nanain cacarain iri' cote ne com pain Tiro je Sidom ma' quem. Om ca paric camain' caca.

Lucas 6:6

Om ca pain homa ne, pain xijein sábado ma', corom mao ac cain na xirim ca cut in to xucucun oro judeu Jeju. Pijim' ta' ta ac ca na, ca' na ac tococwa na pain capijacon Iri' Jam. Pe nain i ma' wari' co xirac micon ma'. Iri' curucun na ca xirac ma'.

Lucas 7:21

Pain xec nein ca hwet cocon Jeju co taxipa' ca João ma', quep xio tamana nonon wari' Jeju ma'. Quep xio pin tata co caxi tamana nana, tomi' jein pin tata oro caxicon jam co corom to ho' nonon quem. Mija nana wari' co om tococon ma' quem, quep ma' pin mami' ac cain na tococon.

Lucas 7:22

Taraju iri nonon pain ca tomi' querec nucucun co taxipa' ca João ne, tomi' xo' ac tococwa na: In hwet jun João ta. Tomi' hwet ac hun tara pain oro ca querec hwe ca', je pain oro ca taraju hwe ca' quem. Querec pin nana co om tococon. Xuruxut pin nana co xuruxut xirac nana. Xio pin nana wari' co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Lucas 8:1

Om ca pain homa ne, maji ta ac ca na Jeju, mao ac cain na oro xijein cidade, je pain oro ca paric to ne xirim ma' quem, pijim' mi' ac tococwa na pain capijacon Iri' Jam pain ca taramaxicon pe ho' toton cocon ma'. Ja' ja' nonon co taxipa' ca ma', co ma' 12 nana ma'.

Lucas 9:11

Ane taxi' pin cocon oro wari' ne. Maji cocon ta ac caca na, ja' ja' ac cocon na quem. Hwet iri nonon ne, tomi' querec te pan ac tococwa na. Tomi' hwet ac tococwa na con Iri' Jam pain ca taramaxicon pe ho' xim capari' ca'. Quep xio pin ac tococwa na co caxi nana ma' quem.

Lucas 9:60

Om na ta ac con na Jeju. Oro win ma' ma co om howa nanapa' ma', co an xiho' nonon co cono' nana ma', wiricoco pan tatara co cut corom to pan nonon co cono' nana ta. Wum iri na ne, hwet roron oro wari' ta. Pijim' hwet roron pain ca taramaxicon pe ho' toton cocon Iri' Jam ta na ca tomi' con ma'.

João 18:20

Tomi' ac con na: Tama' pijim' pijim' xam' inonon oro wari' pane. Taraju taraju pi' pin nanapa'. Tama' pijim' pe inain oro ca cut in to taxipa' caca ma', je pain oro xirim ca cut in to taxipa' xijexi' pain ca judeu iri' ca', je pain cote ne xiricon Iri' Jam ma' quem. Om ca pijim' noc xa camain' ta' quem ac ca na.

João 6:59

Ac i ma' na ca ca' na cain capijacon Iri' Jam Jeju pane, pain ca ca' na pe cain xirim ca cut in to xucucun oro win judeu urut pain Cafarnaum pane.

João 7:1

Pi' pin iri na ca pijim' nucun Jeju ne, pain Cafarnaum ma', xut mao ac cain na Galileia. Noc inain ca xut mao wa pain Judeia ta na. Xut mao ni ca' nain, xi to ara cacain i cain oro taramaxicon nuxut co to' pa' pin xun nonon ta.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.

Atos 18:4

Maqui' iri na oro sábado ne, pain xec nein ca xao to wa taxipa' cacain ximicocon oro judeu ma', mao taxipa' nain xirim ca cut in to xucucun Paulo ma'. Pijim' pijim' ac tococwa na oro judeu cocon oro wari' co om judeu nana ma' quem. Howa xiroron Jeju na tata.

Atos 20:25

Taraju wet ho' xine ta ac tococwa na. Wahu' ma', pain ca taraju mahu' pain ca pijim' hwet xuhu' pane, pain ca pijim' hwet xuhu' con Iri' Jam pain ca taramaxicon pe ho' xim capari' ca', om ta querec mami' mahu' ta. Taxi' ina, om ta querec mami' mahu'.

Atos 28:31

Pijim' mi' ac tococwa na pain ca taramaxicon pe ho' capari' Iri' Jam ca'. Ca' na tata con Taramaxicon nexi' Jeju Cristo quem. Om ca pijim' jin' tococwa, pijim' hwara' opa tata. Om ca nain ho' tocwa pain ca pijim' wa quem. Je i ma'.

Romanos 10:15

Ma' tara ca pijim' ac tocwa wari' pain ca om mo pijim' je e' tococwa co pijim' xi' nana ra? Win ne ca xirao' pe xine pain capijacon Iri' Jam ca'. Ca' na con: Querec awi tamana na caximacocon oro wari' co mo pin nanain capija con Jeju ta, ac i ma' na ca xirao' pe nein.