Mateus 4:22 - Tradução Bíblica Pacaas Novos

²² Ma ac caca na, om ca hehe caca. Paca' hap nonon cote caca, paca' nanain mam' horoho nucucun ma', ja' ja' ac cocon na Jeju.

Mateus 4:22 Iomraidhean Croise

Mateus 10:37

Wari' co tomi' querec te tamana non cote ca cam jicon ma', mo ta om tomi' querec te tiquin' ca' capa' cacam, om ca hohot ne pain ca taxipa' capa'. Mo ta tomi' querec te tamana cacam mana panxica wari' ma', mo ta om tomi' querec te tiquin' ca' capa' cacam, om ca hohot ne pain ca taxipa' capa' quem.

Mateus 4:21

Xut tiquin' mao ac ca na, querec ac tococwa na xucucun ma', Tiago con coxa' ca João ma' quem. Mana panxica Zebedeu nana. To ho' nonon cote caca pain mam' horoho nucucun. Ara xo' nanain ca mam' pa' caca hwam ma'. Tomi' ac tococwa na: Harahap je, ja' ja' xine tata.

Mateus 4:23

Jeju ma', xut mao ac cain na oro xijein cidade pain Galileia ma'. Ca' na pe nain oro xirim ca cut in xucucun oro win judeu urut quem. Pijim' mi' tata pain capijacon Iri' Jam ma', pain ca taramaxicon pe ho' pin xim cuhu' Iri' Jam ta tococwa ma'. Quep xio ac tococwa na oro wari' pain oro xijein ca caxi nucucun quem.

Marcos 1:20

Harahap je ta ac tococwa na. Ma ac caca na, paca' ac cocon na cote caca ma', Zebedeu ma', wiricoco oro co cut nanain dinheiro pain ca taramaja mi' cocon ma' quem, an to pin tata pain mam' horoho nucucun. Ja' ja' ac cocon na Jeju.

Lucas 14:26

Mo ta ja' ja' xim capa' wari' ma', mo ta tomi' querec te tamana cocon oro ca nari nucun ma', mo ta om tomi' querec te tiquin' ca' capa' con cote ca cam jicon ma', cam manacon ma', cacam mana panxica cacam oro xurucun ma' quem. Mo ta om tomi' querec te tiquin' ca' capa' pain oro ca param pan nucun ma' quem, om ca taxipa' ac capa' ta.

Lucas 14:33

Je ca tomi' xuhu' ca', tomi' tomi' xam' inuhu' ta ac tococwa na. Mo ta taxipa' xim mahu', na e' na pain ca noro cain' hwein oro carawa ca to' i'ina xim nuhu' pain. Mo ta om an to pin hwein oro carawa ca win xumu hwe ma', om ca ha' ne pain ca taxipa' mahu' ta na ca tomi' tococwa ma'.

Lucas 5:11

An taratac pin ac cacain na mam' horoho nucucun pain namaji ma', maji con ta ac caca na, an to pin ac cacain na oro ca mam' pa' caca hwam ma', ja' ja' ac cocon na Jeju.

2 Coríntios 5:16

Je ca coromicat jimama' pin urut ca'. Om ca noro mami' urut pain oro ca ara caca oro wari' pain xocori ca', om ca an xiho' urut cocon wari' co tocojin' e' nonon oro win ma' caca pain xocori ca', om na. Xi coromicat ac i ma' ara ne ca wari' wa ta. Coromicat mi' ac i ma' paxi' urut con Cristo pane, wari' tara ma' urut con pain cara pane, an xiho' tarapari' xi' ma urut con pain cara pane. Ane om coromicat mi' ac i ma' mami' urut con pain xocori ca' ne.