Mateus 4:21 - Tradução Bíblica Pacaas Novos

²¹ Xut tiquin' mao ac ca na, querec ac tococwa na xucucun ma', Tiago con coxa' ca João ma' quem. Mana panxica Zebedeu nana. To ho' nonon cote caca pain mam' horoho nucucun. Ara xo' nanain ca mam' pa' caca hwam ma'. Tomi' ac tococwa na: Harahap je, ja' ja' xine tata.

Mateus 4:21 Iomraidhean Croise

Mateus 10:2

Ma' 12 urut pain ca tomi' ac i ma' caparut Jeju ma', pain ca apóstolo je pain ca tomi' hwet huhun pain capija oro wari' ta caparut. Mo urut: Simão ma', co o naparut ma'. Pedro na xijein wixicon Simão ma'. Ma' ac ca na coxa' ca ma' quem, André ma'. Ma' ac ca na Tiago con coxa' ca João ma' quem. Mana panxica Zebedeu nana Tiago con João ma'.

Mateus 17:1

Ma' 6 pin iri na xec pain ca wara tomi' xo' caparut pain ca mi' pin ta' nucun Jeju ne, maji ta ac tococwa na Pedro con Tiago con João ma', coxa' ca Tiago ma', piri' mama' ac cacain na cote ne pacun. Xica' to nana caram ma'.

Mateus 26:37

Harahap je ta ac tococwa na Pedro cocon mana panxica Zebedeu ma', co ma' 2 nana ma'. O mama' ac tococwa na. Xuruxut xuruxut, tomi' xaxa' ac ca na Jeju. Jain jain pin na. Mija na.

Mateus 4:20

Ma ac caca na, an to hap pin ac cacain na ca mam' pa' caca hwam. Ja' ja' ac cocon na Jeju.

Mateus 4:22

Ma ac caca na, om ca hehe caca. Paca' hap nonon cote caca, paca' nanain mam' horoho nucucun ma', ja' ja' ac cocon na Jeju.

Marcos 3:17

Ma' ac ca na Tiago con coxa' ca João ma'. Mana panxica Zebedeu nana Tiago con João ma'. Tocwan na wixicocon con Jeju. Boanerges tara xijein wixicocon nonon. Ac comerem nana ta na ca tomi' mao ne xijein wixicocon.

Marcos 5:37

To wet je pa'ao', ta ja' ja' mahu' me ta ac tococwa na oro wari' co ja' ja' nonon ma'. Xica' to nana Pedro con Tiago con coxa' ca ma', João ma', co harahap je ca ma'. Maji ta ac tococwa na.

João 21:2

Ca' urut pain ca jao jao ma' xujuxut: Simão Pedro ma'. Tomé ma', co Dídimo na xijein wixicon ma'. Natanael co maqui' nain Caná ca pe ne Galileia ma'. Aji', wata' quem, ca' urut. Ma' 2 nana xucucun win ma' nuxut pain ca taxipa' urut con Jeju ca' quem.

Atos 12:2

Ton tapit pin jein winacon Tiago ma' quem ac tococwa na. Aji' non Tiago João ma'. Apóstolo nucun Jeju nana pane.