Mateus 4:19 - Tradução Bíblica Pacaas Novos

¹⁹ Tomi' ac tococwa na: Harahap je, ja' ja' xine. Ca' na ac xuhu' tara pain ca cut in wa wari'. Win ne ca cut in taxipa' hun hwam cwa', ac i ma' jujun oro wari' quem. Ma' ta howa cacapa' pahu' ta inuhu' na ca tomi' tococwa ma'.

Mateus 4:19 Iomraidhean Croise

Mateus 16:24

Tomi' ac caparut na pain ca taxipa' urut con ca'. Wari' co ja' ja' xim napa' ma', miri'om ac cain tara ca param nucun. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

Mateus 19:21

Tomi' ac ca na: Mo ta iri' wari' xita' na ma ma', mo ta an xiho' ton Iri' Jam ma pain ca om noc cocon oro wari' ma' quem, mo vender vender pi' pin ac main tara oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Mateus 4:18

Xut ac cain na cacarain cote ne com pain Galileia ma'. Querec ac tococwa na caram ma' co ma' 2 nana ma'. Simão co Pedro na xijein wixicon ma'. André na wixicon coxa' ca ma' quem. Xin mi' nana pain com caji wi ca mam' pa' caca hwam. Xi pa' taxipa' ara caca hwam ma', vender vender ac cocon na quem, je i ma' ca taramaja nucucun pane.

Mateus 4:20

Ma ac caca na, an to hap pin ac cacain na ca mam' pa' caca hwam. Ja' ja' ac cocon na Jeju.

Mateus 8:22

Om na ta ac con na Jeju. Ja' ja' ho' ne pain xocori ca'. Oro win ma' ma co om howa nanapa' ma', co an xiho' nonon co cono' nana ma', wiricoco pan tatara co cut corom to pan nonon co cono' nana ta na ca tomi' con ma'.

Mateus 9:9

Mao ta' ta ac ca na Jeju, xut mao ac ca na. Xut xut, querec ac capa' na pain ca Mateus ta' ca'. Xao pe pe inain ca taramaja pe ta' ma', pain ca cut in tain oro imposto nucucun oro wari' ma'. Ja' ja' ne e' ac capa' na. Tequi' pe ac ta' na, ja' ja' ac ton na quem.

Marcos 2:14

Xut xut tiquin' ac ca na, querec ac con na Levi ma', panxica Alfeu ma'. Xao pe pe nain ca taramaja pe ca ma', pain ca cut in cain oro imposto nucucun oro wari' ma'. Ja' ja' ne e' ac con na Jeju. Tequi' pe ac ca na, ja' ja' pin ac con na quem.

Lucas 5:27

Jeju ma', quep xio pin iri non wari' co carama pe ne, hwet mao ac ca na, querec ac con na wari' co cut in taxipa' nain oro imposto. Xao pe pe nain ca taramaja pe ca ma', pain ca cut in cain oro imposto nucucun oro wari' ma'. Ja' ja' ne e' ac con na Jeju.

Lucas 9:59

Ma' ac ca na xucun co ja' ja' ne pan ca Jeju. Ane hehe ca ne. Ame ma e' Taramaxicon ne. In hwet cain' ton te ta. Mi' pin iri tara ne, an corom pe pin iri tain curucun pain manain pacun ne, ja' ja' ac xim tara. Ma ma? Ac i ma' na ca tomi' con ma'.

João 1:43

Xec pin iri na ne, mao tain Galileia ta ac ca na Jeju. Mam' ac con na Filipe. Hap ra, ja' ja' ne ac con na.

João 12:26

Wari' co taramaja mi' xim napa' ma', na e' na pain ca ja' ja' cara capa'. Oro ca mao ne ca', je tara ca mao ca quem, pe ho' tarapa' quem. Wari' co taramaja mi' napa' ma', tomi' querec te ac tocwa tara, hohot ma ta ac tocwa tara. Wirico Te tara co hohot ma pan ton non ta na ca tomi' tococwa ma'.

João 21:22

Para tomi' querec mapa' con quem ac con na. Mo ta param ton pain ca wara mi' pin ca' capa' pain ca in qui' ta' ne ca'. Mo ta param ton pain ca in pa' ton pain ca e' e' wet nucun quem, je i ma' ira. Wum iri na ne, ja' ja' cara pan ne ta non.

2 Coríntios 12:16

Je i ma' ira, taxi' paxi' mahu' pain ca om winim' e' xuhu' pain caramajuhu' pane. Ane ma' ma' wet caca oro win ma' nuhu' co mixein na xi' ma nanapa' pahu' ne. Cut noc xa nain dinheiro nexi' pane, mixein taxipa' na ta nanapa'.