Mateus 4:18 - Tradução Bíblica Pacaas Novos

¹⁸ Xut ac cain na cacarain cote ne com pain Galileia ma'. Querec ac tococwa na caram ma' co ma' 2 nana ma'. Simão co Pedro na xijein wixicon ma'. André na wixicon coxa' ca ma' quem. Xin mi' nana pain com caji wi ca mam' pa' caca hwam. Xi pa' taxipa' ara caca hwam ma', vender vender ac cocon na quem, je i ma' ca taramaja nucucun pane.

Mateus 4:18 Iomraidhean Croise

Mateus 10:2

Ma' 12 urut pain ca tomi' ac i ma' caparut Jeju ma', pain ca apóstolo je pain ca tomi' hwet huhun pain capija oro wari' ta caparut. Mo urut: Simão ma', co o naparut ma'. Pedro na xijein wixicon Simão ma'. Ma' ac ca na coxa' ca ma' quem, André ma'. Ma' ac ca na Tiago con coxa' ca João ma' quem. Mana panxica Zebedeu nana Tiago con João ma'.

Mateus 15:29

Maji ta ac caparut na Jeju, xuruxut mama' ac urut na pain cacarain cote ne com pain Galileia ma'. Piri' mao tain pacun ca' e' ac ca na, piri' piri' xao pe ac ca na quem.

Mateus 16:18

Je ca tomi' xim ca' Simão ac con na. Pedro na xijein wuxum. Xi om ne ca ac pacun ara ma ta. Je ara xi' na ca tomi' mao nein wuxum. Ca tomi' hwet nem ma' quem, pain ca howa inem pain ca Cristo ma ma', pain ca Panxica Iri' Jam ma mapa' ma', ac iri' cote ne pacun na. Oro wari' co howa ac i ma' xi' nanapa' ma', iri' wari' ne ac toton tara, to' hwara' opa ac toton tara quem. Om ta to' quiji' pin ac cocon Caxicon Jam co taramaxicon pe ho' nonon oro win caxicon jam ca quem.

Mateus 4:19

Tomi' ac tococwa na: Harahap je, ja' ja' xine. Ca' na ac xuhu' tara pain ca cut in wa wari'. Win ne ca cut in taxipa' hun hwam cwa', ac i ma' jujun oro wari' quem. Ma' ta howa cacapa' pahu' ta inuhu' na ca tomi' tococwa ma'.

Marcos 7:31

Maji ta ac ca na Jeju ma', paca' ac cacain na oro xijein cidade ca to ja' pan nain Tiro ma'. Xuruxut tiquin' ca' ac cacain na xijein cidade pain Sidom ma' quem. Aram aram hwet ac cacain na cote ne com pain Galileia ma', je pain oro xijein cidade pain Decápolis ma'.

Lucas 6:14

Mo nana co tora' ca ma': Simão ma', co wara o' ma' ni ca pane, pain ca Pedro pin ra ta con pane. Ma' ac ca na coxa' ca ma' quem, André ma'. Ma' ac ca na Tiago con João con Filipe con Bartolomeu ma'.

João 21:1

Hwet pa' mami' ac caparut na Jeju pain cacarain cote ne com pain Tiberíades ma'. Ac i ca' na pain ca hwet pa' caparut pane.

João 6:1

Om ca pain homa ne, maji ta ac caparut na Jeju, pan horoho mama' ac urut pain na xijein cacarain com ma', Galileia ma'. Ma' na xijein wixinain quem. Tiberíades nanain quem.

João 6:8

Tomi' ac ca na win ma' nuxut ma', André coxa' ca Pedro ma':