Mateus 4:13 - Tradução Bíblica Pacaas Novos

¹³ Wa' mao paxi' nain Nazaré ma', ane om mon to wet cain i cain ne. Pe pin tain Cafarnaum ta ac ca na. Cafarnaum ca pe ja' pan nain cote ne com pain Galileia ma', ca pe ja' pan nain oro xijein cidade pain Zebulom je Naftali ma', je ca pe pan ta' ca Jeju quem.

Mateus 4:13 Iomraidhean Croise

Mateus 11:23

Wahu' quem oro wari' co to nanain Cafarnaum ma'. Xec xec a xihwe! Awi urut, querec pin' taraparut pain ca awi nuxut xi' ma hun Iri' Jam ra? Om na ta! Wixicaracao' mi' turuhu' pain cote ne xe ta! An hwet mi' paxi' inuhu' pain ca hwara' opa ne ca', querec paxi' mahu' pain ca ara tain oro ca om ara taxi' ne ca wari' wa ca'. Ane om cwirin' je na hwe ne. Mo xi an hwet mi' ac i ma' toton pain ca hwara' opa ne oro caracat co to nanain Sodoma cara pane, cwirin' pin ac caca xira, ma' ma' wet ac ne xira cidade nucucun pain xocori ca', ac i ma' paxi' xira cocon.

Mateus 17:24

Maji pain Cafarnaum ta ac urut na, xuruxut mama' ac urut na. Warut, Jeju, ca' urut. Tan' mama' iri urut pain i cain ne, xuruxut hwet ac cocon na Pedro caram ma' co cut taxipa' nanain wijimain imposto nein cote ne xiricon Iri' Jam ma'. Tomi' querec ac cocon na: Cain' cain' ca taramaxicon nuhu' ma' quem? Om ca pagar cain imposto nein cote ne xiricon Iri' Jam ra? Ac i ma' na ca tomi' querec cocon ma'.

Mateus 4:14

Ma' ta hwet pin ne capijacon Iri' Jam ca xirao' pe ca profeta Isaías cara pane. Ca' na ca xirao' pe nucun pane:

Mateus 4:15

Je ca tomi' toton oro co om judeu nana ma', co to nanain Galileia ma', co to nanain macarain Zebulom je Naftali ma', co to nanain wanaji cote ne com ma', pain xijein cacarain Jordão ma'.

Mateus 9:1

In mama' xi' ta ac ca na Jeju, piton to ac cacain na mam' horoho wa ma', pan horoho in mama' ac cacain na xijein cacarain cain, mama' ac cacain na cidade nucun Jeju.

Marcos 1:21

Mama' ac cacain na Cafarnaum. Maqui' pin iri na xec nein ca xao to wa ne ca xumu wa ne, pain sábado ma', mao ac cain na xirim ca cut in to xucucun oro win judeu urut ma'. Pijim' ta' ta ac ca na, ca' na ac tococwa na pain capijacon Iri' Jam.

Marcos 2:1

Om ca pain homa ne, wa' mao mami' ac cain na Cafarnaum Jeju. Wa' qui' na Jeju ta, pe pin nain xiricon win ma' ca ta ac caca na oro wari'.

Lucas 10:15

Wahu' quem oro wari' co to nanain Cafarnaum ma'. Xec xec a xihwe! Awi urut, querec pin' taraparut pain ca awi nuxut xi' ma hun Iri' Jam ra? Om na ta! Wixicaracao' mi' turuhu' pain cote ne xe ta na ca tomi' tococwa ma'.

Lucas 4:23

Tomi' ac tococwa na: Taxi' inuhu' pain ca tomi' ca' xim mahu' pain i ca' quem, ca tomi' taxipa' caca oro wari' ma'. Tomi' ca' xim mahu': Taraju urut pum pain ca quep xio pin momon oro wari' co to nanain Cafarnaum cain. Je xi quep xio pin momon oro wari' co to nanain macaraxi' ca' quem, ac i ma' paxi' xim mahu' ma' na ca tomi' tococwa ma'.

João 2:12

Mama' ac urut pain na Cafarnaum ma'. Mo urut: Jeju ma'. Jicon ma'. Xurucun ma'. Warut pain ca taxipa' urut con ca' quem. Mama' mama' pi' pin urut pain Cafarnaum. Om ca tocwan ne xec nein ca to urut pain i cain.

João 4:46

In mao ac cain na Caná Jeju, Caná pain Galileia ma'. Je pain Caná ma', ca ara comi uva pin pe cain com pane. Pe nain i ma' taramaxicon co taramaja mi' non iri' taramaxicon. Maqui' nain Cafarnaum ma'. Caxi na panxica.

João 6:17

Wara xim pin na, om ca hwet querec caparut Jeju. Piton to ac urut pain na mam' horoho wa ma'. Pan horoho mama' xin xijein cacarain cain ta ac urut na, pan horoho mama' ac urut na. Xumu urut pain Cafarnaum ma'.

João 6:24

Om ara xi' na Jeju cocon co taxipa' ca ma' ac caca na. Om caca ma' ira ac xucucun na. Maji pain Cafarnaum cain e', pirao' xuxun pain i cain ta ac caca na, pan horoho mama' ac caca na.

João 6:59

Ac i ma' na ca ca' na cain capijacon Iri' Jam Jeju pane, pain ca ca' na pe cain xirim ca cut in to xucucun oro win judeu urut pain Cafarnaum pane.