Mateus 4:12 - Tradução Bíblica Pacaas Novos

¹² Taxi' pin iri non João Jeju ne, pain ca tao' pe pin tocwa ma', in mao ac cain na Galileia.

Mateus 4:12 Iomraidhean Croise

Mateus 11:2

Wara tao' pe ta pain xirinain ca tao' to tao' to to wa João ma', co ja' taxipa' nonon pain com oro wari' pane. Je ca taraju pe con Jeju ma' quem: Awi tamana na oro ca ara ca Jeju ta na ca taraju nucun. Taraju iri nain ne, tomi' ac tococwa na co taxipa' ca ma'. Mo tomi' jun Jeju e'.

Mateus 14:3

Coromicat ac i ma' paxi' non Jeju Herodes ma', ane wara mi' pin ca João ne. Ca' na ca mi' pin nucun João pane. Herodes ma', an pin nam manacon coxa' ca ma', Filipe ma'. Herodias na wixicam. Je ca tomi' ho' tomi' ho' con Herodes João ma' quem. Tomi' caho' nem pain ca an wa manacon coxa' ma Iri' Jam ta non pain ca pan to' cain taraxicon. Quep jun ta ac tococwa na oro soldado nucun ma' quem. Quep jun, pao' pe jun, tao' pe jun pain xirinain ca tao' to tao' to to wa ta tata.

Marcos 1:14

Tao' pe pin iri ta João ma' ne, mao ac cain na Galileia Jeju. Pijim' ac cain na capijacon Iri' Jam ca tomi' hwet napari' pain ca to' witan xim capari' ca'.

Marcos 6:17

Ac i ma' na ca coromicat nucun Herodes con Jeju ma', xi wara quep ara con João pane ta. Quep jun, pao' pe jun, tao' pe jun pain xirinain ca tao' to tao' to to wa ta tata oro wari' nucun pane. Xi om ne ca noc pan ara con João Herodias ta. Wara an paxi' nam Herodias Filipe ma', coxa' ca Herodes ma'. Ane an pan cam Herodes ma' ne.

Lucas 23:5

Om na ta ac caca na, tomi' mip nonon: Pijim' iri tata oro win ma' nuxut co to nanain Judeia cwa' ne, ta tomi' ha' mami' hun taramaxicon nucucun oro romano me ta tata, ja' teretem ja' teretem ac tococwa na. Pijim' pe cain' nain Galileia cain, mao ac ne ma' na con, aram aram pijim' pe ac cain i ca' na quem na ca tomi' cocon ma'.

Lucas 3:20

Om ca cwirin' ca quem. Caracat tiquin' mao ac ca na, quep ac con na João, tao' pe ac con na pain xirinain ca tao' to tao' to to wa ma' quem.

Lucas 4:14

In mao ac cain na Galileia Jeju. Pe ho' mip non ca hwara' opa nein Tamataracon Iri' Jam quem. Tomi' hwet tomi' hwet pi' pin ac xucucun con na oro wari' pain oro xijein cidade pain i cain.

Lucas 4:31

Mao ac cain na Cafarnaum Jeju ma'. Pe nain Galileia. Sábado pin iri na ne, pain xec nein ca xao to wa ne ca xumu wa ma', pijim' ta' ta ac ca na, ca' na ac tococwa na pain capijacon Iri' Jam oro wari'.

João 1:43

Xec pin iri na ne, mao tain Galileia ta ac ca na Jeju. Mam' ac con na Filipe. Hap ra, ja' ja' ne ac con na.

João 2:11

Je win an hwet pe cain ca hwara' opa nucun Jeju pane, pain ca ara cain ca om ara taxi' ne ca wari' wa pane. An hwet pe pe nain pain Caná pain Galileia pane. Ara iri nain ne, an hwet pe ac cain na ca awi tamana nucun pain ca Iri' Jam nucun. Howa ac urut con na pain ca taxipa' urut con ca'.

João 3:24

(Om ca tao' pe querec tocwa João ma', ame hwe e'.)

João 4:43

2 pin iri na xec pain ca to ho' urut cocon oro wari' nein Samaria ne, maji ta ac caparut na Jeju, mama' ac urut pain na Galileia.

João 4:54

Pain ca paca' cain Judeia Jeju ma', pain ca in mao cain Galileia pane, je win 2 pin ne ca an hwet pe cain ca hwara' opa nucun pain ca ara cain ca om ara taxi' ne ca wari' wa pane.