Mateus 4:10 - Tradução Bíblica Pacaas Novos

¹⁰ In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Mateus 4:10 Iomraidhean Croise

Mateus 16:23

Xat tucu in hwet ac con na Jeju. Ac Caxicon Jam a xima pain ca tomi' querec mapa' ta Pedro. Mo ca' ne ta ac con na. To' i'ina mapa'. An xiho' main pacun ca pe wana ma', pain ca tao' pan' pin ton mapa' ca'. Om ca an xiho' main ca coromicat nucun Iri' Jam. An xiho' e' main ca coromicat nein ca wari' wa ta na ca tomi' con Pedro Jeju.

Marcos 1:13

Mon to wet ac cain na i cain. Ma' 40 na xec pain ca mon to wet cain i cain. Tomi' querec ac con na pain ca caracat wa Caxicon Jam. Ma' nain i cain caji carawa ca mana' quem. Ane quep xiho' cocon oro jam co taramaja mi' nonon Iri' Jam ne.

Lucas 10:18

Tomi' ac tococwa na: Taxi' inon Caxicon Jam ma', co taramaxicon pe ho' nonon oro caxicon jam ma'. Querec inon pain ca pan' qui' hap cain pawin pane. Ac comerem pain ca coc wein ca pain pawin na, ac i ma' na ca pan' qui' hap ca pane.

Lucas 11:18

Ac i ma' na con Caxicon Jam cocon oro win caxicon jam ca ma' quem. Mo xi mana' caracan xucucun, ma' xira ca hwara' opa cara ac caca quem ra? Om na. To' om pin ac xucucun xira pain ca hwara' opa nucucun. Tomi' ac i ma' inuhu', xi om ne ca tomi' em' ca' ara mahu' ta: Wirico Belzebu ma', co taramaxicon nucucun oro caxicon jam ma', wirico co mi' nem pain ca tomi' jein pin momon oro caxicon jam ta, ac i ma' na ca tomi' em' mahu' ma'.

Lucas 13:16

Je ca tomi' xuhu' ca' ac tococwa na. Na e' na pain ca quep xio pin tacama narima' cwa', co hwanana ne non Abraão cara pane. Ac ca pao' pe cam na Caxicon Jam pane. Wara pain pin na cam, ma' 18 pin na cawaxi' pain ca pao' pe cam pane. Om ca na ne pain ca tacom' ca' tacama con Caxicon Jam pain sábado ca' ra? Na ne ma' ira! Ac i ma' na ca tomi' tococwa ma'.

Lucas 22:3

Corom hwet ac con na Judas Caxicon Jam. Iscariotes na xijein wixicon Judas. To' 12 nonon co taxipa' ca Jeju ma'.

Lucas 22:31

Simão Simão, taraju wet ne e' ac ca na Jeju. Param nuhu' Caxicon Jam. To' i'ina xuhu', am ja' camara' xuhu' ta nuhu'. Tomi' non Te Iri' Jam quem, ta narain ho' mapa' cocon me ta non pahu'.

Lucas 4:8

Om na ta ac con na Jeju. Ac i ca' na ca xirao' pe xine pain capijacon Iri' Jam: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta. Ac i ma' na ca xirao' nein con ta non.

João 13:27

Cao' pin iri nain Judas ne, corom hwet pin ac con na Caxicon Jam quem. Tomi' ac con na Jeju: Ara hap rain ca ara ta' ma ma' na ca tomi' con ma'.

Atos 26:18

Ac ca to' querec pin momon tara pain tococon ma', ma' ta querec pin' cacapa'. Ac ca to' xuruxut ni ca' momon tara pain ca jitacat nein ma', pain ca xuruxut pin xin cacain naran ne ca', pain ca an to pin xin cacain ca caracat nucucun ma' quem. Taramaxicon pe ho' taramaxicon pe ho' om pin ac cocon tara Caxicon Jam, taramaxicon pe ho' pin ac cocon tara Iri' Jam ma' quem. Howa iri tatarapa' ne, xic am pin ac tococwa tara pain ca caracat nucucun, aram aram mi' mi' ac tococwa tara pain oro ca param nucun Iri' Jam ca cut to xo' mi' xun tococwa pain oro wari' nucun co to' hohot pin ca ma'. Ac i ma' na ca tomi' capa' Jeju pane.

Atos 5:3

Tomi' querec pan ac con na Pedro: Para om ari mon Caxicon Jam pain ca quep mip xim quem ma', pain ca mixein rain Tamataracon Iri' Jam quem ma' Ananias? Xi pe ho' cara ara quem tamain dinheiro ca cut ma pain macaram ta.

1 Coríntios 5:5

Ca' ac hun tara, mi' ac hun tara con Caxicon Jam, quep xirac ac con tara, quep xirac ac cain tara curucun. Ma' ta witan ne tamataracon pain xec nein ca in qui' ta' nucun Taramaxicon nexi'.

1 Coríntios 7:5

Je ca tomi' xuhu' ca': Ta narain ho' xujuhu' pain me ta. Miri'om e' xujuhu' pain ca tomi' xo' cain' xujuhu' pain ca momon tomi' e' xun Iri' Jam ta hwe ma', mo ta tomi' ca' xujuhu': Om ta quep mami' xijexi' pain xocori ca'. Paric ca' e' tara xec nein ca om quep xijexi', ma' ta momon tomi' e' xun Iri' Jam ta je. Pi' pin iri tara oro xec nein ca tomi' hun Iri' Jam ne, in hwet ac xujuhu' tara, quep mami' ac xujuhu' tara quem. Ma' ta om tomi' querec cuhu' Caxicon Jam pain ca to' i'ina xujuhu' pain ca param nuhu' ma'.

2 Coríntios 11:14

Je i ma' ira, om ca na ne pain ca wa wa xuxun pain, xi ac i ma' pan ara ca Satanás ta. Ha' ara xi' non pain ca to' jimao pan xucun ma', pain ca mixein capari' pain ca querec querec ac jam co toc meremem cwa', co taramaja mi' non Iri' Jam ma' quem.

2 Coríntios 12:7

Awi tamana na oro ca an hwet mi' capa' Iri' Jam pane. Je ca mi' capa' pain ca caxi wa ca'. Ma' ta om tomi' xec xec ma pain napa'. Jain jain ina pain ca caxi ne, ac jam co taramaja mi' non Caxicon Jam na pain ca to' jain jain capa'. Ac ca mam' xucun' capa' na pain pi pain cwere ca'.

2 Coríntios 2:11

Je ca na e' ne pain ca mana' mana' om pin xun pain ca caracat nucun ma', ma' ta om mixein capari' Satanás. Querec pin' ara xi' urun pain oro ca param ximao nucun pari'.

Tiago 4:7

Je ca tomi' xuhu' ca', tomi' ha' cara jun Iri' Jam. Ari jun Caxicon Jam, mo ca' ac cuhu' tara.

1Pedro 5:9

Ari jun Caxicon Jam. Hwara' opa je, howa cara jun Iri' Jam. Xi taxi' ara huhun oro xerexi' co to nanain oro xijein macan' ma', pain ca jain jain caca pain ca to' i'ina tococwa. Win cuhu' ma'.