Mateus 3:9 - Tradução Bíblica Pacaas Novos

⁹ Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne, pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca' ac tococwa na. Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

Mateus 3:9 Iomraidhean Croise

Marcos 7:21

Xi maqui' ara nein iri' ca xumu wa oro carawa ca to' em' nain ca wari' wa ta. Mo na: Ca coromicat pan teretem wa ma', ca caracat wa pain ca quep ximama' wa ma', ca cut noc xa wa carawa ma', ca to' pa' wa wari' ma', ca quep tacacama oro manacocon oro wari' ma', je pain ca quep ne cocon xucun tarama' oro narima' ma' quem,

Lucas 12:17

Coromicat ac xucun na: Cain' cain' xita' quem? Om ara xi' napa' xirim ca an to xo' tain oro caramaji tota ta na ca coromicat xucun.

Lucas 16:24

Merem ac ca na: Xiram pa' ne ta jeo' Abraão. Tomi' mi' ne con Lázaro ma'. Xin cam rain tamain mum pain com ron ne con me, ara xio rain petehwet nucun ne con me. Xi jain jain tamana ara ta' pain xe ca' paxi' non.

Lucas 19:40

Om na ta ac tococwa na. Mo xi tacana to caca co taxipa' ta' cwa', pain ca tomi' querec te tamana cacapa' ca', merem pan ac ne xira oro pacun pain ca tomi' hwet nein ca tomi' querec te nein pata' ta na ca tomi' tococwa ma'.

Lucas 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' hwein ca caracat nuhu' ta. Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca': Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

Lucas 5:22

Taxi' nonon Jeju pain ca coromicat ac i ma' caca ma'. Taxi' ximao na ximicon. Para coromicat ac i ma' hwe ma' quem ac tococwa na.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.

João 8:33

Cain' cain' xira quem ac cocon na. Xi iri' hwanana ne ara urut con Abraão cara pane ta. Wirico co wanxi' non hwanana nuxut pane. Om ca quep xat camain' caparut carawa. Para witan ca' jein carawa ca quep xat nuhu' ma' maparut quem nonon.

João 8:37

Iri' hwanana ne paxi' hun Abraão cara pane, taxi' inuhu' pain ca iri' hwanana ne hun ma'. Ane to' pa' pin xim mahu' ne. Xi howa hwein ca pijim' xuhu' ta.

João 8:53

Hwara' opa tiquin' ca' inon xi' ma mon hwanana nuxut Abraão co mi' pin cara pane ra? Hwara' opa tiquin' ca' inonon xi' ma momon oro profeta co cono' nana pane quem ra? Cain' cain' xima quem? Tomi' xec xec a xima ta! Ac i ma' na ca tomi' cocon ma'.

Atos 13:26

Taraju wet je me xere ac tococwa na. Wahu' pain ca waram winacon Abraão hwe ma', wahu' pain ca tomi' ha' taxipa' hun Iri' Jam pain ca om judeu hwe ma' quem, taraju wet je me. Iri' Jam ma', mi' pan napari' pain ca taraju wa capijacon con Jeju. To' witan ca' xim nuhu' pain ca caracat nuhu' Jeju ta napari'.

Atos 15:14

Je ca tomi' capari' Simão cwa'. Tomi' hwet napari' con Iri' Jam ma', pain ca xo' xiram pa' ten qui' cocon oro wari' co om judeu nana pain cara pane. Ma' tatara co tora' ta', co wari' ne ta' ta na Iri' Jam ta napari'.

Romanos 4:1

Je ca tomi' xuhu' ca'. Noro jun hwanana nuxut Abraão cara pane, co hwanana ne urut pain ca judeu urut ca'. Ma' carawa ca ara non quem?