Mateus 3:7 - Tradução Bíblica Pacaas Novos

⁷ Mija nana oro fariseu cocon oro saduceu co hwet nonon João ma'. Ma' ta ja' capari' pain com ta nana. Querec iri nonon João pain ca maqui' nucucun ma' ne, tomi' ac cocon na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem?

Mateus 3:7 Iomraidhean Croise

Mateus 12:24

Taraju iri nonon oro fariseu ma' ne, tomi' ximama' ac cocon na Jeju: Om na, om paxi' na ca hwara' opa pan ca pain ca tomi' jein pin cocon oro caxicon jam ta. Wirico Belzebu ma', co taramaxicon nucucun oro caxicon jam ma', wirico co mi' non pain ca hwara' opa nucun. Je ca ha' con pain ca tomi' jein pin cocon oro caxicon jam ta na ca tomi' ximama' cocon ma'.

Mateus 12:34

Je ca tomi' xuhu' ta oro caxicon em'. Ma' tara ca awi ac ne ca tomi' nuhu' pain ca om awi pan nuhu' ra? Carawa ca coromicat taxipa' hwe pain iri' xumuhu' ma', je ca tomi' hwet hwe pain capijahu' ma' quem.

Mateus 15:12

Tomi' xun e' ac urut con na pain ca taxipa' urut con ca', mo hwet ac urut con na. Tomi' querec ac urut con na: Taxi' momon oro fariseu cara ne? Mana' nenem pain ca tomi' nem cara ne urut con.

Mateus 16:1

Xuruxut hwet ac cocon na Jeju oro fariseu cocon oro saduceu. Tomi' querec xun ta nana. Am iri'o' ca, am om iri'o' ca quem nana. Je ca tomi' cocon ma': Ara rain carawa ca to' querec pin' naparut pain ca pe ho' quem ca hwara' opa nucun Iri' Jam ta nonon.

Mateus 16:6

Ma' tara xumuhu' me ac caparut na Jeju. Ein jein ca to' memerem nein capam' nucucun oro fariseu cocon oro saduceu ta naparut.

Mateus 22:15

Hwerehwet mama' ac caca na oro fariseu ma'. Tomi' xo' ac xucucun na: Cain' cain' xuxun quem? Tomi' querec xun e'. Mo ta tomi' ximao ca, querec pin' ac tocwa tara pain ca om iri'o' nucun ta nana.

Mateus 22:23

Pain xec nein ca tomi' querec cocon Jeju pain imposto oro fariseu ma', ma' ac caca na oro saduceu ma', co howa ca' nana quem: Om ca e' mami' xi' caca co wara cono' nana ta na ca howa nucucun. Tomi' querec xun Jeju ta ac caca na, xuruxut hwet ac cocon quem.

Mateus 22:34

Jeju ma', tomi' hehe pin nonon oro saduceu. Taxi' pin iri nanain i ma' oro fariseu ne, cut in ac xucucun na, xuruxut hwet ac cocon na Jeju.

Mateus 23:33

Mija hwe xin ta ac tococwa na. An xiho' hun em' co huru caxi. Ma' na ca witan ca' ac hun Iri' Jam pain ca wixicaracao' mi' xim cuhu' pain cote ne xe ra?

Mateus 5:20

Je ca tomi' xuhu' ca': Tomi' ha' jein oro ca tomi' nucun Iri' Jam. Coromicat ac i ca' paxi' hwe pain xocori ca': Tomi' ha' nana oro fariseu ma', tomi' ha' nana oro co ca' na taxipa' nanain ca xirao' nucun Moisés ma' quem, ac i ma' paxi' na ca coromicat nuhu' pain xocori ca'. Ane tomi' pan xuhu' pain i ca' ne: Mo ta om tomi' ha' tiquin' ca' huhun pain oro ca tomi' nucun Iri' Jam ma', om ta to ho' camain' huhun oro wari' co taramaxicon pe ho' ca Iri' Jam ta. Tomi' iri'o' inuhu' ta.

Marcos 12:13

Om ca pain homa ne, tomi' ac caca na oro taramaxicon nuxut pain ca judeu urut ca', tomi' nonon oro fariseu cocon oro win ma' ca taramaxicon Herodes ma' quem. Mo tomi' jun Jeju ta nonon. Tomi' querec jun. Mo ta tomi' pan tem ca, ha' ac capari' tara pain ca quep xun ta nonon.

Marcos 12:18

Xuruxut hwet ac cocon na Jeju oro saduceu. Howa ca' nana oro saduceu: Om ca e' mami' xi' caca oro wari' co wara cono' nana ta nana. Tomi' ac cocon na Jeju:

Marcos 8:15

Tomi' mip ac tococwa na: Ma' tara xumuhu' me. Ein jein ca to' memerem nein capam' nucucun oro fariseu cocon oro wari' nucun Herodes ta tata.

Lucas 16:14

Oro fariseu ma', co param nanain dinheiro ma', taraju nonon Jeju pain ca tomi' ac i ma' ca ma'. Tatam' ac cocon na, tomi' xirac nonon quem.

Lucas 18:11

Corom mama' iri nanain ca tao' caho' nein cote ne xiricon Iri' Jam ne, xat pe ac cain i ma' na fariseu ma'. Tomi' ton Iri' Jam ta ac ca na. Om ca hwet ne ca tomi' nucun, tomi' pan xucun pain ca coromicat nucun. Ca' na ca tomi' con ma': Iri' Jam ac ca na. Tomi' querec te inem pain ca om an xiho' toton oro caracat ma': Co param ximama' nanain caramaxicocon oro win ma' caca ma', co om ximicocon ma', co quep nanam manacocon oro win ma' caca ma' quem, tomi' querec te inem pain ca om an xiho' toton ta. Tomi' querec te inem pain ca om an xiho' ton caxicon wari' cwa' quem, co cut in taxipa' nain imposto cwa'.

Lucas 7:30

Oro fariseu cocon oro co ca' na taxipa' nanain ca xirao' nucun Moisés ma' iri nana ne, om ca ja' tococwa pain com. Xi noc urut pain ta ara caca pain ca cwirin' jein ca caracat nuhu' ta tococwa.

João 1:24

Caram ma' co tomi' jun caca oro taramaxicon ma', ma' nana co fariseu nana.

João 8:44

Te hun Caxicon Jam ma' ira. An xiho' hun quem. Wara to' pa' taxipa' non wari' pain ca xo' quep qui' xine macan' pane, mao ac ne ma' na con, je curucun mao na. Noc nain ca tomi' iri'o' wa. Om ca tomi' iri'o' taxi' ca. Tomi' mixein iri na ne, ara e' nain carawa ca maqui' nain ximicon. Xi tomi' mixein taxipa' ara ca ta. Wirico co ja' tomi' mixein nonon oro wari' co tomi' mixein nana ma' quem.

João 9:40

Ma' ac caca na oro fariseu co taraju nonon pain ca tomi' ac i ma' ca ma'. Cain' cain' xima quem ac cocon na. Ac ca tomi' maparut na, ac ca om ne na tucuhu' pain ca om taraju pa' hwein capijacon Iri' Jam maparut ron ac cocon na.

Atos 15:5

Ane ma' caca caram ma' co fariseu nana ne. Howa nonon Jeju quem. Taraju iri nanain i ma' ne, pain ca howa pin cocon Jeju oro wari' co om judeu nana ma', tequi' to ac caca na, tomi' ac caca na: Co om judeu nana ma', mo ta howa xun Jeju caca, na e' na pain ca wac xirac cacain taparinain ca xirac nucucun ta. Na e' na pain ca tomi' ha' cacain oro ca xirao' nucun Moisés ma' quem, ac i ma' na ca tomi' caca ma'.

Atos 20:31

Je ca ma' tara xumuhu' me xuhu' ca'. Mam' pe wet xine pain ca hu tamana qui' xuhu' pane, ma' 3 na cawaxi' pain ca hu hu xam' xuhu' pane, pain xec je pain xim quem. Xiram pa' inuhu' pane, aca ma' ina pahu' pane.

Atos 26:5

Wara taxi' nanapa' pain cara pane, taxi' nanapa' pain ca wara fariseu ta' pane quem. An xiho' inonon oro xucucun oro fariseu pain ca tomi' ha' tomi' ha' pi' pin cacain oro ca xirao' nucun Moisés ma', pain ca joc in pin cocon oro xucucun win judeu iri' pain ca howa xun Iri' Jam. Mo xi ma' ne ximicocon ma', na ac cocon xira pain ca iri'o' na ca tomi' nucun ta pan quequem pata'.

Atos 5:17

Mana' ac ca na sacerdote co iri' taramaxicon, cocon oro win ma' ca ma', co saduceu nana ma'. Noc tamana tata oro apóstolo, xi om caca oro wari' co tomi' querec te pan nonon ta.

Romanos 1:18

Je ca tomi' xo' capari' Iri' Jam cwa': Mana' inonon oro caracat, wap inonon ta na. Wap inonon oro caracat co miri'om nanapa' ma', co pan teretem nana ma' quem na. Wap wap xam' inonon oro wari' co pan teretem nana, co to' i'ina nonon oro win ma' caca pain ca taraju xin paxi' cacain capija ca iri'o' ca' na quem.

Romanos 5:9

Je ca tomi' xuhu' ca'. Tomi' ca' napari' Cristo: To' hohot pin nuhu' Te, xi om ne cocu ca ao mao ca' pahu' napari'. Ac i ma' napari' pain ca to' hohot pin capari' ca'. Je ca taxi' xun pain ca narain ho' xim capari' pain ca mana' nucun Cote ca pain ca aram aram mana' toton cocon oro caracat ma'.

1 Tessalonicenses 1:10

Tomi' hwet nanaparut pain ca winim' hun Panxica ma', co to' e' mami' ca ma'. Winim' hun Jeju pain ca in qui' tain cain pawin. Wirico Jeju co to' witan ca' xim napari' con Cote ca co wap toton nonon oro caracat ma', pain ca mama' jein cote ne xe toton cocon ma'.

Hebreus 11:7

Howa non Iri' Jam Noé cara pane. Tomi' hwet iri ta pain carawa ca om hwet pa' querec nonon ne, tomi' ha' ac con na. Quep ac cain na mam' horoho wa, ma' ta witan pin ta' cocon oro ca nari ne cwa' ta na pane. Howa pan iri na Noé ne, querec pin' ac tococwa na oro win ma' caca pain ca om howa nucucun ma', wap pin ac tococwa na quem. To' hohot pin inem, xi howa ara mapa' ta pan ac con na Iri' Jam quem.

Hebreus 6:18

Je ca tomi' xuhu' ca'. Ma' 2 na ca tomi' nucun Iri' Jam ta. Om ca an in camain' cain quem. Tomi' pe mi' napari' pain carawa ca ara mi' xim capari' ma', an hwet ac cain na wixicon pain ca tomi' an pe cain quem. Tomi' iri'o' na quem, om ca mixein ac ca Iri' Jam. Tomi' ac i ma' napari', ma' ta hwara' opa hwe pain ca howa mahu' ma', pain ca wixicam mahu' pain ca winim' hwein xec nein ca ara mi' xim xuhu' pain oro ca wara tomi' an pe mi' xuhu' ca' napari'.

1João 3:10

Je i ca' ca to' querec pin' napari' ca jimama' ca' xucucun mana panxica Iri' Jam cocon mana panxica Caxicon Jam: Wari' co om ara xo' taxipa' ma', co noc non win howa ca ma' quem, om ca panxica Iri' Jam ca co ma'.