Mateus 3:6 - Tradução Bíblica Pacaas Novos

⁶ Tomi' hwet pin iri nanain ca caracat nucucun ne, ja' pan ac cocon na pain com João ma'. Ja' pe tata pain Jordão ma'.

Mateus 3:6 Iomraidhean Croise

Mateus 3:11

Ja' inuhu' pain com, xi om ne ca cwirin' pin ara hwe ta ac tococwa na. Wara maqui' paxi' ina, ane maqui' ta' pa'ao' ca xucun co hwara' opa tiquin' ca' napa' ne. Iri' wari' na quem. Om ca hohot ne pain ca quep xiho' camain' ton pain ca cut mi' ton pain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Marcos 1:5

Xuruxut xuruxut hwet nonon oro wari' co to nanain oro xijein cidade pain Judeia ma', wiricoco oro wari' co to nanain Jerusalém ma' quem. Tomi' hwet pin iri nanain ca caracat nucucun ne, ja' pan ac cocon na pain com João ma'. Ja' pe tata pain iri' cwerein com ma', pain Jordão ma'.

Lucas 1:16

Quep xiho' mija totoron oro win ma' ma pain ca wari' nein Israel hwe ma', quep xiho' totoron pain ca cwirin' pin xin cacain ca caracat nucucun ma', in hwet ac cocon tara Iri' Jam co Iri' Taramaxicon ne caca oro hwanana nuhu' pane.

Lucas 3:16

Ane tomi' xo' ca' cocon João ne: Ja' paxi' inuhu' pain com ta, ane maqui' ta' ca xucun co hwara' opa tiquin' ca' napa' ne. Iri' wari' na. Om ca hohot ne pain ca taramaja mi' ton, om xi quep xiho' camain' ton pain ca tacom' mi' ton pain macorinain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Atos 1:5

João cara pane, ja' nonon pain com oro wari'. Wahu' iri tara ne, om ta pain homa ne, mi' ac xihwe tara pain Tamataracon Te. Ac i ma' na ca tomi' tococwa.

Atos 11:16

Mam' pe wet ac tain na ca tomi' capari' Taramaxicon nexi' pane: João cara pane, ja' nonon pain com oro wari'. Wahu' iri tara ne, mi' ac xihwe tara pain Tamataracon Iri' Jam ta napari' pane.

Atos 19:18

Maqui' mija ac caca na co howa pin nana ma' quem, tomi' hwet tomi' hwet ac cacain na oro ca ara nucucun ca om awi camain'. Taraju taraju pi' pin nonon oro wari' ma'.

Atos 22:16

Je ca tomi' xim ca' ac capa' na: Para hehe ma ma'? Hap ra, tequi' pe ra, an hwet rain ca howa nem pain ca ja' ma com ta. Hohoc pin ne pain ca caracat ne ta ron Jeju quem. Ac i ma' na ca tomi' capa' Ananias pane.

1 Coríntios 10:2

Tatep pa' iri nonon tajain nanawin ne, xuruxut xom tacaracam' mama' iri nanain cote ne com ne, ac ca ja' ja' pi' pin tococwa na pain com. Xi om ne ca taxipa' pin ara cocon Moisés pane.

Colossenses 2:12

Ja' iri xihwe pain com pane ne, ac ca cut corom to wi xihwe con na, ac ca e' mami' wi hwe con na quem. Xi om ne ca howa ara hun Iri' Jam pain ca hwara' opa nucun ma', pain ca ha' con pain ca to' e' mami' con Cristo pane.

Hebreus 6:2

Wara tomi' xo' urut pahu' pain ca ca' na xine pain oro ca ja' wa com, je pain ca quep tocwa pain winacon wari' ma' quem. Wara tomi' xo' urut pahu' pain ca to' e' mami' xun tococwa co wara cono' nana, je pain ca tomi' xo' xun tococwa pain oro ca ara caca oro wari' pain ca e' e' wet nucucun pane quem.

Hebreus 9:10

Oro ca ara caca pain ca in ac cocon Iri' Jam ma', ara taxipa' e' nanain ca hu pan tococwa pain carawa ca cao' wa, je pain ca toc wa quem, je pain ca hohoc xo' xucucun quem. Tomi' ha' je e' tata, tomi' ha' tomi' ha' maqui' pa' ac cuhu' tara xec nein ca to' xocori pin tain cain oro ca tomi' xo' xim xuhu' ta nonon ma'.

Tiago 5:16

Je ca tomi' xuhu' ca'. Tomi' hwet mi' xujuhu' pain ca caracat nuhu' ma'. Tomi' mi' xujuhu' con Iri' Jam quem. Ma' ta xio pin hwe. Wari' co xut xo' ma', tomi' mi' iri non con Iri' Jam win ma' ca ne, hwara' opa tamana na ca tomi' nucun. Mi' pan non pain ca tomi' nucun Iri' Jam ta.

1Pedro 3:21

Com ca to' witan nanam pane, tomi' joc mam' mi' nain com ca ja' iri' pain ca howa nexi' pain xocori ca' quem. Ja' iri irin com ne, om ca hohoc xin homirixi', om na. An hwet e' irin ca wara tomi' xun Iri' Jam pain ca hohoc pin rain ca caracat ne pain xumu me xun ca'. To' witan pin napari', xi om ne ca to' e' mami' ara con Jeju Cristo ta.

1João 1:9

Tomi' hwet mi' iri urun pain ca caracat nexi' Iri' Jam ne, xic am pin ac cain na. Xi mixein capari', om ca mixein camain' capari'. Tama' ara xo' na, ara mi' taxipa' napari' pain oro ca tomi' pe mi' capari' quem. To' om to' om pi' pin napari' pain oro ca caracat nexi'.