Mateus 3:3 - Tradução Bíblica Pacaas Novos

³ Wirico João co xirao' pe ca profeta Isaías cara pane. Ca' na ca xirao' pe nucun pane: Ma' na wari' co merem pe nain mahweri. Wara quep xo' mi' jun pain wana Taramaxicon nuhu'. Quep tan pan mi' jun pain wana ta. Ac i ma' na ca xirao' pe nucun Isaías pane.

Mateus 3:3 Iomraidhean Croise

Marcos 1:3

Merem pe tarain mahweri. Wara quep xo' mi' jun pain wana Taramaxicon nuhu' totoron oro wari'. Quep tan pan mi' jun pain wana ta totoron quem. Ac i ma' na ca xirao' pe nucun Isaías pane.

Lucas 1:17

Wirico tara panxima co wara o ta' na con Iri' Taramaxicon co wara tomi' pe ca Iri' Jam pane. Pijim' hwara' opa tamana tara, win ca profeta Elias cara pane, an xiho' toron Elias pain ca pijim' hwara' opa nucun. To' om pin tarain ca mana' caracan xucucun mana cote caca cocon mana panxicaca, tomi' querec te pin mami' ac xucucun tara. To' coromicat xo' pin ac cocon tara oro wari' co ari nonon Iri' Jam ma', aram aram coromicat an xiho' pin ac cocon tara co tomi' ha' nana ma' quem. Tomi' tomi' wara awori xo' totoron oro wari', ma' ta winim' xo' cocon Iri' Taramaxicon pain ca aram aram maqui' nucun. Ac i ma' na ca tomi' con Zacarias jam co taramaja mi' non Iri' Jam pane.

Lucas 1:76

Je ca tomi' xim ca' arain ac con na panxica. Hwara' pin iri ra ne, iri' profeta nucun Iri' Jam co Iri' Taramaxicon pan ta ac ma tara. Xi wara o ta' ara ma con Taramaxicon nexi' ta. Tomi' xo' ac momon tara oro wari' con, ma' ta winim' xo' cocon. Ac ca wara ara xo' main wanaxicon tara pain ca tomi' xo' momon ta.

João 1:23

Wata' co xirao' pe ca profeta Isaías cara pane ac tococwa na. Ca' na ca tomi' ca pane: Wata' co merem pe nain mahweri. Quep tan pan mi' jun pain wana Taramaxicon nuhu' inonon oro wari'. Ac i ma' na ca tomi' tococwa ma'.