Mateus 3:17 - Tradução Bíblica Pacaas Novos

¹⁷ Tomi' pan ac con na Iri' Jam. Maqui' nain pawin ca tomi' nucun. Mon cwa' panxita' co om noc camain' ta' cwa'. Hohot tamana napa' ta na ca tomi' con ma'.

Mateus 3:17 Iomraidhean Croise

Mateus 12:18

Noro jun wari' ne co tora' ta' cwa', co taramaja mi' napa' cwa'. Om ca noc ton. Hohot tamana napa'. Mi' ton pain Tamatara. Pijim' totoron oro wari' pain oro xijein macan'. Oro wari' co om judeu nana ma', tomi' hwet pan ac tococwa tara pain ca ara xo' ne ca', pain ca main wap ton toton oro wari' co pan teretem nana ma'.

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Marcos 1:11

Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Marcos 9:7

Hwet qui' ac ne na tajain nanawin. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' Panxita' co om noc camain' ta' cwa'. Taraju wet jun ta na ca tomi' nucun.

Lucas 3:22

Quiji' hwet ac con na Tamataracon Iri' Jam. Ac xucu' na cwerein. Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Lucas 9:35

Taraju ac cacain na ca tomi' wa ma', ca maqui' nain nanawin ma'. Mon cwa' Panxita' co tora' ta' cwa'. Taraju wet jun ta na ca tomi' nucun.

João 5:20

Xi noc camain' capa' Te pain ca Panxita' capa' ca'. An hwet mi' napa' pain carawa ca ara ca. Ame hwe e', main an hwet mi' tarapa' pain oro xijein carawa ca hwara' opa tiquin' ca' nain oro ca ara ne ca wara querec hwe cara ne. Wa wa ac hwein tara quem.

João 5:37

Te ma', co hwet roron oro wari' ta napa' pane, tomi' hwet pan napa' pahu' quem. Om ca taraju camain' hwein iri' ca tomi' nucun, om ca querec pin' hun quem.

Efésios 1:6

Je ta tomi' querec te xun pain ca quep xiho' tamana capari' ta. Xi xiram pa' pan ara capari' pain ca mi' e' capari' pain ca win cwere pin xun Cristo co om noc ca ma'.

Colossenses 1:13

Xi wirico ara ca co to' witan ca' napari' con Caxicon Jam ma', co taramaxicon pe nain ca jitacat nein xim ma'. To' witan ca' napari' con, an to pin ac capari' na pain ca taramaxicon pe ca Panxica co om noc ca ma'.

2 Pedro 1:17

Wirico Cotere' Iri' Jam co mam' tomi' non Panxica pain ca hwara' opa tamana pan nucun pain ca an hwet pe cain ca awi nucun pain ca mi' con pain ca toc meremem nucun pane. Tomi' ca' non: Mon cwa' panxita' co om noc camain' ta' cwa'. Hohot tamana napa' ta na ca tomi' con.

1João 5:9

Tomi' hwet iri nanapari' pain carawa oro wari' ne, pain ca tomi' iri'o' ina ta cacapari' ma', howa ac xuxun na. Awi na ca tomi' nucucun ta paxi' ururun, ane awi tamana pan ne ca tomi' nucun Iri' Jam pain ca tomi' iri'o' ina pain ca tomi' hwet xuhu' con Jeju Cristo ta capari' ne. Awi tiquin' ca' nain ca tomi' hwet nucucun oro wari'. Xi Iri' Jam pan ara ca co tomi' hwet napari' con Panxica ta.

Apocalipse 14:2

Taraju ac tain na ca ac ca tomi' wa paxi' ne ma'. Maqui' nain pawin. Ac ca xain ne pacun pain ca weweweo tamana ne com na, ac ca toroho mip ca comerem na quem. Ac ca tao' xine na cote ne ca ac violão paxi' ma' quem.