Mateus 28:9 - Tradução Bíblica Pacaas Novos

⁹ Ane ane win quima ho' ac cacam na Jeju pain wana. Ma' i ma' pahu' quem ac cacam na. Xuruxut hwet ac cocon na, pe torotop mi' ac cocon na, pe horoman tapan' ac cacamain na caximacon. Tomi' querec te tamana nonon pain ca in ac cocon ma'.

Mateus 28:9 Iomraidhean Croise

Mateus 14:33

In ac ac cocon na, pe torotop mi' ac cocon na. Panxica Iri' Jam ma ma' ira ac cocon na quem.

Mateus 23:7

Tomi' querec te xo' tatarapari' oro wari' co xao to to nanain ximijain cidade quem nana. In ac tatarapari' pain ca ca' na xuxun pain capijacon Iri' Jam ta nana quem.

Mateus 28:10

Ta jin' hwe me ta ac cacam na. Mo tomi' jujun xere cwain. Mama' jein Galileia cain jujun. Je i cain tara ca querec pe mahu' ta nuhu' ca' jujun ta na ca tomi' cacam ma'.

Mateus 28:17

Querec iri urut con ne, pe torotop mi' ac urut con na pain ca in ac urut con. Pe torotop mi' paxi' urut con, ane ma' caca win ma' nuxut co hehe nana ne. Wirico tara ron nana pain ca hehe nucucun.

Mateus 28:8

Hwerehwet ca' hap ac cacamain na manain pacun ma'. Jin' paxi' nana, ane tomi' querec te tamana cacama ne. Maji jein hwet xuxun co taxipa' ca cwain. Tomi' hwet xuxun pain ca ara ne con Jeju ta nana.

Lucas 1:28

Hwet iri nam ne, tomi' ac cam na: Maqui' ina ta Maria. Tomi' querec te ra inem, xi om ne ca param mi' ara quem, pain ca awi wa Iri' Jam co Iri' Taramaxicon ta. Pe ho' nem quem na ca tomi' cam ma'.

Lucas 24:52

Pe torotop mi' querec te ac cocon na, in mama' ac cacain na Jerusalém. Tomi' querec te tamana nana.

Lucas 7:38

Xat pe ac camain na waracon Jeju ma', pain caximacon. Aca aca ja' ac camain na caximacon pain comi tocwam, mam' xic ac camain na pain tenenequem. Xic xic cawain' pin iri nain caximacon ne, xup ac camain na, ji'ao mi' ac camain na pain caji towaxi' ma' quem.

João 12:3

Maria ma' iri na ne, an ac camain na too ca ji'ao pe xine caji towaxi' ca hu xain ma'. Homain nardo na wixinain caji towaxi'. Mija na dinheiro nein quem. Ji'ao mi' ac camain na pain caximacon Jeju, xic cawain' ac camain na pain tenenequem quem. Hu xain pi' pin ac ne na tequipain xirim pain.

João 20:19

Wara irawin pin na pain iri' domingo nein ca e' mami' ca Jeju ma'. Cut in ac xujuxut na pain ca taxipa' urut con ca'. Corom to urut pain xirim, tao' pa' ac urut pain na oro man ca corom ac wa ma'. Xi jin' ara urut cocon oro taramaxicon nuxut pain ca judeu urut ta. Corom ac ca na Jeju. Xat pe nain ximijaxut. Ta toron ne xumuhu' me ta ac caparut na.

João 20:28

Taramaxicon ne! Iri' Jam ne! Ac i ma' na ca tomi' con ma'.

2 Coríntios 13:11

Je i ca' ca xirao' ne ca' xere. Tomi' querec te je me. Win xumu jein ca xuruxut xo' hwe. Tomi' ha' xine pain ca hu xuhu' ca'. Ac je ac je ari tara ca coromicat nuhu'. Tomi' querec te xujuhu' pain ca to ho' xujuhu' ma' quem. Pe ho' ac cuhu' tara Iri' Jam. Wirico co mi' napari' pain ca om noc xijexi' ca', wirico co mi' napari' pain ca om toron ne ximixi' ca' quem.

Apocalipse 3:9

Taraju wet je e'. Cut in toton caram ma' co judeu urut paxi' nana ma'. Xi iri' judeu caca ta. Mixein nana, wari' nucun Satanás caca ma' ira. Cut in toton, tomi' mip ac toton tara, pe torotop mi' jujun pain caximacocon caram cwa' co howa nanapa' cwa', querec pin' xine pain ca om noc toton ta toton pahu'.