Mateus 28:8 - Tradução Bíblica Pacaas Novos

⁸ Hwerehwet ca' hap ac cacamain na manain pacun ma'. Jin' paxi' nana, ane tomi' querec te tamana cacama ne. Maji jein hwet xuxun co taxipa' ca cwain. Tomi' hwet xuxun pain ca ara ne con Jeju ta nana.

Mateus 28:8 Iomraidhean Croise

Mateus 28:7

Mama' harahap je ta ac cacam na. Tomi' jujun co taxipa' ca ma', e' mami' na ta jujun. Tomi' ca' jujun quem: Wara mao nain Galileia cain. Mama' je quem, je i cain tara ca querec pe hun ta jujun. Ta ji'am pin hwein ca tomi' xuhu' ca' me nanam.

Mateus 28:9

Ane ane win quima ho' ac cacam na Jeju pain wana. Ma' i ma' pahu' quem ac cacam na. Xuruxut hwet ac cocon na, pe torotop mi' ac cocon na, pe horoman tapan' ac cacamain na caximacon. Tomi' querec te tamana nonon pain ca in ac cocon ma'.

Marcos 16:8

Jin' tamana nana, mija na ca cocoroc cacama. Hwerehwet mama' ac cacama na, jein ca' ac cacamain na manain pacun. Om ca tomi' hwet cocon pain oro wari' quem, xi jin' tamana ara cacama ta.

João 16:20

Je ca tomi' xuhu' ca', tomi' iri'o' inuhu' ta ac caparut na. To' pa' pin iri tatarapa' ne, awaran tamana ac hwe tara pain ca tomi' xaxa' nuhu'. Oro wari' co om howa nanapa' ma' iri tatara ne, tomi' querec te pan tatara. Jain jain paxi' pan je pain ca tomi' xaxa' nuhu'. Ame hwe e', main tomi' xaxa' tomi' xaxa' om je, tomi' querec te ac hwe tara ta.

João 16:22

Ac i ma' xi' hwe quem. Tomi' xaxa' paxi' hwe pain xocori ca'. Ame hwe e', main querec mami' xijexi'. Tomi' querec te tamana ac hwe tara. Om tara wari' co to' om pin ac nain ca tomi' querec te nuhu' quem.