Mateus 28:6 - Tradução Bíblica Pacaas Novos

⁶ Om pin nain i ca'. E' mami' na ta. Win ne ca wara tomi' pe cain pane. Harahap je, noro jein ca terem' pe ca ira.

Mateus 28:6 Iomraidhean Croise

Mateus 12:40

Win ne pain ca corom pe cain moji cote ne hwam Jonas cara pane. Ma' 3 na xec, ma' 3 na xim quem, pain ca corom pe cain moji cote ne hwam con Iri' Jam pane. Ac i ma' ta' pain ca Iri' Wari' ta' ca' quem. Corom pe tain macan'. Ma' 3 tarapa' xec, ma' 3 tarapa' xim quem, pain ca corom pe tain macan' ta.

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Mateus 17:23

To' pa' pin ac cacapa' tara quem. Ma' 3 pin iri tarapa' xec pain ca mi' pin ne ne, to' e' mami' ac capa' tara Iri' Jam ta na ca tomi' caparut. Tomi' xaxa' tamana ac urut na quem.

Mateus 17:9

Quiji' mama' ac cacain na pacun. Pain ca xuruxut xuruxut wet nucucun ma', tomi' ac tococwa na: Ta tomi' hwet huhun oro wari' pain ca querec hwe pata' me. To' e' mami' cain' tarapa' Te ta. Wata' pain ca Iri' Wari' ta' ca', to' e' mami' cain' tarapa' Te. Tomi' hwet ac huhun pain tara ca querec hwe pata' ta na ca tomi' tococwa ma'.

Mateus 20:19

O mi' ac cacapa' tara cocon co om judeu nana ma' quem. Tatam' tatarapa', tomi' xirac ac cacapa' tara, wap ac cacapa' tara quem. Tatatain mi' ac cacapa' tara pain pana, wa wa mi' pin pe ac tain tara. Ma' 3 pin iri tara xec pain ca mi' pin ne ne, e' mami' ac ta' tara ta naparut.

Mateus 27:63

Taramaxicon ac cocon na. Mam' pe wet urut pain ca tomi' nucun co pacara ne, co tama' mixein cara ne. Ca' na ca tomi' nucun pain ca e' e' wet nucun pane: Ma' 3 pin iri tara xec pain ca mi' pin ne ne, e' mami' ac ta' tara ta na ca tomi' mixein nucun pane.

Marcos 16:6

Ta jin' mahu' me ta ac cacam na. Pirao' paxi' hun Jeju co maqui' nain Nazaré pane, co tatatain mi' wa pain pana pane. E' mami' na ta. Om pin nain i ca'. Noro je. Je i ca' ca an terem' pe cacain curucun pane na ca tomi' cacam ma'.

Marcos 8:31

Tomi' xo' ac tococwa na: Na e' na pain ca jain jain tamana ta' ta' ca'. Wata' pain ca Iri' Wari' ta' ca', jain jain tamana ta'. Noc tatarapa' oro taramaxicon nexi' pain ca judeu iri' ca'. Noc tatarapa' oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. To' pa' pin tatarapa' quem. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' tococwa ma'.

Lucas 24:12

Pedro ma' iri na ne, tequi' pe ac ca na, mo hwet ac cain na manain pacun. Xujuxuc pe iri na ne, querec e' non wom co mam' wiric pa' tocwa ma'. In mao ac ca na, cain' cain' xira ne ac ca na pain carawa ca ara non Jeju.

Lucas 24:23

Hwet iri nanain ne, wara om pin na curucun. In hwet ac cacaparut na, tomi' hwet ac cacaparut na pain ca querec cocon oro jam co taramaja mi' nonon Iri' Jam. Ac ca tohwein' cacama na, ane om pi'am cacama ne. Querec nana. Tomi' ac cacam na, e' mami' na ta ac cacam na.

Lucas 24:44

Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

João 10:17

Om ca noc capa' Te. Xi nain ho' xije ta. Mi' pin caho' toton oro wari' ne ina. Ma' ta e' mami' ta' ina.

João 2:19

Om na, to' pa horohot pin jein cote ne xiricon Iri' Jam ca' ac tococwa na. 3 pin iri tara xec nein ne, quep mami' ac tain tara ta na ca tomi' tococwa ma'.

Atos 2:24

Ane to' witan ca' con pain ca mi' pin cara wa Iri' Jam ne. To' e' mami' non. Xi ha' con pain ca mi' pin cara wa ta.