Mateus 28:16 - Tradução Bíblica Pacaas Novos

¹⁶ Maji pain Galileia ta ac urut na pain ca taxipa' urut con Jeju ca', mama' ac urut na. Ma' 11 pin e' urut pain ca taxipa' urut con ca'. Hwet ac urut pain na pacun ca wara tomi' xo' caparut Jeju pane.

Mateus 28:16 Iomraidhean Croise

Mateus 26:32

Ane e' mami' ta' ta' ne. E' mami' iri ta' ne, wara mao ac tain tara Galileia. Maqui' ac hwe tara pa'ao' na ca tomi' caparut ma'.

Mateus 28:10

Ta jin' hwe me ta ac cacam na. Mo tomi' jujun xere cwain. Mama' jein Galileia cain jujun. Je i cain tara ca querec pe mahu' ta nuhu' ca' jujun ta na ca tomi' cacam ma'.

Mateus 28:7

Mama' harahap je ta ac cacam na. Tomi' jujun co taxipa' ca ma', e' mami' na ta jujun. Tomi' ca' jujun quem: Wara mao nain Galileia cain. Mama' je quem, je i cain tara ca querec pe hun ta jujun. Ta ji'am pin hwein ca tomi' xuhu' ca' me nanam.

Marcos 16:14

Aram aram hwet pa' ac tococwa na co taxipa' ca ma' quem, co ma' 11 nana ma'. Hwet pa' tata pain ca cao' nucucun. Tomi' mip ac tococwa na. Xi howa cacam co querec nonon pain ca e' mami' nucun ta. Para om howa hwe ma' quem? Om ca howa je na hwe ra tata.

1 Coríntios 15:15

Mixein hwe ta ac cacaparut xira oro wari' quem, xi pijim' taxipa' ara urut pain ca to' e' mami' non Cristo Iri' Jam ta urut ca'. Mo xi om iri'o' ne ca to' e' mami' toton cocon oro wari' Iri' Jam, om xi to' e' mami' con Cristo quem.

João 6:70

Wata' paxi' na co tora' pi' pin nuhu' pain ca 12 hwe ma' ac caparut na. Ane ma' ca win ma' nuhu' co tomi' ha' non Caxicon Jam ma' ne na ca tomi' caparut ma'.

Marcos 14:28

Ane e' mami' ta' ta' ne. E' mami' iri ta' ne, wara mao ac tain tara Galileia. Maqui' ac hwe tara pa'ao' na ca tomi' tococwa ma'.

Marcos 15:41

Wara ja' ja' nonon Jeju pane, pain ca pe qui' cain Galileia pane. Ja' ja' nonon, quep xiho' nonon quem. Mija nana oro xequequem co ja' ja' nonon pain ca maqui' cain Jerusalém ma' quem.

Marcos 16:7

Mama' je ta ac cacam na. Tomi' jujun co taxipa' ca ma', tomi' jun Pedro ma' quem. Wara mao nain Galileia cain. Mama' je quem, je i cain tara ca querec pe hun ta jujun. Win ne ca wara tomi' pe cuhu' pane ta jujun ta na ca tomi' cacam ma'.