Mateus 28:10 - Tradução Bíblica Pacaas Novos

¹⁰ Ta jin' hwe me ta ac cacam na. Mo tomi' jujun xere cwain. Mama' jein Galileia cain jujun. Je i cain tara ca querec pe mahu' ta nuhu' ca' jujun ta na ca tomi' cacam ma'.

Mateus 28:10 Iomraidhean Croise

Mateus 14:27

Ane tomi' hap caparut Jeju ne. Om na, ta jin' mahu' me ta, wata' ta. Quereme je ta naparut.

Mateus 25:40

Wata' pain ca Taramaxicon ta' ca', tomi' ac toton tara: Quep xiho' iri huhun oro wari' co howa nanapa' pane ne, co xere ta' pane, co om hwara' opa camain' nana pane, wata' pan ac ne na co quep xiho' hwe pane. Tomi' iri'o' inuhu' ta, ac i ma' tara ca tomi' toton ta.

Mateus 25:45

Tomi' ac toton tara: Om iri na ca quep xiho' huhun oro wari' co howa nanapa' ne, co om hwara' opa camain' nana pane, wata' ac ne na co om quep xiho' hwe pane quem. Tomi' iri'o' inuhu' ta, ac i ma' tara ca tomi' toton ta.

Mateus 26:32

Ane e' mami' ta' ta' ne. E' mami' iri ta' ne, wara mao ac tain tara Galileia. Maqui' ac hwe tara pa'ao' na ca tomi' caparut ma'.

Mateus 28:16

Maji pain Galileia ta ac urut na pain ca taxipa' urut con Jeju ca', mama' ac urut na. Ma' 11 pin e' urut pain ca taxipa' urut con ca'. Hwet ac urut pain na pacun ca wara tomi' xo' caparut Jeju pane.

Mateus 28:5

Tomi' ac cacam na oro narima' jam co taramaja mi' non Iri' Jam ma': Ta jin' mahu' me ta. Taxi' inuhu' pain ca pirao' hun Jeju co tatatain mi' wa pain pana pane.

Mateus 28:7

Mama' harahap je ta ac cacam na. Tomi' jujun co taxipa' ca ma', e' mami' na ta jujun. Tomi' ca' jujun quem: Wara mao nain Galileia cain. Mama' je quem, je i cain tara ca querec pe hun ta jujun. Ta ji'am pin hwein ca tomi' xuhu' ca' me nanam.

Mateus 28:9

Ane ane win quima ho' ac cacam na Jeju pain wana. Ma' i ma' pahu' quem ac cacam na. Xuruxut hwet ac cocon na, pe torotop mi' ac cocon na, pe horoman tapan' ac cacamain na caximacon. Tomi' querec te tamana nonon pain ca in ac cocon ma'.

Marcos 16:7

Mama' je ta ac cacam na. Tomi' jujun co taxipa' ca ma', tomi' jun Pedro ma' quem. Wara mao nain Galileia cain. Mama' je quem, je i cain tara ca querec pe hun ta jujun. Win ne ca wara tomi' pe cuhu' pane ta jujun ta na ca tomi' cacam ma'.

João 20:17

Ta quep mapa' me ta Maria ac cam na. Xi hwet querec ton Te ta. Mo hwet roron xere ma', co taxipa' ta' ma'. Tomi' ca' roron: Piri' hwet ton Te co Iri' Jam ne ta' ca', co Iri' Jam ne hwe ma' quem nuhu'. Wirico co Te ta' ca' quem, co Te hwe ma' quem nuhu', ac i ma' na ca tomi' cuhu' ta roron na ca tomi' cam ma'.

João 6:20

Om na, wata' ta. Ta jin' mahu' me ta ac caparut na.

Romanos 8:29

Xi wara querec pin' ara capari' pain ca om ma' querec ne macan' pain cara pane, wara tora' napari' pane. Ma' ta main an tan pan hun Panxita' ta napari'. Ma' ta aji' hun pain ca xere xujuhu' ma' napari'.