Mateus 27:5 - Tradução Bíblica Pacaas Novos

⁵ Wixicaracao' in pin ac cain na moeda nein prata ma', pain tequipain cote ne xiricon Iri' Jam ma'. Hwet mao ac ca na, tucu juhum' pa' ac xucun na pain macon pain canemicon, mi' pin ac ca na quem.

Mateus 27:5 Iomraidhean Croise

Mateus 26:61

Tomi' hwet xut pahu' con Jeju ta ac cocon na. Ca' na ca taraju urut pane, taraju urut con pain ca tomi' cain i ca' pane nana. Ha' napa' pain ca to' pa horohot pin tain cote ne xiricon Iri' Jam ta na. Ma' 3 pin iri tara xec nein ne, quep mami' pan ac tain tara ta na ca tomi' ca pane, taraju urut con ta nana.

Mateus 27:6

Cut in xo' ac cacain na moeda nein prata oro taramaxicon nucucun oro sacerdote ma'. Tomi' ac xucucun na: Moeda nein prata ca', om ca na ne pain ca cut in mami' ac xin pain maxinain pain xiricon Iri' Jam ta, xi om ne ca mam' pagar ara urun pain co pacara ne, ma' ta tomi' mi' maparut con Jeju ta urun pane, ma' ta to' pa' pin tocwa ta urun pane xucucun.

Lucas 1:21

Pain ca tomi' tomi' wet xucucun ma', winim' winim' nonon Zacarias oro wari' co hwet to nana ma'. Cain' cain' xira con ne nana. Para om om ca quem? Je xi hwet qui' cain cote ne xiricon Iri' Jam ma' quem nana.

Lucas 1:9

Wara tomi' mam' xucucun, je curucucun pane. Ma' xi corom nain cwa' ne, ma' xi tom pe nain incenso pain panaji cwa' ne quem xucucun. Ara ac cacain na ca ara taxipa' caca ma', mam' ac cacain na wixicon Zacarias ma'. Wum ta ac cocon na. Ma ac ca na, corom mao ac ca na quem.