Mateus 27:42 - Tradução Bíblica Pacaas Novos

⁴² Tomi' ximama' ca' nana: Quep xiho' paxi' nonon oro wari' pane, ane om ha' con pain ca quep xiho' pan xucun ne. Taramaxicon nucucun oro judeu na ron? Mo ta quiji' hap ca' cain pana ma', howa pin ac xun tara ta.

Mateus 27:42 Iomraidhean Croise

Mateus 2:2

Tomi' querec ac caca na: Mon taramaxicon co xo' pan' qui' ma', co taramaxicon pe ho' toton nuhu' pain ca judeu hwe ca' quem? Querec ara xi' urut con pijo' nucun pain macaraxut pane, pain ca maqui' ac ca xina ma'. Je ca maqui' urut ca'. Ma' ta pe torotop mi' querec te xun urut con ta na ca tomi' querec caca ma'.

Mateus 27:37

An ac cacain na pana ca xirao' pe xine ca pan tem na ta tocwa ma'. Ca' na ca xirao' nein: Wirico co cwa' Jeju cwa'. Taramaxicon nucucun oro judeu na ta na ca xirao' nein. Tatatain mi' ac cacain na pain tamain panaxicon pain tamacon.

Mateus 27:40

tomi' ximama' ac cocon na quem: Wum co to' pa horohot pin tain nain cote ne xiricon Iri' Jam pane ra? Ma' 3 pin iri tara xec ne, quep mami' pan ac tain tara ta ma pane ira nonon. Je xi to' witan qui' xijem quem? Quiji' ca' ximain panajum ma' quem. Win ne ca Panxica Iri' Jam ina ma ma' na ca tomi' ximama' cocon ma'.

Mateus 27:41

Tomi' xirac nonon, tatam' tatam' nonon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés cocon oro taramaxicon nuxut pain ca judeu urut ma' quem. Win caca oro wari' ma'.

Marcos 15:31

Tomi' xirac nonon, tatam' tatam' nonon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. Win caca oro wari' ma'. Tomi' ximama' ca' nana: Quep xiho' paxi' nonon oro wari' pane. Ane om ha' con pain ca quep xiho' pan xucun ne.

Marcos 15:32

Cristo na ron? Taramaxicon nucucun oro wari' nein Israel na ron? Je xi quiji' ca' cain pana quem? Querec iri xun pain ca quiji' ca' cain ne, howa pin ac xun tara ta na ca tomi' xirac nucucun. Tomi' xirac tomi' xirac nonon co tatatain wi wawa con quem.

Lucas 19:38

Merem ca' nana: Tomi' querec te xun taramaxicon cwa', co mam' maqui' nain ca hwara' opa nucun Iri' Jam cwa'. Mana' mana' om pin napari' Iri' Jam. Tomi' querec te tomi' querec te pi' pin nonon Iri' Jam oro co to nanain iri' pawin cain quem na ca merem caca oro wari' ma'.

Lucas 23:35

Noro nana oro wari' co coco' to nanain i ma' quem. Oro taramaxicon ma' quem, tatam' nonon Jeju, tomi' xirac ca' nonon: Quep xiho' nonon oro wari' pane. Mo xi Cristo ca, mo xi wara tora' iri'o' con Iri' Jam pane, je i ma' xira ca quep xiho' pan xucun quem na ca tomi' xirac cocon ma'.

Lucas 23:37

tomi' ac cocon na: To' witan pan xijem. Win ne ca taramaxicon nucucun oro judeu ina ta ma ma' quem nonon.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 12:13

Ton cut qui' ac cacain na tahot, xuruxut cam' ac cocon na, merem ac caca na: In ac xun Iri' Jam ta. Tomi' querec te xun co cwa' co mam' maqui' nain ca hwara' opa nucun Iri' Jam cwa' nana. Tomi' querec te xun co cwa' co taramaxicon pe ho' napari' pain ca wari' nein Israel iri' cwa' na ca merem nucucun.

João 12:47

Mo ta om tomi' ha' capa' wari' co taraju napa' pain ca tomi' hwet tain capijacon Te ca'. Om paxi' na ca wata' ne co tomi' em' non pain ca caracat nucun. Xi maqui' ta' pain ca tomi' em' toton ta' oro wari' ta. Maqui' ina, ma' ta to' witan toton oro wari' ta ina.

João 9:24

Hap ra mami' ac cocon na co quep xio pin wa ma' quem. Tomi' iri'o' ra ta, taraju nem Iri' Jam ta. Taxi' urut con wari' ma', taxi' urut con pain ca caracat ca ma' na ca tomi' cocon ma'.

Atos 4:14

Hehe e' nana. Tomi' in pin xun paxi' nonon, ane om tomi' in pin ac cocon ne. Xi querec ara cocon co to' xio pin wa ma'. Xat pe nain i ma', xat pe ho' non Pedro con João.