Mateus 27:25 - Tradução Bíblica Pacaas Novos

²⁵ Je i ma' ira ac caca na oro wari', merem merem xam' nana. Warut pan co em' cwa' ira, warut, wiricoco mana panturut cwa' quem, wap ma' taraparut Iri' Jam ne nana pain ca merem ximama' nucucun.

Mateus 27:25 Iomraidhean Croise

Mateus 21:44

Wari' co noc pin nain pacun ca aram aram to' teren nain xirim ca', ac ca pan' hwet cain tara. To' caracat pin ac tocwa tara. Ac ca pan' hwet tocwa tara quem. Xao niri pin ac tocwa tara ta na ca tomi' tococwa ma'.

Atos 18:6

Ane tomi' in pin pan cocon ne. Tomi' napat nonon quem. Je ca wap camara' cain ximirinain macaracocon con womicon Paulo ma' quem. Ma' ta querec pin' xujuhu' pain ca pan teretem nuhu' pain ca noc hwein ca taraju wa capijacon Iri' Jam con Jeju ta tata. Tomi' ca' tata: Mo ta wap cuhu' Iri' Jam ma', pain ca noc hun Jeju ma', om ca wata' ne co em' ma' pahu'. Wahu' co em' pan nana ta. Maho' pin inuhu' pain ca judeu hwe ma'. Pijim' pijim' om xuhu'. Pijim' mi' ho' toton pain capijacon Iri' Jam con Jeju oro wari' co om judeu nana ta na ca tomi' tococwa ma'.

Atos 5:28

Tomi' mip urut pahu' ma' ira! Ta an hwet camain' hwein wixicon Jeju pain ca pijim' huhun oro wari' me ta paxi' urut pahu'. Ane om tomi' ha' maparut ne. Pijim' mi' pijim' mi' tiquin' huhun pain ca howa nuhu' oro wari' co to nanain Jerusalém ca'. Ac ca coromicat mi' maparut na pain ca to' pa' pin urut con Jeju ta nonon pain ca tomi' mana' tococwa ma'.

Atos 7:52

Tomi' hwet paxi' nanain capijacon Iri' Jam oro profeta pain cara pane. Ma' xica' pe tara profeta co om ja' tequi' quep em' caca oro hwanana nexi' pane ra? Om na ta, om ca ma' xica' pe camain' ca cocon. Quep em' quep em' xam' tata pane. To' parapa' tata co wara tomi' pe nanain ca maqui' nucun co ma' co tama' ara xo' quem, co tomi' mi' pan hwe cocon co noc nonon pane, co to' pa' pin hwe pain xocori ca' quem.