Mateus 27:22 - Tradução Bíblica Pacaas Novos

²² Cain' cain' xiton Jeju cwa', co Cristo ta caca oro win ma' ca ma' quem ac tococwa na. Om na, na e' na pain ca to' pa' pin tocwa pain ca tatatain mi' tocwa pain pana ta nana.

Mateus 27:22 Iomraidhean Croise

Atos 13:38

Je ca tomi' xuhu' ca' xere ac tococwa na. Na e' na pain ca taraju pa' hwein ca pijim' hwet urut pahu' ca'. Mo ta howa hun Jeju ma', pain ca mi' pin caho' cuhu' ma', xic am pin ac cain tara ca caracat nuhu' Iri' Jam.

Marcos 14:55

Tomi' xo' ac xucucun na oro taramaxicon nucucun oro sacerdote ma', cocon oro xucucun taramaxicon co cut in xucucun pain ca Sinédrio caca ma'. Pirao' xuxun oro wari' co xina ximama' nanapari' con Jeju ta. Querec inon pain ca caracat nucun, pan tem tamana na, tomi' mixein ac i ma' tatarapari'. Taraju iri xuxun ne, ha' ac capari' tara pain ca tomi' hwet xuxun pain oro taramaxicon nucucun oro romano ma', to' pa' pin ac cocon tara ta, ac i ma' paxi' na ca tomi' xo' pan xucucun. Ane om mam' tocwa wari' co tomi' hwet xo' nain con ne.

Mateus 27:17

Cut in iri xucucun oro wari' ma' ne, tomi' querec pan ac cocon na Pilatos: Mon xi pa hwet ta' cwa' ne? Ma' co param hwe? Param hun Barrabás cwa'? Param hun Jeju co to' witan roron oro wari' ta ca Iri' Jam cwa' quem nonon oro win ma' ca ma'. Tomi' xine ta ac tococwa na.

Mateus 1:16

Jacó ma', wanxi' ac con na José. José ma', an ac cam na Maria co wijima non Jeju. Jeju ma', wirico co Cristo ma', ac i ma' na ca tomi' cocon oro wari' quem.

Mateus 27:21

Tomi' querec mami' ac cocon oro wari' na taramaxicon ma' quem: Mon xi pa hwet ta' cwa' ne? Ma' co param hwe? Param hun Barrabás cwa'? Param hun Jeju cwa' nonon. Om na, param urut con Barrabás ta ac cocon na.

Mateus 27:23

Cain' cain' xira pahu'? Para em' na hun ma' quem ac tococwa na. Merem mip merem mip ac caca na: Om na, na e' na pain ca to' pa' pin tocwa pain ca tatatain mi' tocwa pain pana ta nana.

João 4:25

Tomi' ac cama na: Maqui' ta' tara iri' taramaxicon co Messias urut, wirico Cristo ta. Main maqui' ta' tara, taxi' inon. Maqui' iri tara ne, tomi' xo' tomi' xo' pi' pin ac caparut tara pain oro ca param nucun Iri' Jam ac con na.

Atos 13:28

Om paxi' na ca mam' cacain ca pan tem wa con, ane tomi' tomi' na cocon Pilatos ne. Na e' na pain ca to' pa' pin jun ta momon oro soldado nem ta nonon.