Mateus 27:21 - Tradução Bíblica Pacaas Novos

²¹ Tomi' querec mami' ac cocon oro wari' na taramaxicon ma' quem: Mon xi pa hwet ta' cwa' ne? Ma' co param hwe? Param hun Barrabás cwa'? Param hun Jeju cwa' nonon. Om na, param urut con Barrabás ta ac cocon na.

Mateus 27:21 Iomraidhean Croise

Mateus 27:17

Cut in iri xucucun oro wari' ma' ne, tomi' querec pan ac cocon na Pilatos: Mon xi pa hwet ta' cwa' ne? Ma' co param hwe? Param hun Barrabás cwa'? Param hun Jeju co to' witan roron oro wari' ta ca Iri' Jam cwa' quem nonon oro win ma' ca ma'. Tomi' xine ta ac tococwa na.

Mateus 27:20

Ane wara tomi' cocon oro wari' oro taramaxicon nucucun oro sacerdote cocon oro taramaxicon nuxut pain ca judeu urut ma' ne. Pa hwet mi' xut con Barrabás ta jun, to' pa' pin jun Jeju ta roron oro soldado nem ta jun quem nonon. Tomi' tomi' na pin ac cocon na quem.

Mateus 27:22

Cain' cain' xiton Jeju cwa', co Cristo ta caca oro win ma' ca ma' quem ac tococwa na. Om na, na e' na pain ca to' pa' pin tocwa pain ca tatatain mi' tocwa pain pana ta nana.

Lucas 20:14

Ane om tomi' ha' caca co taramaja to nanain xitot ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na.

Lucas 23:13

Pilatos ma', tomi' cut in ac cocon na oro taramaxicon nucucun oro sacerdote cocon oro xucucun taramaxicon cocon oro wari' ma' quem,