Mateus 27:2 - Tradução Bíblica Pacaas Novos

² Pao' pe ac cocon na, an mao ac cocon na, o mi' ac cocon na con taramaxicon Pilatos.

Mateus 27:2 Iomraidhean Croise

Mateus 20:19

O mi' ac cacapa' tara cocon co om judeu nana ma' quem. Tatam' tatarapa', tomi' xirac ac cacapa' tara, wap ac cacapa' tara quem. Tatatain mi' ac cacapa' tara pain pana, wa wa mi' pin pe ac tain tara. Ma' 3 pin iri tara xec pain ca mi' pin ne ne, e' mami' ac ta' tara ta naparut.

Mateus 28:14

Mo ta taxi' cuhu' taramaxicon ma', tomi' xo' ac xut con tara, om ca em' caca ta xut con pahu', tomi' tomi' na pin ac xut con tara. Om ac ne tara ca quep xirac cuhu' ma', ac i ma' na ca tomi' tococwa oro soldado ma'.

Lucas 13:1

Pijim' pijim' wet iri na Jeju ne, ma' ac caca na co tomi' hwet nonon cocon wari' nein Galileia ma', co to' parapa' pin wawa pain ca mama' cacain cote ne xiricon Iri' Jam pain Jerusalém ma'. Tom tain' tatarain carawa nexi' oro sacerdote ta paxi' nana. Ane to' parapa' pan tococwa ne. Wirico taramaxicon Pilatos co to' parapa' jujun ta nonon oro wari' nucun pane.

Lucas 20:20

Ja' noro xun pain oro ca ara nucun ta ac caca na, pagar ac tococwa na wari' ma'. Mo hwet jun ta, ac ca iri'o' hwe tara pain ca tomi' querec hun me ac tococwa na. Mo ta tomi' pan tem ca, ha' ac capari' tara pain ca tomi' em' xun con taramaxicon co hwara' opa ta nonon.

Lucas 23:1

Maji ta ac caca na oro taramaxicon co cut in to xucucun pain i ma', an mao ac cocon na Jeju. O mi' nonon con taramaxicon Pilatos.

Lucas 23:12

Wara noc caracan paxi' xucucun Herodes con Pilatos pain cara pane. Pain xec nein ca o mi' mami' jun con xucucun ma', je win tomi' querec te pin xucucun. Noc noc om pin xucucun.

Lucas 3:1

Pain pin iri na ne, pain ca ma' 15 pin ne cawaxi' pain ca taramaxicon pe cain Roma Tibério César pane, taramaxicon pe nain Judeia Pôncio Pilatos. Taramaxicon pe nain Galileia Herodes. Taramaxicon pe nain Itureia je Traconites Filipe, coxa' ca Herodes. Taramaxicon pe nain Abilene Lisânias ma' quem.

João 18:12

Quep ac cocon na Jeju. Mo nana: Oro soldado con taramaxicon nucucun ma', oro guarda co querec wet nanain cote ne xiricon Iri' Jam ma' quem. Quep nonon, pao' pe ac cocon na quem.

João 18:24

O mi' jun con Caifás ma', co sacerdote co iri' taramaxicon ma' ac ca na Anás, an mao ac cocon na oro guarda. Pao' pe cara nonon.

João 18:28

Iri' xo' xec pin na. Oro taramaxicon nuxut pain ca judeu urut ma', maji ta, paca' ac cacain na xiricon Caifás ma', an mao ac cocon na Jeju pain xiricon taramaxicon nucucun oro romano. Ane om corom caca ne. Tomi' ca' xucucun: Mo ta corom mama' xin xiricon tatirim cwa', em' pin ac iri' tara, om ac ne tara ca na capari' pain ca cao' xin carawa nein ca tomi' querec te nexi' pain xec nein Páscoa ca' nana. Je ca hwerehwet to ca' cacain xiricon taramaxicon.

Atos 12:6

Pi' pin iri na oro xec nein Páscoa ne, pain iri' xim nein ca xec an hwet mi' toton con oro wari' Pedro ta ca Herodes ma', pe pe wet nain xirinain ca tao' to tao' to to wa Pedro ma' quem. Joc ximija pe nonon soldado co querec wet nonon ma'. Mam' tucu nonon pain arain too ma', pain iri' curucun ma', pain paraxicon ma' quem. Ma' 2 ac caca na xucucun soldado co coco' caho' nanain manain xirim ma' quem. Pi'am na Pedro ma'.

Atos 21:33

Mo hwet ac con Paulo na comandante ma', quep ac con na. Pao' pe jun pain arain too, ma' 2 tara arain too ta ac tococwa na oro soldado nucun, pao' pe ac cocon na. Tomi' querec ac tococwa na oro wari' ma': Cain' ca wari' ca co cwa' co to' hwe cwa'? Ma' carawa ca ara ca quem ac tococwa na.

Atos 22:25

Pao' pe ac cocon na pain macon, ma' ta wap xun ta nonon. Tomi' pan ac ca na Paulo, tomi' non taramaxicon nucucun oro soldado co xat pe nain i ma'. Hohot na pain ca wap mahu' pain ca romano ta' ca' ra? Xi wap jun wari' co romano ta xihwe ta non.

Atos 22:29

Taraju iri nanain i ma' oro soldado co wap xun nonon Paulo ma' ne, coco' hap ca' ac cocon na. Jin' pin na comandante ma' quem, xi om ne ca taxi' pin ara con Paulo pain ca romano ca ma'. Om xi pao' pe jun toton, xi romano ara ca ta xucun.

Atos 24:27

Ac i ma' ac i ma' nana. Ma' 2 pin iri na cawaxi' cocon ne, hwet mao ac ca na Félix. Taramaxicon taramaxicon om pin na, corom ac ca na xucun taramaxicon. Pórcio Festo na wixicon xocoricon taramaxicon. Pain ca om hwet mao querec ca Félix ma', om ca pa hwet mam' con Paulo ma' quem. Ma' ta tomi' querec te cara cacapa' oro judeu cwa' na.

Atos 28:20

Je ca maqui' ca' je e' xuhu' ca' quem. Querec xuhu' inuhu'. Tomi' xo' xuhu' inuhu'. Pao' pe nanapa' pain arain too ca', xi om ne ca howa ara ton Cristo co winim' iri' pain ca wari' nein Israel iri' ca'. Ac i ma' na ca tomi' cocon oro taramaxicon nucucun oro judeu Paulo ma'.

Atos 3:13

Om na ta! Ca hwara' opa pan nucun Iri' Jam ta, co Iri' Jam ne caca hwanana nexi' cara pane, Abraão con Isaque con Jacó cara pane, wirico pan na co quep xio pin non wari' cwa', wirico co an hwet mi' nuhu' pain ca hwara' opa tamana nucun Jeju cara pane, co taramaja mi' taxipa' non pane. Quep jun Jeju ta huhun oro taramaxicon nuhu' pane, o mi' ac cocon na con taramaxicon Pilatos quem. Ma' ta to' pa' pin cocon oro soldado nem ta nonon pane. Om pin ton paxi' non Jeju Pilatos pane. Ane tomi' napat pan hun ne. Noc urut con ta hun.

Atos 4:27

Iri'o' na quem Taramaxicon nuxut ac cocon na. Cut in xucucun oro taramaxicon pain Jerusalém pane. Wirico Herodes con Pôncio Pilatos cocon oro win ma' nuxut pain ca judeu urut ca', cocon oro wari' co om judeu nana ma' quem, cut in xucucun pane. Tomi' xo' ac xucucun na con Panxima Jeju co tora' ma pane, co win xumu nem pain ca tama' tomi' ha' quem pane. To' pa' pin xun ta ac xucucun na.

Atos 9:2

Tomi' ac con na: Xirao' mi' roron pain carta co querec wet nonon oro win judeu iri' cwain, pain oro xirim ca cut in to xucucun pain Damasco cain. Ma' ta taxi' cacapa' pain ca tomi' mapa' ca'. Mam' iri toton co howa nanain oro ca pijim' nucun Jeju pain i cain ne, quep ac toton tara, pao' to cut in qui' ac toton tara pain Jerusalém ca'. Ca tarama' nucucun, ca narima' nequequem quem, pao' to cut in qui' tatam ta, ac i ma' na ca tomi' con taramaxicon nucucun oro sacerdote Saulo ma'.

1 Timóteo 6:13

Je ca tomi' xim ca', tomi' mip inem. Taraju napa' Iri' Jam co to' e' nain oro carawa ma', co to' e' napari' quem. Taraju napa' Cristo Jeju co om tomi' jin' non taramaxicon Pôncio Pilatos pain ca tomi' hwet con pain ca Taramaxicon ina con pane quem. Taraju nanapa' pain ca tomi' mip xim ca':

2 Timóteo 2:9

Pijim' inain capijacon Iri' Jam con Jeju. Je ca jain jain ta' ca'. Quep xirac nanapa', ac querec querec ca iri' caxicon wari' co pan tem cwa' inonon pain ca tao' pe cacapa' pain xirinain ca tao' to tao' to to wa ca'. Ane om tao' pe xine capijacon Iri' Jam ne.

Hebreus 13:3

Ta ji'am pin huhun oro win ma' nuhu' co tao' to wawa pain xirinain ca tao' to tao' to to wa me. Xiram pa' jujun, ac ca tao' to wi xihwe cocon tara pain ca xiram pa' huhun. Ta ji'am pin huhun oro co quep em' wawa pain ca howa cocon Cristo quem. Xiram pa' jujun quem, ac ca quep em' wi xihwe cocon tara pain ca xiram pa' huhun ta.