Mateus 27:12 - Tradução Bíblica Pacaas Novos

¹² Tomi' em' ac cocon na oro taramaxicon nucucun oro sacerdote cocon oro taramaxicon nuxut pain ca judeu urut ca' quem. Em' na co cwa' ta, om ca awi camain' ca, pan tem na ta nonon. Ane tacana pe ca Jeju ma' ne. Om ca tomi' in pin camain' ca.

Mateus 27:12 Iomraidhean Croise

Mateus 26:63

Ane tacana pe ca Jeju ne. Om ca tomi' in pin camain' tococwa. Tomi' ac con na: Wum co Cristo cwa' ra? Tomi' xo' xut e'. Xi taraju ara quem Iri' Jam co e' cara ta. Taraju nem pain ca tomi' nem quem. Wum co Panxica Iri' Jam ra non.

Mateus 27:13

Tomi' querec ac con na Jeju Pilatos ma'. Om ca taraju momon pain ca tomi' em' quequem ra ac con na taramaxicon.

Mateus 27:14

Ane tacana pe pan ca Jeju ne, om ca tomi' camain' ca. Wa wa tamana ac con na taramaxicon.

Lucas 23:9

Tomi' querec tamana paxi' non pain oro ca tomi' querec ximao wa ma', ane tacana pe pan ca Jeju ne. Om ca tomi' camain' ca.

Atos 8:32

Je i ca' ca xirao' nein capijacon Iri' Jam ca noro ca ma': Win ne ovelha pain ca an mao xine pain ca to' pa' pe xine ma', ac i ma' na pain ca an mao cocon co ma', pain ca to' pa' pin xun cocon ma'. Win ne ca tacana pe ne wijimain ovelha pain ca wijac pin xine tenenein ma' quem, ac i ma' na ca tacana pe ca co ma', je pain ca om tomi' camain' ca quem.

1Pedro 2:23

Tomi' xirac iri nonon ne, om ca win capija pan cocon quem. Jain jain iri na pain ca quep em' cocon ne, om ca win mahu' ne cocon. Je i ma' ira, wum co taxi' napa' ta non Cote ca co wap xo' taxipa' nonon oro caracat.