Mateus 26:74 - Tradução Bíblica Pacaas Novos

⁷⁴ Tomi' ximao ac ca na Pedro: Om na ta! Tomi' iri'o' inuhu' ta. Taraju napa' Iri' Jam ta. Om ca querec pin' ton co ma' ta. Mo ta om tomi' iri'o' ta', wap ac capa' tara Iri' Jam ta na. Aca ho' na me.

Mateus 26:74 Iomraidhean Croise

Mateus 10:28

Ta jin' huhun oro wari' me ta. To' parapa' taxi' paxi' nanain ca cwere wa, ane om to' parapa' taxi' cacain ca tamatara wa ne. Iri' Jam iri na ne, ha' non pain ca wap cain ca cwere wa, ha' non pain ca wap cain ca tamatara wa pain cote ne xe quem. Je ca tomi' xuhu' ca': Wirico pan tara co jin' hwe ta.

Mateus 26:34

Om na ta Pedro ac con na. Tomi' toton momon oro wari' pain xim ca'. Om ta aca querec ca me, wara tomi' ac momon tara: Om ca querec pin' ton ta ac momon tara pata'. Ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

Mateus 26:73

Om om, xuruxut hwet ac cocon na Pedro co to nanain i ma'. Tomi' ac cocon na: Wari' nucun Jeju ma ma' ira. Win ne ca tomi' an xiho' momon oro wari' nucun ma', ac iri' ca tomi' nucucun ma ma' ira na ca tomi' cocon ma'.

Mateus 26:75

Mam' pe wet ac cain na ca tomi' nucun Jeju pane. Om ta aca querec ca me, tomi' ac momon tara, om ca querec pin' ton ta ac momon tara pata', ma' 3 tara ca tomi' ac i ma' toton ma quem Pedro, ac i ma' na ca wara tomi' con pane. Hwet mao ac ca na, aca tamana ac ca na quem.

Mateus 27:25

Je i ma' ira ac caca na oro wari', merem merem xam' nana. Warut pan co em' cwa' ira, warut, wiricoco mana panturut cwa' quem, wap ma' taraparut Iri' Jam ne nana pain ca merem ximama' nucucun.

Marcos 14:30

Om na ta Pedro ac ca na. Tomi' toton momon oro wari' pain xim ca'. Aca tara me, om ta aca mami' querec ca, wara tomi' ac momon tara: Om ca querec pin' ton ta ac momon tara pata'. Ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

Marcos 14:68

Om na ta ac cam na. Om ca querec pin' ton, om ca taxi' tain ca tomi' ma ma' quem ac cam na. Xut hwet ac cain na man ca corom ac xine ca tao' caho' nein xirim ma'.

Lucas 22:60

Om na ta, om ca taxi' tain ca tomi' nem ta ac ca na Pedro. Tomi' tomi' wet na, aca ac ca na me quem.

João 18:27

Om na ta mami' ac ca na Pedro quem. Aca ac ca na me.

Romanos 9:3

Xi xiram pa' ara toton oro ca nari ne cwa', xiram pa' inonon oro win judeu ta' cwa'. Mo xi ha' capa' pain ca pe tain maxicocon ma', wap pan ac capa' xira Iri' Jam, an pe ni ca' ac capa' xira con Cristo quem. Om ac ne xira ca wap tococwa oro ca nari ne cwa' quem.

1 Coríntios 16:22

Oro wari' co noc nonon Taramaxicon nexi' ma', na e' na pain ca tomi' noro tococwa, to ni ca' xine ta pan totoron Iri' Jam. Param inon Taramaxicon nexi' pain ca maqui' hap ca quem!

Apocalipse 3:19

Tomi' inain taraxicocon oro wari' co om noc ta' cwa'. Hu xo' hu xo' pi' pin inonon. Je ca tomi' xuhu' ca': Ma' tara xumuhu' me, win xumu jein ca xuruxut xo' wa, cwirin' pin jein ca caracat nuhu' ta.