Mateus 26:61 - Tradução Bíblica Pacaas Novos

⁶¹ Tomi' hwet xut pahu' con Jeju ta ac cocon na. Ca' na ca taraju urut pane, taraju urut con pain ca tomi' cain i ca' pane nana. Ha' napa' pain ca to' pa horohot pin tain cote ne xiricon Iri' Jam ta na. Ma' 3 pin iri tara xec nein ne, quep mami' pan ac tain tara ta na ca tomi' ca pane, taraju urut con ta nana.

Mateus 26:61 Iomraidhean Croise

Mateus 12:24

Taraju iri nonon oro fariseu ma' ne, tomi' ximama' ac cocon na Jeju: Om na, om paxi' na ca hwara' opa pan ca pain ca tomi' jein pin cocon oro caxicon jam ta. Wirico Belzebu ma', co taramaxicon nucucun oro caxicon jam ma', wirico co mi' non pain ca hwara' opa nucun. Je ca ha' con pain ca tomi' jein pin cocon oro caxicon jam ta na ca tomi' ximama' cocon ma'.

Mateus 26:62

Tequi' pe ac ca na sacerdote co iri' taramaxicon. Tomi' querec ac con na Jeju: Je xi tomi' in pin momon caram cwa', pain ca tomi' em' quequem ca' quem non.

Mateus 26:71

Xut hwet ac cain na man ca corom ac xine ca tao' caho' nein xirim ma' quem. Querec ac con na xequem xojam' co taramaja pe nain i ma'. Tomi' ac cama na cam ma' quem, tomi' nonon oro wari' co to nanain i ma'. Co ma' ma', pe ho' non Jeju co maqui' nain Nazaré ta nonon.

Mateus 27:40

tomi' ximama' ac cocon na quem: Wum co to' pa horohot pin tain nain cote ne xiricon Iri' Jam pane ra? Ma' 3 pin iri tara xec ne, quep mami' pan ac tain tara ta ma pane ira nonon. Je xi to' witan qui' xijem quem? Quiji' ca' ximain panajum ma' quem. Win ne ca Panxica Iri' Jam ina ma ma' na ca tomi' ximama' cocon ma'.

Mateus 27:5

Wixicaracao' in pin ac cain na moeda nein prata ma', pain tequipain cote ne xiricon Iri' Jam ma'. Hwet mao ac ca na, tucu juhum' pa' ac xucun na pain macon pain canemicon, mi' pin ac ca na quem.

Marcos 14:58

Taraju urut con pain ca tomi' ca' ca pane: To' pa horohot pin tain cote ne xiricon Iri' Jam ca quep caca wari' ca' nain xirim ca in ac to taxipa' xun Iri' Jam ca'. Ma' 3 pin iri tara xec nein ne, quep pan ac tain tara wirain xiricon Iri' Jam. Om tara wari' co quep nain ta na, ac i ma' na ca xina ximama' nucucun.

Marcos 15:29

Tomi' xirac tomi' xirac nonon oro wari' co xuruxut tiquin' ca' nonon ma'. Nanaquin mixein mi' nonon pain winacocon, tomi' ximama' ac cocon na: Cain' cain' xima quem? Wum co to' pa horohot pin tain nain cote ne xiricon Iri' Jam pane ra? Ma' 3 pin iri tara xec ne, quep mami' pan ac tain tara ta ma pane ira nonon.

Lucas 23:2

Tomi' em' ac cocon na: Tomi' querec urut con wari' cwa'. Taxi' pin urut con pain ca ja' teretem cocon oro win ma' nuxut cwa' quem. Ta tomi' ha' hun taramaxicon nucucun oro romano me, ta pagar hun pain oro imposto me ta nonon. Wata' co Cristo ta, iri' taramaxicon ina ta nonon, ac i ma' na ca tomi' em' cocon ma'.

João 9:29

Taxi' urut con Moisés cara pane, wirico Iri' Jam na co mi' non pain ca hwara' opa tamana nucun. Co ma' iri na ne, om ca taxi' camain' urut con. Om ca taxi' urut con co mi' non pain ca hwara' opa nucun quem. Am wari' con, am Iri' Jam con, om ca taxi' urut con ta ac cocon na.

Atos 17:18

Ma' nana co ca' na taxipa' nanain oro xijein ca howa ximama' wa ma', co howa nanain ca coromicat nucun Epicuro, ma' nana co howa nanain ca coromicat nucucun oro estoico ma' quem. Taraju iri nonon Paulo pain ca pijim' ca con Jeju ne, ma' ac caca na co tomi' ximama' ca' nana: Cain' cain' ca co cwa' ne ta? Ma' carawa ca tomi' ca quem? Para tomi' ximao ca ne nana. Oro win ma' caca ma' iri nana ne, tomi' ac caca na: Om na, ac ca pijim' hwet cocon na oro xucucun jam ma' quem nana, xi pijim' hwet pan ara cocon pain capijacon Iri' Jam con Jeju Paulo ta. Mi' pin iri na Jeju ne, e' mami' ac ca na quem na ca pijim' cocon con Jeju.

Atos 18:13

Pan tem na co cwa' ta! Pijim' iri nonon oro wari' ne, pijim' ni ca' nain oro ca howa nuxut pain ca in ac urut con Iri' Jam pain ca pe torotop mi' querec te urut con ca'. Om ca tomi' ha' ac tocwa, xi tomi' in pin ara cain ca xirao' nucun Moisés ta nana pain ca tomi' em' cocon ma'.

Atos 22:22

Taraju wet taraju wet ca' nonon oro wari' ma'. Taraju iri nonon pain ca tomi' hwet ne cocon oro wari' co om judeu nana inem ta capa' Jeju ta ca ne, merem tamana ac caca na. Merem merem pi' pin nana: To' pa' pin xun, to' pa' pin xun. Om ca na camain' ne pain ca e' ca co cwa' ta na ca merem nucucun.