Mateus 26:53 - Tradução Bíblica Pacaas Novos

⁵³ Cain' cain' ne ca coromicat nem quem? Om ta quep xiho' con Cote ca mapa' ra? Mo xi quep xiho' ne ton, mam' hap ac capa' xira cocon oro jam co taramaja mi' nonon. Mija xira ca 1.000 nucucun. Om xi narain ho' capa' cocon ta.

Mateus 26:53 Iomraidhean Croise

Mateus 25:31

Wata' pain ca Iri' Wari' ta' ca', in qui' ta' ina ta ac caparut na. Mam' maqui' ta' pain ca hwara' opa ne. Maqui' wi ta' cocon oro jam co taramaja mi' nanapa' quem. Maqui' ta' iri ta' ne, xao pe ac tain tara iri' ca mam' xao pe nucun taramaxicon, iri' taramaxicon pin ac ta' tara ta.

Mateus 4:11

Paca' ac con na Jeju Caxicon Jam. Maqui' ac caca na oro jam co taramaja mi' nonon Iri' Jam ma' quem. Quep xiho' ac cocon na Jeju.

Marcos 5:15

Jein hwet iri nonon Jeju ne, querec ac cocon na co ma' co mija nana oro caxicon jam co corom to ho' nonon ma' ira. Xao pe pin na. Pe pin na wom. Tamanain tamanain om pin na. Jin' pin ac caca na.

Marcos 5:9

Tomi' querec pan ac con na Jeju: Cain' cain' ne wuxum quem non. Om na, Iritocon napa' wuxu ta ac ca na. Xi mija ara urut pain ca caxicon jam urut ca' na ca tomi' ca ma'.

Lucas 8:30

Tomi' querec pan ac con na Jeju: Cain' cain' ne wuxum quem non. Om na, Legião napa' wuxu ta ac ca na. Ac i ma' na ca wuxu mao ca, xi om ne ca mija ara caca oro caxicon jam co corom to ho' nonon ta.

João 10:18

Om na wari' co ha' non pain ca to' pa' pin ton pan capa' ta. Mi' pin ta' pan ina, maqui' nain ca param ne. Na napa' pain ca mi' pin ta', na napa' pain ca e' mami' ta' quem. Je ara xi' na ca ara ra capa' Te ta na ca tomi' tococwa ma'.

João 18:36

Om na, pain ca taramaxicon ta' ca', om ca an xiho' toton oro taramaxicon pain macan' ca' ac con na. Mo xi an xiho' toton oro taramaxicon pain macan' ca', quep xiho' ac cacapa' xira co taxipa' ta'. Narain ho' xirarapa' cocon oro taramaxicon nucucun oro judeu pain ca quep xim cacapa'. Ane om an xiho' toton oro taramaxicon pain macan' ca' ne na ca tomi' con ma'.

2 Tessalonicenses 1:7

Ara xo' na pain ca to' om pin tain cain ca jain jain nuhu' pain ca quep em' xihwe ma' quem. To' om pin tarain ca jain jain nuhu', to' om pin tarain ca jain jain nuxut ca' quem, pain ca aram aram quiji' qui' tain cain pawin Taramaxicon nexi' Jeju. Maqui' wi tara pain ca weo nein xe. Ja' ja' totoron oro jam co taramaja mi' nonon ma', co hwara' opa nana ma'.

Judas 1:14

Adão cara pane, wanxi' ac ca na, wanxi' ac caca na waram winacon quem. Aram aram to' 7 pa' ac cocon na Enoque co wara tomi' pe nain carawa ca hwet pa' xun tococwa oro co caracat nana pain ca miri'om cocon Iri' Jam. Tomi' ca' tata pane: Taraju wet je e'! Maqui' ta' tara Taramaxicon nexi'. Maqui' wi tara cocon oro jam co taramaja mi' nonon ma', co mija tamana nana ma', co mija tiquin' ca' nanain ca 1.000 nucucun ma'.