Mateus 26:49 - Tradução Bíblica Pacaas Novos

⁴⁹ Xut hwet hap ac con na. Maqui' ina ta Taramaxicon co ca' na taxipa' capijacon Iri' Jam na ca tomi' con ma'. Xup ac con na.

Mateus 26:49 Iomraidhean Croise

Mateus 23:7

Tomi' querec te xo' tatarapari' oro wari' co xao to to nanain ximijain cidade quem nana. In ac tatarapari' pain ca ca' na xuxun pain capijacon Iri' Jam ta nana quem.

Mateus 23:8

Wahu' iri na ne, pain ca taxipa' mahu' ma', om ca na ne pain ca in ac pan xujuhu' pain ca ca' na xujuhu' pain capijacon Iri' Jam. Xi ma' xica' pe ara ta' pain ca ca' na xuhu' ca'. In ac pan xine ta. An an ari xujuhu' pain ca xere xujuhu' quem.

Mateus 26:25

Tomi' querec ac con na Judas ma', co tomi' mi' ton non ma': Cain' cain' ma quem Taramaxicon co ca' na taxipa' capijacon Iri' Jam? Wum ta mapa' ra? Ac i ma' na ca tomi' con ma'. Wum ma' ira. Win ne ca tomi' pan ma ma' na ca tomi' con ma'.

Mateus 26:48

Judas ma', co tomi' mi' toton nonon con Jeju ma', wara tomi' xo' nonon oro wari' co ja' ja' nonon ma'. Ma' ta querec pin' hun ta nonon. Ca' nonon: Wari' co xup ta' ma', wirico tara co quep hwe ta nonon.

Marcos 15:18

Pe torotop mi' mixein ac cocon na. Awi na taramaxicon nucucun oro judeu cwa' ta nana pain ca tomi' ximama' cocon ma'.

Lucas 7:45

Om ca xup mapa' pain orocoxu pain ca xo' corom qui' tain xurum ca'. Cam cwa' iri na ne, corom qui' iri inain xurum ne, xup xup ac camain na caxima.

João 19:3

Wixicam wixicam ac cocon na, tomi' ximama' ac cocon na. Awi na taramaxicon nucucun oro judeu cwa' nana pain ca tomi' ximama' cocon ma', wap wap ac cocon na pain tocon quem.

João 4:31

Pain ca in mao camain cidade nequem ma', tomi' ac urut con na Jeju. Cao' ra carawa ca' Taramaxicon co ca' na taxipa' capijacon Iri' Jam urut con.

1 Tessalonicenses 5:26

An hwet mi' xujuhu' pain ca tomi' querec te xujuhu' pain ca xere xujuhu' quem.