Mateus 26:43 - Tradução Bíblica Pacaas Novos

⁴³ In hwet ac tococwa na, wara pi'am mami' nana quem, xi in tamana ara ne matacocon ta.

Mateus 26:43 Iomraidhean Croise

Mateus 26:42

In ca' mami' ac tococwa na, tomi' mami' ton Te ta ac ca na quem. Te ac con na. Am om xin ne mapa' pain ca tomi' xim ca', pain ca nain ho' ne pain ca jain jain ta' ne pain ca mi' pin ta' ne ca' xim ca'. Mo ta jain jain ra mapa', mo ta mi' pin ra mapa' quem. Je i ma' pum ta Te. Param e' inain ca param pan nem ta na ca tomi' con ma'.

Mateus 26:44

Paca' mami' ac tococwa na, tomi' mami' ac con na Cote ca. Je win 3 pin ne ca tomi' con Cote ca. Ac ca wara tomi' con cara ne na pain ca tomi' mami' con ma'.

Lucas 9:32

Pi'am mip na Pedro cocon win ma' ca ma'. Mamiram pin iri nana ne, querec ac cocon na Jeju ma', pain ca toc meremem ca ma'. Querec nonon caram ma' co coco' to ho' nonon ma' quem, Moisés con Elias ma'.

Atos 20:9

Xao pe nain manain janela co xo' hwara' ma'. Êutico na wixicon. Xao pe nain i ma'. Ca pijim' pijim' ca Paulo ma', ca in in ac ne na matacon Êutico ma'. Ca pijim' pijim' ca ma', ca in in ac ne na matacon ma'. In tamana na matacon, pi'am mip ac ca na. Pan' mao ac ca na, pan' mao nain macan'. Pan' qui' nain pawin, je ca pan' qui' ca. Awin ac cocon na quem. Wara mi' pin na.

Romanos 13:1

Tomi' ha' tomi' ha' pi' pin xuxun oro taramaxicon. Xi ma' camain' ca taramaxicon co om taramaxicon ra ta pan ca Iri' Jam ta. Oro taramaxicon ma', wirico Iri' Jam co mi' pan nonon pain ca taramaxicon wa. Wirico co taramaxicon je nonon.