Mateus 26:42 - Tradução Bíblica Pacaas Novos

⁴² In ca' mami' ac tococwa na, tomi' mami' ton Te ta ac ca na quem. Te ac con na. Am om xin ne mapa' pain ca tomi' xim ca', pain ca nain ho' ne pain ca jain jain ta' ne pain ca mi' pin ta' ne ca' xim ca'. Mo ta jain jain ra mapa', mo ta mi' pin ra mapa' quem. Je i ma' pum ta Te. Param e' inain ca param pan nem ta na ca tomi' con ma'.

Mateus 26:42 Iomraidhean Croise

Mateus 20:22

Xi taxi' hwein carawa ca wajim' mahu' ta ac tococwa na. Jain jain tamana ta' pain ca quep em' xim cacapa' oro wari' ta. Ha' turuhu' pain ca jain jain xiho' ac i ma' mahu' quem na ca tomi' tococwa ma'. Ha' naparut ta nonon.

Mateus 26:39

Xut xut xat, pe torotop tucu hwet mi' ac cain na macan'. Tomi' ac con na Cote ca: Te ac con na. Am xin ne mapa' pain ca tomi' xim ca'. Nain ho' ne pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem, ane param e' tain ca param pan nem ne. Noc inain ca param ne ca' na ca tomi' con Cote ca.

Mateus 26:43

In hwet ac tococwa na, wara pi'am mami' nana quem, xi in tamana ara ne matacocon ta.

Mateus 6:10

Param urut pum pain ca maqui' hap ne xec pain ca taramaxicon pe ho' taramaxicon pe ho' xam' momon oro wari' pain oro xijein macan' ca' quem. Param urut pum pain ca tomi' ha' tomi' ha' xam' quequem oro wari' pain oro xijein macan' ca' quem. Win caca oro jam co taramaja mi' nenem ma', pain ca tomi' ha' tomi' ha' pi' pin quequem pain pawin ma'.

Marcos 14:36

Te. Te ac con na. Om na carawa ca tanacam' nem ta Te. Nain ho' ne pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem. Ane param e' tain ca param pan nem ne. Noc inain ca param ne ca' na ca tomi' con Cote ca.

Lucas 22:42

Te ac con na. Mo ta nain ho' xim mapa' pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem. Ane param e' tain ca param nem ne. Noc inain ca param ne ca' na ca tomi' con Cote ca.

João 6:38

Pain ca quiji' qui' tain pawin pane, om ca maqui' ta' pain ca ara tain ca param pan ne ta', om na. Ara tain ca param nucun Te co hwet roron oro wari' ta napa', je ca ara ta' ta' pain ca quiji' qui' tain pawin pane.

Hebreus 4:15

Xi taxi' ara capari' pain ca om hwara' opa nexi' pain ca wari' nexi' ta. Ha' non pain ca xiram pa' capari', xi wara tomi' querec ximao pan ara tocwa pain oro ca caracat wa pane ta. Wirico Caxicon Jam co caracat ra caracat ra non pane, win capari' pain xocori ca' quem. Ane om caracat camain' ca ne.