Mateus 26:41 - Tradução Bíblica Pacaas Novos

⁴¹ Ta pi'am hwe me ta ac tococwa na. Momon tomi' jun Iri' Jam, ma' ta om ja' camara' xihwe pain ca tomi' querec cuhu' Caxicon Jam ta. Tomi' ha' xi' paxi' hwe pain xumuhu' ma', ane om hwara' opa hwe pain curuhu' ma' ne na ca tomi' tococwa ma'.

Mateus 26:41 Iomraidhean Croise

Mateus 24:42

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta.

Mateus 25:13

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta. Om ca taxi' camain' hwein hora nein ca in qui' ne quem na ca tomi' caparut.

Mateus 26:38

Tomi' xaxa' tamana ina ta ac tococwa na. Mija na ca tomi' xaxa' ta', pain iri' xumu ca', mija ina ta! Tomi' xaxa' tomi' xaxa' mi' pin ma' ac ta' pain tara, ac je na pata'. Mon to wet jein i ca' ac tococwa na. Ta pi'am hwe me, momon querec wi xi' ta tata.

Mateus 6:13

Narain ho' xut pain ca tomi' querec caparut Caxicon Jam quem. To' witan ca' xut con quem. Wum pan ara xi' na co Iri' Taramaxicon cara ma'. Tama' hwara' opa cara ma quem. Tama' awi tamana na ta cara nenem oro wari' cwa' quem. Amém, iri'o' na ca tomi' ne ta. Ac i ma' je pain ca tomi' xun hun Iri' Jam ta na ca tomi' tococwa ma'.

Marcos 14:38

Ta pi'am hwe me ta ac tococwa na. Momon tomi' jun Iri' Jam, ma' ta om ja' camara' xihwe pain ca tomi' querec cuhu' Caxicon Jam ta. Tomi' ha' xi' paxi' hwe pain xumuhu' ma', ane om hwara' opa hwe pain curuhu' ma' ne na ca tomi' tococwa ma'.

Lucas 11:4

Xic am pin rain ca caracat nuxut ca' quem. Xi mana' mana' om pin ara urut cocon oro wari' pain ca caracat nucucun pain ca ara cup cacaparut ta. Tomi' xo' urut cocon, om ca mana' mami' urut cocon. Narain ho' xut pain ca tomi' querec caparut Caxicon Jam quem. Ac i ma' je pain ca tomi' xun hun Iri' Jam ta na ca tomi' tococwa ma'.

Lucas 21:36

Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.

Lucas 22:40

Hwet pin iri nanain ne, tomi' ac tococwa na. Momon tomi' jun Iri' Jam, ma' ta om ja' camara' xihwe pain ca tomi' querec cuhu' Caxicon Jam ta tata.

Lucas 22:46

Je xi om pi'am hwe quem ac tococwa na. Tequi' to je e'. Momon tomi' jun Iri' Jam, ma' ta om ja' camara' xihwe pain ca tomi' querec cuhu' Caxicon Jam ta tata.

Lucas 8:13

Carawa ca ara nain tocwi trigo ca camara' to nain pacun ma', tomi' joc mam' mi' nain carawa ca ara nonon oro wari' co tomi' querec te paxi' nanain capijacon Iri' Jam pain ca xo' taraju cacain ma'. Ane om tomi' querec te cara cacain ne. Tomi' joc mam' mi' nanain pana ca om corom mip caximain pain macan' ma', om ca corom mao nein ximicocon capijacon Iri' Jam. Howa howa ca' nanain, maqui' iri na carawa ca to' i'ina nonon ne, quep em' iri nonon oro wari' pain ca howa cacain capijacon Iri' Jam ma' ne, an to pin ac cacain na ca howa wa.

Romanos 8:3

Ca xirao' nucun Moisés ma', om ca hwara' opa ne, om ca to' om pin ac nein ca hwara' opa nein ca caracat nexi'. Xi tomi' ha' pan xin ta. Ane hwara' opa pan ca Iri' Jam ne. To' om pin nain ca hwara' opa nein ca caracat nexi', xi om ne ca mam' ara capari' con iri' Panxica cwa' ta. An tan pan rain curucucun oro wari' co caracat nana ma', mi' pin caho' roron pain ca caracat nucucun ta non, to' om pin ac cain na ca hwara' opa nein ca caracat nexi' ca pe ho' napari' pain cwerexi' ca'.

1 Coríntios 10:13

Taraju wet je e': Pain ca to' i'ina cuhu' oro carawa ma', je cwerein mao na. To' i'ina taxipa' tata oro wari' ma' quem. Ane om an in pan cain capijacon ca wara tomi' pe capari' Iri' Jam ne. Om ca mixein cuhu' Iri' Jam. Narain ho' nuhu' con Caxicon Jam ma', pain ca caracat je caracat je ja' camara' xim cuhu' ma'. Quep xiho' nuhu', to' quereme nuhu' quem. Tomi' querec iri turuhu' Caxicon Jam ma' ne, pain ca caracat je cuhu' ma', quep xiho' pan ac cuhu' tara Iri' Jam. Mi' pan ac cuhu' tara pain ca witan ca' hun Caxicon Jam, ma' ta quereme hwe ma', ma' ta hwara' opa cara hwe ma' quem.

1 Coríntios 16:13

Ma' tara xumuhu' me, hwara' opa cara je pain ca howa hun Jeju Cristo. Ac ximicon hwanana je. Hwara' opa cara je con Iri' Jam.

1 Coríntios 9:27

Ac ca to' xije na, miri'om inain ca param pan ne cwere ca'. Ma' ta mi' capa' pain carawa ca awi Iri' Jam ta ina. Cain' cain' xirapa' Iri' Jam quem? Wara pijim' paxi' inonon oro wari' cwa'. Nain ho' xirapa' pain carawa ca mi' xim capa' Iri' Jam ra? Noc inain i ma' ta. Je ca miri'om tain ca param pan ne cwere ca'.

Gálatas 5:24

Wari' cwa', pain ca wari' ne pin capari' Cristo Jeju cwa', om ca ara mami' xin ca param pan nexi'. Ac ca to' pa' pin xin na ca param pan nexi'. Oro ca param ximama' nexi' ca', je oro ca win xumu ximama' xin ca om awi wa ca', ac ca tatatain mi' xin na pain panaxicon Cristo.

Efésios 6:18

Tama' tomi' jun Iri' Jam ma', pain ca cut hwein oro ca mam' narain ho' xujuhu' ca mi' cuhu' ma'. Pain ca mi' cuhu' pain oro ca tomi' wa Tamataracon ma', je tara ca tomi' hun ta. Ma' tara xumuhu' me. Ta pi'am ca' hun pain ca tomi' hun me. Ta an to pin hwein ca tomi' wa quem me. Tama' tomi' mi' tomi' mi' pi' pin jujun con oro wari' nucun quem.

1Pedro 4:7

Wixicam pin na xec nein ca pi' pin ta' ne macan' je oro carawa jimao quem. Je ta coromicat xo' qui' hwe ta. Ma' tara xumuhu' quem. Ma' ta ha' cuhu' pain ca tomi' hun Iri' Jam ta.

1Pedro 5:8

Ma' tara xumuhu' con Caxicon Jam ma', co noc nuhu' ma'. Pirao' nuhu', an xiho' non copacao' co xararac ma', co tama' xut in xut in pain ca pirao' cain carawa ca cao' wa ma'. Ac i ma' nuhu' Caxicon Jam quem. Quep xim nuhu'.

2 Pedro 2:9

Mam' pe wet iri irin oro ca ara ca Taramaxicon Iri' Jam pane ne, querec pin' ac urun na pain ca xiram pa' taxi' cocon oro co win xumu nanain ca param pan nucun ma', je pain ca to' witan ca' taxi' cocon pain oro ca to' i'ina nonon ma', querec pin' ac urun na pain ca pao' to taxi' cocon oro caracat co miri'om nonon quem. Pao' to pao' to maqui' pa' ac tococwa tara xec nein ca wap toton cocon pain ca caracat nucucun.

Apocalipse 16:15

Je ca tomi' capari' ca': Taraju wet xine me. Ane ane maqui' pa' xuhu'. Win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Iri' Jam ma', param mi' totoron pain ca awi wa oro wari' co winim' xo' cara nanapa' ma', pain ca wara an pe xo' cocon womicocon ma', pain ca om an xiho' cocon wari' co pi'am ca' nonon co an noc xa ta' ma'. Om ta wixipa' caca pain ca ane ane maqui' pa' toton pain ca ac ca hwet pe ne ne curucucun pain ca om winim' xo' cacapa' pain ca maqui' ta' ne ta. Ac i ma' na ca tomi' capari' ca'.

Apocalipse 3:10

Wara hu inuhu' pane, quereme cara jein oro ca to' i'ina nuhu' me inuhu' pane. Tomi' ha' mahu' quem. Je ca narain ho' xim xuhu' pain ca jain jain wa pain oro xec pain ca to' jain jain toton ta' oro wari' co to nanain macan' ma'.