Mateus 26:33 - Tradução Bíblica Pacaas Novos

³³ Tomi' pan ac con na Pedro: Paca' paca' pi' pin paxi' teterem oro xucucun co taxipa' ma cwa'. Wata' iri na ne, om ta paca' camain' xim ta na ca tomi' con ma'.

Mateus 26:33 Iomraidhean Croise

Lucas 22:33

Om na, om ta an pe camain' xim ta ac ca na Simão ma', co Pedro ma'. Mo ta quep wi xim cacapa' pum, mo ta to' pa' wi xim cacapa' pum quem, je i ma' tara, om ta an pe camain' xim ta non.

Filipenses 2:3

Ta win xumu e' hwein ca param nuhu' pain oro ca xuruxut nuhu' me. Ta coromicat ca' hwe me: Querec pin' tatarapa' oro wari' pain ca xut xo' ne ta, ta coromicat ac i ma' camain' hwe me ta. Ta xec xec hwe me. Coromicat ca' je: Awi ca' nanapa' oro win ma' ne cwa', ac i ma' tara ca coromicat nuhu' ta.

Romanos 12:10

Tomi' querec te xujuhu'. Win ne ca xere xujuhu' tara pain ca howa hun Iri' Jam ma'. Awi tiquin' ca' napa' co cwa' ta, ac i ma' tara ca coromicat nuhu'.

Marcos 14:29

Tomi' pan ac ca na Pedro: Paca' paca' pi' pin paxi' teterem oro xucucun co taxipa' ma cwa'. Wata' iri na ne, om ta paca' xim ta na ca tomi' con ma'.

João 21:15

Pi' pin iri na ca cao' nuxut ne, tomi' querec ac con na Simão Pedro Jeju: Simão, panxica João. Om ca noc mapa'? Tomi' querec te tiquin' ca' mapa' cocon caram cwa' ra non. E'e', taxi' mapa' pain ca om noc xim ca' Taramaxicon ne ac ca na. Je ca tomi' xim ca': Querec wet roron oro wari' ne co an xiho' nanain wijimain ovelha ta ac con na.

Mateus 26:32

Ane e' mami' ta' ta' ne. E' mami' iri ta' ne, wara mao ac tain tara Galileia. Maqui' ac hwe tara pa'ao' na ca tomi' caparut ma'.

Mateus 26:34

Om na ta Pedro ac con na. Tomi' toton momon oro wari' pain xim ca'. Om ta aca querec ca me, wara tomi' ac momon tara: Om ca querec pin' ton ta ac momon tara pata'. Ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.