Mateus 26:32 - Tradução Bíblica Pacaas Novos

³² Ane e' mami' ta' ta' ne. E' mami' iri ta' ne, wara mao ac tain tara Galileia. Maqui' ac hwe tara pa'ao' na ca tomi' caparut ma'.

Mateus 26:32 Iomraidhean Croise

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Mateus 20:19

O mi' ac cacapa' tara cocon co om judeu nana ma' quem. Tatam' tatarapa', tomi' xirac ac cacapa' tara, wap ac cacapa' tara quem. Tatatain mi' ac cacapa' tara pain pana, wa wa mi' pin pe ac tain tara. Ma' 3 pin iri tara xec pain ca mi' pin ne ne, e' mami' ac ta' tara ta naparut.

Mateus 26:33

Tomi' pan ac con na Pedro: Paca' paca' pi' pin paxi' teterem oro xucucun co taxipa' ma cwa'. Wata' iri na ne, om ta paca' camain' xim ta na ca tomi' con ma'.

Mateus 28:10

Ta jin' hwe me ta ac cacam na. Mo tomi' jujun xere cwain. Mama' jein Galileia cain jujun. Je i cain tara ca querec pe mahu' ta nuhu' ca' jujun ta na ca tomi' cacam ma'.

Mateus 28:16

Maji pain Galileia ta ac urut na pain ca taxipa' urut con Jeju ca', mama' ac urut na. Ma' 11 pin e' urut pain ca taxipa' urut con ca'. Hwet ac urut pain na pacun ca wara tomi' xo' caparut Jeju pane.

Marcos 14:28

Ane e' mami' ta' ta' ne. E' mami' iri ta' ne, wara mao ac tain tara Galileia. Maqui' ac hwe tara pa'ao' na ca tomi' tococwa ma'.

Marcos 16:7

Mama' je ta ac cacam na. Tomi' jujun co taxipa' ca ma', tomi' jun Pedro ma' quem. Wara mao nain Galileia cain. Mama' je quem, je i cain tara ca querec pe hun ta jujun. Win ne ca wara tomi' pe cuhu' pane ta jujun ta na ca tomi' cacam ma'.

1 Coríntios 15:6

Aram aram hwet pa' ac tococwa na oro co howa nonon ma', pain ca cut in to nucucun ma' quem. Mija nana, tiquin' ca' nanain ca 500 nucucun pane. To wet nana quem, mija nana co e' e' wet nana pain xocori ca'. Ma' paric ca' e' paxi' nana co cono' pin nana, to wet nana oro xucucun.