Mateus 26:29 - Tradução Bíblica Pacaas Novos

²⁹ Om ta toc mami' tain comi memem pain xocori ca'. Tomi' iri'o' inuhu', om ta toc mami' tain pain xocori ca'. Om om, maqui' pa' ac capa' tara iri' xec nein ca toc pe tain ta' pain i cain quem, pain ca taramaxicon pe ca Te cwain, toc wi ac xuhu' tara pain xocori comi memem ta ac caparut na quem.

Mateus 26:29 Iomraidhean Croise

Mateus 13:43

Oro wari' co iri' wari' nana pain ca tomi' ha' cocon Iri' Jam ma' iri nana ne, ac ca toha tamana caca tara. Win ne ca toha ca xina ma', ac i ma' tara ca toha to cacain ca taramaxicon pe ca Cotere' Iri' Jam. Mo ta taraju pa' xixi' na hwe ma', je ta taraju wet qui' hwe ta na ca tomi' caparut Jeju pain ca tomi' xo' caparut pain ca pijim' nucun pain tocwi caji tononoin pane.

Mateus 16:28

Wahu' pain ca to ho' mahu' ca', ma' tatara co querec xim nanapa' pain ca taramaxicon pe ho' pin toton toton oro wari' ne quem. Querec tatarapa' pain ca Iri' Wari' ta' ca'. Om ta cono' querec caca, wara querec tatarapa', ame hwe e'. Tomi' iri'o' inuhu' ta na ca tomi' caparut ma'.

Mateus 18:20

Xi pe ho' ara toton co cut in xucucun pain ca howa cacapa' ta. Mo ta ma' 2 caca, mo ta ma' 3 caca, pe ho' inonon ta na ca tomi' caparut ma'.

Mateus 25:34

Tomi' ac toton tara co to nanain iri' cwere ma', co xuruxut xo' nana ma'. Wahu' pain ca param mi' cuhu' pain ca awi wa Te ma', harahap je. To ho' cara xine, taramaxicon pe ho' ac xuhu' tara. Wara coromicat an pe xo' nain i ma' Te pahu' pain cara pane, pain ca xo' ma' ten qui' xine macan' pane.

Mateus 26:28

Comi memem ca', an xiho' nain cocu ta ac caparut na. Je ca to' querec pin' cuhu' pain ca tomi' an pe xo' mi' cuhu' Iri' Jam cwa', pain ca to' witan xim cuhu' ca'. Ao mao iri tara cocu pain ca mi' pin ta' ne ca' ne, je win ara pin tain cain ca wara tomi' an pe nucun. Mija tara oro wari' co mi' pin caho' ta' ta' quem. Xic am pin ac xine tara ca caracat nucucun pata'.

Mateus 26:30

Com iri urut pain tamara' pain ca in ac urut con Iri' Jam ne, hwerehwet mama' ac urut na, mama' ac urut pain na Pacun Nein Oliveira ma'.

Mateus 28:20

Ca' na jujun pain oro capija ca tomi' xuhu' pane quem, ma' ta tomi' ha' tomi' ha' xam' cacain ta. Mam' pe wet jein i ca' quem: Pe ho' cara xuhu'. Pi' pin pa' ma' tarapa' macan' ca' pahu', om ta an to camain' xuhu'. Ac i ma' na ca tomi' caparut pain ca taxipa' urut con ca'. Je i ma'.

Marcos 14:25

Om ta toc mami' tain comi memem ta ac tococwa na. Tomi' iri'o' inuhu', om ta toc mami' tain comi memem. Om om, maqui' pa' ac capa' tara iri' xec nein ca toc pe tain ta' pain i cain, pain ca taramaxicon pe ca Te cwain, toc ac tain xocori tara pain i cain ta na ca tomi' tococwa ma'.

Lucas 12:32

Wahu' pain ca taxipa' mahu' ca', om paxi' na ca mija hwe. Paric to hwe. Je ca tomi' xuhu' ca': Ta jin' hwe me, xi hohot tamana ara con Cotere' pain ca taramaxicon pe ho' cuhu' pain pawin cain ta.

Lucas 15:32

Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.

João 15:11

Tomi' ac i ma' inuhu', ma' ta tomi' querec te hwe inuhu'. Win ne ca tomi' querec te ta' ca', ac i ma' tara ca tomi' querec te nuhu' quem. Tomi' querec te tamana ac hwe tara ta.

João 16:22

Ac i ma' xi' hwe quem. Tomi' xaxa' paxi' hwe pain xocori ca'. Ame hwe e', main querec mami' xijexi'. Tomi' querec te tamana ac hwe tara. Om tara wari' co to' om pin ac nain ca tomi' querec te nuhu' quem.

João 17:13

Hwet ho' xim inem quem ac con na. Tomi' mi' inem cocon pain ca pe pe wet tain macan' ca'. Ma' ta tomi' querec te tamana caca inonon. Win ne ca tomi' querec te tamana ta' ca'.

Atos 10:41

Om ca querec querec pi' pin cocon oro wari', om na. Xica' to urut pain ca querec urut con pain ca e' mami' nucun. Xica' to urut pain ca querec urut con pain ca cao' to ho' urut con quem. Xi om ne ca wara tora' ara caparut Iri' Jam pain ca tomi' hwet jujun oro wari' pain ca querec hun ta caparut pane ta.

Hebreus 12:2

Win xumu cara e' xun Jeju ma', xi wirico ara ca co mi' napari' pain ca howa wa pain ca xo' howa qui' xun pane, wirico co mi' xim napari' pain ca howa cara xun quem. Wixipa' paxi' nana wari' co tatatain mi' wawa pain pana ma', ane je i ma' ira ta pan ca Jeju ne. Quereme na pain ca tatatain mi' ma' tatarapa' pain ne ca pane, xi om ne ca coromicat ara cain ca aram aram tomi' querec te tamana ta' nucun pain pawin ta. Je ca pe ca pain xocori ca' quem, xao pe ho' nain iri' curucun Iri' Jam cwain.

Apocalipse 14:3

Oro wari' ma', co ma' 144.000 nana ma', com ac cacain na xocori tamara'. Coco' quima hwet nanain ca mam' xao pe pe ca Iri' Jam ma', cocon caram ma' co e' nana ma', co ac jam paxi' nana ma', co ma' 4 nana ma', cocon oro taramaxicon ma' quem, je ca com to cacain xocori tamara'. Om ca taxi' xixi' na ac cacain oro xucucun wari'. Xica' to nana caram ma' co ma' 144.000 nana ma', co to' witan ca' wawa cocon oro caracat co to nanain oro xijein macan' ma', xica' to nana caram ma' co com taxi' nanain xocori tamara'.

Apocalipse 7:17

Xi om ne ca querec wet xo' toton ara cocon co ma' co ac Wijimain Taramaji Ovelha ma', co pe ja' pan nain ca mam' xao pe ca Iri' Jam ma'. O mama' ac tococwa tara pain ca hoi hoi ne com ca mi' nain ca e' cara wa. Xiram pa' totoron Iri' Jam quem, xic cawain' xic cawain' pi' pin tarain comi tococon pain ca awaran nucucun ma'. Ac i ma' na ca tomi' capa' ma'.