Mateus 26:27 - Tradução Bíblica Pacaas Novos

²⁷ An ac cain na ca mam' toc wa ca ji'ao pe xine comi memem ma' quem. Tomi' querec te urut pum pain ca mi' maparut pain comi memem ca' quem Te iri na ne, an mi' ac caparut pain na. Toc toc xam' je ta ac caparut na.

Mateus 26:27 Iomraidhean Croise

Mateus 15:36

Cut pin iri nain capam' ca ma' 7 ma' ne, wirico hwam ma' quem, tomi' ac con na Iri' Jam: Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na, cut mi' ac caparut pain na pain ca taxipa' urut con ca'. Maxiram' mi' ac urut cocon pain na oro wari' ma' quem.

Mateus 26:26

Cao' ac urut na, cao' cao'. An ac cain na capam' Jeju. Tomi' querec te urut pum pain ca mi' maparut pain capam' ca' quem Te na, jicat caracan ac cain na, mi' ac caparut pain na. Cao' jein ta ac caparut na. Capam' ca', an xiho' nain cwere ta ac caparut na.

Mateus 26:28

Comi memem ca', an xiho' nain cocu ta ac caparut na. Je ca to' querec pin' cuhu' pain ca tomi' an pe xo' mi' cuhu' Iri' Jam cwa', pain ca to' witan xim cuhu' ca'. Ao mao iri tara cocu pain ca mi' pin ta' ne ca' ne, je win ara pin tain cain ca wara tomi' an pe nucun. Mija tara oro wari' co mi' pin caho' ta' ta' quem. Xic am pin ac xine tara ca caracat nucucun pata'.

Lucas 22:20

Ac i ma' na pain comi memem quem. Cao' cao' pi' pin iri nana ne, an ac cain na ca mam' toc wa ca ji'ao pe xine comi memem, tomi' ac tococwa na: Comi memem ca ji'ao pe xine pain ca mam' toc wa ca', an xiho' nain cocu. Je ca to' querec pin' cuhu' pain xocori ca tomi' an pe xo' mi' cuhu' Iri' Jam cwa', pain ca to' witan xim cuhu' ca'. Ao mao iri tara cocu pain ca mi' pin caho' xim xuhu' ca' ne, je win ara pin tain cain ca tomi' pe nucun ta na ca tomi' tococwa ma'.

1 Coríntios 10:16

Toc xin comi memem iri iri' ne. Tomi' querec te urut pum pain ca mi' maparut pain iri urun Iri' Jam ne. Querec pin' wi ac irin na quicon Cristo pain ca hohoc pin capari' pain ca caracat nexi'. Jicaracat cao' pin iri irin capam' ma' ne, querec pin' wi ac irin na curucun pain ca mi' pin caho' capari' quem.

1 Coríntios 11:28

Cao' xin iri nanain ne. Toc xin iri nanain ne. Noro noro xam' ac cacain tara ximicocon. Am coromicat xo' cocon Taramaxicon nexi' pain. Am om coromicat xo' cocon pain. Mo ta hohot ne ximicocon pain ca coromicat xo' cocon ma', cao' ac cacain tara, toc ac cacain tara quem.