Mateus 26:26 - Tradução Bíblica Pacaas Novos

²⁶ Cao' ac urut na, cao' cao'. An ac cain na capam' Jeju. Tomi' querec te urut pum pain ca mi' maparut pain capam' ca' quem Te na, jicat caracan ac cain na, mi' ac caparut pain na. Cao' jein ta ac caparut na. Capam' ca', an xiho' nain cwere ta ac caparut na.

Mateus 26:26 Iomraidhean Croise

Mateus 14:19

Xao to jein tononoin ma' ac tococwa na oro wari' ma'. Cut ac cain na capam' ca ma' 5 ma', wirico hwam co ma' 2 ma' quem. Cut iri nain ne, noro pawin ac ca na, tomi' ac con na Iri' Jam. Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na capam', cut mi' ac caparut pain na. Cut mi' ac caparut na con hwam quem. Maxiram' mi' ac urut cocon pain na oro wari'.

Mateus 26:27

An ac cain na ca mam' toc wa ca ji'ao pe xine comi memem ma' quem. Tomi' querec te urut pum pain ca mi' maparut pain comi memem ca' quem Te iri na ne, an mi' ac caparut pain na. Toc toc xam' je ta ac caparut na.

Marcos 6:41

Cut ac cain na capam' ca ma' 5 ma', wirico hwam co ma' 2 ma' quem. Cut iri nain ne, noro pawin ac ca na, tomi' ac con na Iri' Jam: Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na capam', cut mi' ac tococwa pain na co taxipa' ca ma'. Maxiram' mi' jujun pain oro wari' ta ac tococwa na. Ac i ma' na con hwam quem. Jicaracat non, maxiram' mi' ac tococwa na con oro wari'.

Lucas 22:17

An iri nain ca mam' toc wa ca ji'ao pe xine comi memem ma' ne, tomi' ac con na Iri' Jam: Tomi' querec te urut pum pain ca mi' maparut pain comi memem ca' quem Te non, tomi' ac tococwa na: Ma' ta. Toc toc xam' jein ta tata.

Lucas 24:30

Xao to ho' iri xucucun pain pana ca mam' cao' to wa ne, an ac cain na capam' Jeju, tomi' ac con na Cote ca: Tomi' querec te urut pum pain ca mi' maparut pain capam' ca' Te ac ca na, jicat ac cain na, mi' ac tococwa pain na quem.

Atos 2:46

Pain oro xijein xec ma', cut in to taxipa' xucucun pain ca tao' caho' nein cote ne xiricon Iri' Jam. Tomi' querec te tamana xucucun pain ca toc wi cacain comi memem, je pain ca cao' wi caca pain xiricocon quem. Ac ca xica' pe ne na ximicocon pain ca tomi' querec te xucucun ma'.

Atos 20:7

Domingo pin iri na ne, cut in ac xujuxut na pain ca howa urut con Jeju. Cao' wi xi' urut quem. Pijim' pan ac cocon na Paulo ma' quem. Xec mama' xi' urut quem, je ca pijim' mam' xuhu' cocon ma'. Pijim' ac cocon na, mon pijim' mon pijim', cote ne con. Mon pijim' mon pijim' ximijain xim pa' ac caparut na.

1 Coríntios 10:4

Ac i ma' nanain com quem, toc toc pi' pin nanain com ca mi' cocon Iri' Jam quem. Om na xijein com ca toc caca, toc e' nanain com ca mi' cocon Iri' Jam pane, ca weweweo qui' nein pacun con Iri' Jam pane. Taraju wet je e', pacun ca weweweo qui' ne com pane, an xiho' non Cristo co tama' ja' ja' nonon pane. Wirico co querec wet nonon pane.