Mateus 26:25 - Tradução Bíblica Pacaas Novos

²⁵ Tomi' querec ac con na Judas ma', co tomi' mi' ton non ma': Cain' cain' ma quem Taramaxicon co ca' na taxipa' capijacon Iri' Jam? Wum ta mapa' ra? Ac i ma' na ca tomi' con ma'. Wum ma' ira. Win ne ca tomi' pan ma ma' na ca tomi' con ma'.

Mateus 26:25 Iomraidhean Croise

Mateus 23:7

Tomi' querec te xo' tatarapari' oro wari' co xao to to nanain ximijain cidade quem nana. In ac tatarapari' pain ca ca' na xuxun pain capijacon Iri' Jam ta nana quem.

Mateus 23:8

Wahu' iri na ne, pain ca taxipa' mahu' ma', om ca na ne pain ca in ac pan xujuhu' pain ca ca' na xujuhu' pain capijacon Iri' Jam. Xi ma' xica' pe ara ta' pain ca ca' na xuhu' ca'. In ac pan xine ta. An an ari xujuhu' pain ca xere xujuhu' quem.

Mateus 26:14

Win ma' nuxut ma', co to' 12 naparut pain ca taxipa' urut con Jeju cwa', co Judas Iscariotes caca oro wari' ma', hwet ac cocon na oro taramaxicon nucucun oro sacerdote.

Mateus 26:49

Xut hwet hap ac con na. Maqui' ina ta Taramaxicon co ca' na taxipa' capijacon Iri' Jam na ca tomi' con ma'. Xup ac con na.

Mateus 26:64

Wata' cwa' ira. Win ne ca tomi' pan ma ma' ac ca na Jeju. Ane tomi' tomi' pi' pin xuhu' pain i ca' ne. Main maqui' tara xec nein ca querec xim mahu' pain ca xao pe ho' ton Iri' Jam co hwara' opa pan. Wata' pain ca Iri' Wari' ta' ca', querec ac mahu' tara pain ca xao pe ho' tain iri' curucun pain i cain. Querec ac mahu' tara pain ca maqui' wi ta' pain tajain nanawin quem ta na ca tomi' con ma'.

Mateus 27:11

An mi' iri nonon con Pilatos Jeju ne, tomi' querec pan ac con na Pilatos: Wum co iri' taramaxicon nucucun oro judeu cwa' ra non. Wata' cwa' ira. Win ne ca tomi' ma ma' ta ac ca na Jeju.

Lucas 22:70

Je ca tomi' urut pum ca' ac cocon na, tomi' tomi' pi' pin nonon: Wum co Panxica Iri' Jam ra nonon. Wata' cwa' ira. Win ne ca tomi' pan hwe ma' ac ca na Jeju.

João 18:37

Je ca tomi' xim ca', taramaxicon ma ma' ira ac con na. Wum co tomi' pan nain i ma' ira, pain ca taramaxicon ma mapa' ma' ac con na. Je ca pan' ne ca pije' ne pane, je ca maqui' tain macan' pane. Tomi' hwet toton pain oro ca iri'o' wa oro wari' ta ina pane. Taraju wet nanapa' oro wari' co param nanain ca iri'o' wa quem na ca tomi' ca Jeju.

João 4:31

Pain ca in mao camain cidade nequem ma', tomi' ac urut con na Jeju. Cao' ra carawa ca' Taramaxicon co ca' na taxipa' capijacon Iri' Jam urut con.