Mateus 26:21 - Tradução Bíblica Pacaas Novos

²¹ cao' ac urut na quem. Cao' cao', tomi' ho' naparut Jeju: Ma' napari' co quep xiho' toton nonon co noc nanapa' ma', co quep xim nanapa' ma' naparut. Win ma' nuhu' ta naparut. Tomi' iri'o' inuhu', tomi' mi' tarapa' cocon co noc nanapa' ta naparut.

Mateus 26:21 Iomraidhean Croise

Mateus 26:2

Taxi' hwein ca wixicam pin ne Páscoa. Ma' 2 pin iri tara xec ne, maqui' ac ne tara, ma' ac ca tara wari' co tomi' mi' xim napa' cocon oro taramaxicon. Tatatain mi' ac cacapa' tara pain pana. Wata' pain ca Iri' Wari' ta' ca', tatatain mi' tatarapa' pain pana, wa wa mi' pin pe ac tain tara ta na ca tomi' caparut.

Mateus 26:22

Tomi' xaxa' tamana ac urut na. Taramaxicon ne ac urut con na. Wata' tara pum ra ac urut con na. Wata' tara pum ra wata' tara pum ra xam' urut con.

João 13:18

Pain ca tomi' xuhu' ne, pain ca param mi' turuhu' pain ca awi wa Iri' Jam ta xuhu' ca', om ca tomi' tomi' xam' xuhu' ta ac caparut na. Xi querec pin' ara xuhu' pain ca xo' tora' qui' xuhu' pane. Querec pin' inain ca coromicat nuhu'. Ane tora' pan xuhu' pane ne. Ma' ta hwet pin ne capijacon Iri' Jam ca xirao' pe ca taramaxicon Davi cara pane, pain ca xirao' pe cain ca tomi' pan ne pane. Ca' na ca xirao' pe nucun pata': Noc pin napa' win ma' ne co cao' pe ho' napa' ma', ac i ma' na ca xirao' nucun pata' pane.

João 13:21

Tomi' iri nain i ma' Jeju ne, toron tamana ac ne na ximicon. Tomi' ac caparut na pain ca taxipa' urut con ca': Ma' napari' co quep xiho' toton nonon co noc nanapa' ma', co quep xim nanapa' ma' naparut. Win ma' nuhu' ta naparut. Tomi' iri'o' inuhu', tomi' mi' tarapa' cocon co noc nanapa' ta naparut.

João 13:22

Noro ac xujuxut na. He! Ma' co tomi' ca ne ta ac urut na.

Hebreus 4:13

Oro carawa ca tomi' ma' pin ca Iri' Jam ma', om ca xaraxa ca' ac con. Wari' quem, om ca xaraxa ca' ac xun quem. Om ca ma' camain' ne ca mam' tatep pa' ac xijexi' con. Querec querec pi' pin napari', taxi' taxi' pi' pin nain oro ca ara iri' quem. Main maqui' tara xec pain ca tomi' hwet xun iri' pain oro ca ara iri' quem.

Apocalipse 2:23

To' parapa' pin toton oro co an xiho' nanam ma', co ac humaxicam nana ma'. Querec pin' ac cacapa' tara oro co howa nana ma', pain ca cut in xucucun pain oro cidade ma', querec pin' tatarapa' pain ca taxi' tain oro ca coromicat nucucun oro wari' ma', je pain ca taxi' tain oro ca param nucucun ma' quem. Wahu' pain ca pan teretem hwe ma', wap wap xam' xuhu'. Win hwe pane xuhu', win ne ca ara ara hwe pane xuhu', ac i ma' tara ca wap xuhu' ta.