Mateus 26:2 - Tradução Bíblica Pacaas Novos

² Taxi' hwein ca wixicam pin ne Páscoa. Ma' 2 pin iri tara xec ne, maqui' ac ne tara, ma' ac ca tara wari' co tomi' mi' xim napa' cocon oro taramaxicon. Tatatain mi' ac cacapa' tara pain pana. Wata' pain ca Iri' Wari' ta' ca', tatatain mi' tatarapa' pain pana, wa wa mi' pin pe ac tain tara ta na ca tomi' caparut.

Mateus 26:2 Iomraidhean Croise

Mateus 10:4

Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'. Ma' ac ca na Judas Iscariotes ma' quem. Wirico Judas Iscariotes co quep xiho' nonon oro taramaxicon pain ca quep xun cocon Jeju ma', ame hwe e'. Ac i ma' urut pain ca taxipa' urut con Jeju pane, pain ca apóstolo je caparut pane.

Mateus 17:22

Cut in iri xujuxut pain Galileia ne, tomi' ac caparut na Jeju: Iri' Wari' paxi' ina, ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma'.

Mateus 27:4

Tomi' ac tococwa na: Caracat ina ta. Om xi tomi' mi' xuhu' con Jeju ne, xi em' ca ta tata. Para mo merem maparut ma' quem ac cocon na. Wum co em' pan ma' ira na ca tomi' cocon ma'.

Lucas 22:15

Tomi' ac tococwa na: Param tamana inain ca cao' to ho' xijexi' pain carawa nein Páscoa ca' inuhu' pane. Cao' wi xitoton na inuhu' pain ca om maqui' querec capa' ca jain jain wa pain ca quep em' xim cacapa' pain ca to' pa' pin xim cacapa' quem.

João 11:55

Om ca pira mami' ne xec nein Páscoa, je i ma' xec nein ca tomi' querec te wi urut pain ca judeu urut ca'. Mija nana oro win judeu urut co wara mama' nanain Jerusalém. Ma' ta hohoc xo' mam' xijexi' ta nana.

João 12:1

Wixicam pin ac ne na xec nein Páscoa. Om ca pira homa ne, ma' 6 e' na xec nein ca hwet nein ma'. Maji ta ac caparut na Jeju ma', mama' ac urut pain na Betânia. Pe nain Betânia Lázaro ma', co to' e' mami' ca pane.

João 18:2

Judas ma', co quep xiho' ton nonon oro taramaxicon pain ca quep xun cocon ma', wara querec pin' nain totain oliva ca to urut ma'. Xi om ne ca wara cut in to taxipa' ara xujuxut pain i ma' con Jeju pane.

João 18:32

Tomi' nanain i ma', ma' ta hwet pin ne ca wara tomi' pe nucun Jeju pane, pain ca tomi' mi' cain ca mi' pin ta' nucun pain ca tatatain mi' xun cocon pain pana.

João 2:13

Wixicam pin ac ne na xec nein Páscoa ma', je i ma' xec nein ca tomi' querec te wi urut pain ca judeu urut ca'. Je ca mama' xin Jerusalém ta caparut Jeju ma', mama' ac urut na.