Mateus 26:18 - Tradução Bíblica Pacaas Novos

¹⁸ Tomi' xo' ac caparut na: Xuruxut mama' jein cidade ma'. Pirao' ac hun tara win ma' nexi' cara ne. Tomi' ac hun tara: Tomi' nem Taramaxicon nexi' co ca' na taxipa' napari' pain capijacon Iri' Jam ta jun. Wixicam pin iri na ca mi' pin ta' ne ta nem ta jun. Tomi' querec te wi ta' cocon co taxipa' ta' pain carawa nein Páscoa ca' quem nem ta jun. Je ca tomi' xim ca' nem, cao' querec te to xut pain xurum ta nem ta jun quem na ca tomi' caparut ma'.

Mateus 26:18 Iomraidhean Croise

Mateus 21:3

Mo ta ma' i ma' pahu' quem cuhu' wari' ma', tomi' ac hun tara: Om na, param inain na Taramaxicon nuxut ta ac hun tara. Ma, cut mama' jein ta ac cuhu' tara. Om ta narain ho' cuhu' pain na ca tomi' tococwa ma'.

Mateus 23:10

Om ca na ne pain ca taramaxicon ne xine huhun oro wari' quem. Xi ma' xica' pe ara ta' pain ca taramaxicon ne mahu' ca', pain ca Cristo ta' ca'.

Mateus 23:8

Wahu' iri na ne, pain ca taxipa' mahu' ma', om ca na ne pain ca in ac pan xujuhu' pain ca ca' na xujuhu' pain capijacon Iri' Jam. Xi ma' xica' pe ara ta' pain ca ca' na xuhu' ca'. In ac pan xine ta. An an ari xujuhu' pain ca xere xujuhu' quem.

Mateus 26:19

Ma ac urut na, ara ac urut pain na ca tomi' xo' caparut Jeju. Ara an to xo' urut pain carawa ca cao' querec te xi' urut pain Páscoa quem.

Mateus 26:2

Taxi' hwein ca wixicam pin ne Páscoa. Ma' 2 pin iri tara xec ne, maqui' ac ne tara, ma' ac ca tara wari' co tomi' mi' xim napa' cocon oro taramaxicon. Tatatain mi' ac cacapa' tara pain pana. Wata' pain ca Iri' Wari' ta' ca', tatatain mi' tatarapa' pain pana, wa wa mi' pin pe ac tain tara ta na ca tomi' caparut.

Mateus 26:49

Xut hwet hap ac con na. Maqui' ina ta Taramaxicon co ca' na taxipa' capijacon Iri' Jam na ca tomi' con ma'. Xup ac con na.

Marcos 5:35

Tomi' tomi' wet nam narima' ma', maqui' ac caca na wari' ma', maqui' nanain xiricon Jairo ma', co querec wet nonon oro win judeu ca pain ca cut in xucucun ma'. Mi' pin na panxima ta ac cocon na. Om xi hap ra mami' mon Taramaxicon co ca' na taxipa' capijacon Iri' Jam ta nonon.

Lucas 22:53

Wara pe ho' paxi' inuhu' pain oro xijein xec pane, pain cote ne xiricon Iri' Jam pane. Je xi quep qui' mahu' pain i cain pane? Je i ma' pahu' ta ac tococwa na. Maqui' pin na iri' hora nuhu' ma', pain ca ara xim mahu' pain ca param nuhu' ma'. Maqui' pin na iri' hora nucun Caxicon Jam co taramaxicon pe ho' nonon oro caracat ta na ca tomi' tococwa ma'.

João 11:28

Tomi' iri nain i ma' ne, in ca' ac con na, mo tomi' tam xa' ta ac cama na. Mo hwet ac cam na, tomi' hohomu ac cam na: Maqui' na Taramaxicon nexi' co ca' na taxipa' capijacon Iri' Jam ta Maria ac cam na. Hap ra nem ta ac cam na.

João 12:23

Tomi' xo' ac tococwa na: Maqui' pin ta' iri napa' xec nein ca mi' pin ta' ne ca'. An hwet mi' ac cuhu' tara pain ca hwara' opa ne Te Iri' Jam. An hwet mi' turuhu' pain ca hwara' opa ne ca', pain ca Iri' Wari' ta' ca'.

João 13:1

Wixicam pin ac ne na xec nein Páscoa ma', je i ma' xec nein ca tomi' querec te wi urut pain ca judeu urut ca'. Taxi' pin xucun Jeju pain ca maqui' pin ne xec nein ca paca' pin tain cain macan' ca', pain ca in hwet ton con Cote ca. Jeju ma', om ca noc camain' caparut pain ca wari' ne caparut pain macan' ca', je curucun mao na. Je ca an hwet mi' ho' xuhu' pain ca om noc camain' xuhu' ca' naparut.

João 17:1

Tomi' tomi' pi' pin iri naparut pain ca tomi' nucun ma' ne, noro pawin ac ca na, tomi' ac con na Cote ca. Te ac con na. Maqui' pin napa' xec nein ca mi' pin ta' ne ta. An hwet pe rain ca hwara' opa ne pain ca awi tamana ne pain ca Panxita' mapa' ca'. Ma' ta an hwet pe tain ca hwara' opa nem pain ca awi tamana nem quem.

João 20:16

Maria ac cam na. Noro in ac cama na, Rabôni ac con na. Ac i ma' na ca tomi' cama pain capijaxut pain ca judeu urut ca', pain aramaico. Taramaxicon co ca' na taxipa' capijacon Iri' Jam ta na ca tomi' mao nein.

João 7:30

Quep xun paxi' nonon Jeju quem, ane om quep ac cocon ne. Xi maqui' querec ne xec nein ca wara coromicat an pe xo' ca Iri' Jam pain ca quep totoron ta con ma'.

João 7:6

Tomi' ac tococwa na: Om ca maqui' querec capa' xec nein ca mao tain cain ta'. Wahu' iri na ne, hohot nuhu' oro xec pain ca mama' xin cain hwe.

João 7:8

Wara mama' jein ca tomi' querec te xi' hwe ma' ac tococwa na. Om ta hwet xuhu' ta. Xi maqui' querec capa' xec nein ca mao tain cain ta'.