Mateus 26:16 - Tradução Bíblica Pacaas Novos

¹⁶ Noro ac con na. Cain' xi tomi' mi' toton con ne xucun. Hohot tara pain xec ca' ra? Hohot tara pain xim ca' ra na.

Mateus 26:16 Iomraidhean Croise

Mateus 26:15

Tomi' ac cocon na: Cain' cain' ne moeda nein prata ca mi' xim mahu' pain ca quep xiho' xuhu' con Jeju quem? Tomi' mi' xuhu' con, quep ac hun tara ta nonon. Mi' 30 xut pum pain moeda nein prata con ta ac cocon na, cut mi' 30 ac cocon pain na quem.

Mateus 26:17

Maqui' pin iri na iri' xec nein ca cao' querec te e' cacain capam' ca om joc wanan wa pain ca to' memerem nein ne, xuruxut hwet ac urut con na Jeju ma', pain ca taxipa' urut con ca'. Tomi' querec ac urut con na: Main ca ara to jein maparut pain carawa nein Páscoa pain ca cao' querec te nexi' quem urut con.

Marcos 14:11

Taraju iri nonon ne, tomi' querec te tamana ac caca na. Mi' xut pum pain dinheiro con ta ac cocon na. Ma ac ca na, noro noro ac con na. Cain' xi tomi' mi' toton con ne ac ca na. Hohot tara pain xec ca' ra? Am pain xim ca' tara quem na ca tomi' pan xucun.

Lucas 22:6

Awi na ta ac tococwa na, noro noro ac con na. Om iri totoron oro wari' ne, tomi' mi' ac toton con tara ta, ac i ma' na ca tomi' pan xucun.

Atos 24:25

Ca pijim' tacacama ma', ca pijim' tacacama ma', tomi' xo' ac tacacama na pain ca xut xo' wa pain ca ara xine oro ca param nucun Iri' Jam. Tomi' xo' tata pain ca om ara e' xine ca param pan nexi', tomi' xo' tata pain ca main tomi' querec xun tococwa oro wari' pain oro carawa ca ara caca pain ca e' e' wet nucucun quem. Pijim' ac i ma' iri nanam Paulo ma' ne, jin' pin ac ca na Félix ma'. Je i ma' ta, in mao cain' ra ta ac con na. Mo ta na capa', mo ta om to' i'ina capa' ca taramaja ne ca', hap ra jun ta mami' toton pum ta non.

1 Coríntios 16:12

Tomi' hwet ho' xuhu' con coxari' Apolo cwa' quem. Mo querec roron pain Corinto ta paxi' inon pahu', ja' ja' roron oro xerexi' co mama' xin nanain Corinto paxi' inon. Tomi' mip paxi' inon pahu'. Ane noc inain capa' pain xocori ca' ne. Ha' iri tarapa' ne, hwet ac toton tara ta napa' pahu'.