Mateus 26:10 - Tradução Bíblica Pacaas Novos

¹⁰ Jeju ma', taxi' naparut pain ca tomi' nuxut. Je ca tomi' caparut ma': Para tomi' em' hwem narima' cwa' quem? Miri'om jem. Hohot na pain ca an hwet mi' ac i ma' capa' pain ca tomi' querec te nequem.

Mateus 26:10 Iomraidhean Croise

Mateus 26:11

Tama' ma' ara xi' nunuhu' oro wari' co om nonon carawa. To ho' cara tuturuhu' pa'ao'. Ha' tuturuhu' pain ca tama' quep xiho' huhun quem. Wata' iri na ne, om ta pe ho' cara xuhu'.

Mateus 26:9

Je xi vender camain quem? Cut tamana ac camain xira cote ne dinheiro nein. Mi' tiquin' ac tococwa xira pain oro wari' co om nonon carawa, ac i ma' na ca tomi' nuxut.

Marcos 14:6

Ane tomi' ca Jeju ne: Je i ma' ira, to wet iri cama ma'. Miri'om jem. Para tomi' em' hwem ma' quem? Hohot na pain ca an hwet mi' ac i ma' capa' pain ca tomi' querec te nequem.

Lucas 8:49

Tomi' tomi' wet nam narima' ma', maqui' ac ca na wari', maqui' nain xiricon Jairo ma', co querec wet nonon oro win judeu ca pain xirim ca cut in to xucucun ma'. Mi' pin na panxima ta ac con na. Ta hap ra mami' mon Taramaxicon co ca' na taxipa' capijacon Iri' Jam me ta non.

2 Coríntios 9:8

Hwara' opa na Iri' Jam. Ha' non pain ca mi' cuhu' pain oro ca param hwe pain oro ca ximin hwe ma'. Mi' hwara' tiquin' ca' tarain ca param nuhu' pain ca ximin nuhu' quem. Ma' ta tama' ma' cuhu' ta nuhu', ma' ta hwara' tiquin' ca' nein ca param nuhu', ma' ta ha' cuhu' pain ca mi' mi' tiquin' hwein pain ca quep xiho' xujuhu' ta nuhu' quem.

Gálatas 1:7

Xi ma' ne xijein capijacon Iri' Jam ca tomi' hwet napari' con Cristo ta. Tomi' e' inain i ma' pahu', pain ca xijein capijacon Iri' Jam con Cristo ta xuhu' ca', xi om ne ca ma' ara caca wari' co to' i'ina nunuhu' ma', co pijim' jimama' nunuhu' pain ca an in xin paxi' cacain capijacon Iri' Jam con Cristo ma'.

Gálatas 5:12

Wa inonon co to' i'ina nunuhu' pain ca ja' teretem cucuhu' ma', pain ca wac xirac xirarain ca xirac nucucun oro wari' ta caca ma'. Wac pit pan xirarain ca xirac nucucun na inonon ta!

Gálatas 6:17

Tomi' xim inuhu' pain i ca' quem: Ta to' i'ina mami' cacapa' oro wari' me. Ha' ara xi' na pain ca querec pin' mahu' pain ca taramaja mi' ton Jeju cwa', xi ma' ara capa' oro jaminain ca quep em' cacapa' pain cwere pain ca taramaja mi' ton ca'.

Efésios 2:10

Wirico ara xi' na Iri' Jam co to' xocoricon wari' pin napari' pain ca win cwere pin xun Cristo Jeju. Ma' ta ara hwein ca awi wa ca wara coromicat an pe mi' xuhu' pane napari' pain ca ara tatarain ta capari' pain cara pane.

Colossenses 1:10

Tomi' mi' ac i ma' urut pahu' con, ma' ta xuruxut xo' hwe pain ca howa hun Taramaxicon nexi' ma'. Ma' ta hohot hun pain oro ca ara hwe ma', pain ca ara cara hwein oro ca awi wa ta urut pahu'. Ma' ta horon horon tiquin' hwe pain ca querec pin' hun Iri' Jam ta urut pahu'.

2 Tessalonicenses 2:17

Tomi' mi' urut pahu' cocon. To' hwara' opa jujun pain iri' ximicocon ta urut cocon pahu'. Quep xiho' cara jujun, mi' cara jujun pain ca tama' ara cacain ca awi wa ta urut cocon pahu'. Pain oro ca ara nucucun, je pain oro ca tomi' nucucun quem, quep xiho' cara jujun pain ta urut con pahu'.

1 Timóteo 3:1

Wari' co querec wet xitoton na nonon co howa nana ma', awi tamana na ca taramaja nucun ca param ca ma'. Iri'o' na ca tomi' ne ca'.

1 Timóteo 5:10

Hohot e' na pain ca quep xiho' tacama narima' co wara querec pin' wa pain ca ara taxipa' camain oro ca awi wa pane. Mo na: Co wara querec wet querec wet horon pin nanam humaxicam pane. Co querec te taxipa' nonon co howa nana co maqui' nanain xijein xirim pane, co cao' to ho' xine, pi'am to jein xuru ca' nonon pane. Co xiram pa' taxipa' nonon co howa nana pain ca ara mi' e' cocon pain oro carawa ca param caca pane quem. Co quep xiho' taxipa' nonon oro wari' co i'ina nonon oro carawa pane quem. Co win xumu taxipa' nain oro ca xiram pa' wa pain ca ara mi' cocon pain oro ca awi wa co howa nana pane quem. Mo ta xut xo' ac i ma' cama pain ca e' e' wet qui' ca taxicam pane, hohot ac ne tara pain ca quep xiho' tacama pain xocori ca'.

2 Timóteo 2:21

Je ca tomi' xim ca': Wari' pain ca howa xun Cristo Jeju cwa', mo ta an to pin xin oro ca caracat wa, an xiho' ac xin tara oro prato ca mam' cao' e' ca waximain pain ca tomi' querec te wi cocon oro win ma' ca ma'. To' hohot ac capari' tara Taramaxicon nexi', mam' taramaja ac capari' tara quem. Xi wara awori to ara xi' pain ca ara xin irin oro ca awi wa ta.

Tito 1:16

Taxi' urut con Iri' Jam paxi' nana, ane mixein caca ne. Querec pin' tata pain ca noc cocon ma', xi om ne oro ca ara nucucun pain ca pan teretem pan caca ta. Om ca querec awi cacapa' ta nonon Iri' Jam. Xi tomi' ha' caca ta. Om ca ara taxi' cacain ca awi wa quem.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

Tito 3:1

Mam' pe wet jein i ca' ta roron oro xerexi' ma' quem: Tomi' ha' jujun oro taramaxicon ta roron. Oro taramaxicon ma', oro wari' co taramaxicon to ho' nunuhu' ma', ta tomi' in pin huhun me ta roron. Tama' quep xiho' jujun pain oro carawa ca awi ca ara xi' caca quem roron.

Tito 3:14

Ac i ma' tatara oro xerexi' pain Creta ma' quem. Tomi' roron, ara taxipa' jein ca awi wa ta roron. Quep xiho' jujun oro wari' pain carawa ca om nonon ta roron. Om ta jam' ne curuhu' ta roron, xi quep xiho' capari' ca jam' ne ca cwere wa ta roron quem.

Tito 3:8

Iri'o' na ca tomi' xim ca'. Je ca tomi' xim ca'. Param inem pain ca tama' pijim' mi' momon pain ca tomi' ne oro wari' co howa nonon Iri' Jam ma'. Iri'o' na ta roron. Ma' ta tama' ara cacain ca awi wa, ma' ta win xumu cacain quem. Hohot tamana na ca pijim' ac i ma' momon ma'. Quep xiho' nonon oro wari' quem.

Hebreus 13:21

pain ca mi' cuhu' pain ca ara taxi' hwein ca awi wa ma', ma' ta ha' cuhu' pain ca ara hwein ca param nucun ma'. Param inon pain ca meo capari' pain iri' ximixi' ca', pain ca mi' capari' pain ca ara e' xin ca hohot pan non quem. Wirico Jeju Cristo ara xi' na co mi' napari' pain ca ara e' xin ca hohot pan non quem. Na e' na pain ca tomi' querec te cara xun co awi tamana ta! Amém, iri'o' na ca tomi' ne ta.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.