Wara taxi' paxi' hwein oro ca xirao' mi' xim xuhu' ca', ane to' mam' pe wet xim xuhu' pain i ca' ne. Taxi' hun Taramaxicon Iri' Jam pain ca to' witan cocon oro wari' nein Israel pane. To' witan ca' paxi' tata pain Egito pane, ane wap tococwa co om howa je na nonon ne, aram aram cono' pin ac caca na quem.
Mateus 25:2 - Tradução Bíblica Pacaas Novos2 Oro mon xojam' ma', ma' 5 nana co om coromicat xo' nana, ma' 5 ac cacama na co coromicat xo' nana quem. Faic an caibideil |
Mateus 25:2
14 Iomraidhean Croise
Co ari nonon Cristo pain ca noc cocon ma', cut in wi paxi' nanapari' pane, ane om iri' win ma' ne cacapari' pain ca howa nexi' con Cristo ne. Je ca paca' cacapari' pane. Mo xi iri' win ma' ne cacapari' con Cristo ma', je xi momon cut in cut in cara cacapari' quem. Ane paca' cacapari' ne. Je ca querec pin' tococwa pain ca om win ma' ne cacapari' con Cristo.
Na e' na pain ca an xiho' hun wari' co taramaja xo' ma', co coromicat xo' pain ca taramaja mi' xo' con taramaxicon nucun ta ac caparut na. Mao tain pira iri na taramaxicon nucun ne, tomi' mam' ac con na: Querec wet roron oro win ma' ma co taramaja mi' e' nanapa' cwa', querec wet xo' roron pa'ao'. Mi' xo' roron pain carawa ca cao' wa quem na ca tomi' mam' con ma'.
Tomi' ac caparut na: Pain ca pijim' mi' jujun pain capija oro wari' ta xuhu' ca', ac ca hwet jujun oro caxicon copacao' ta xuhu' na, xi awi caca ta. Ac oro ovelha huhun quem, xi narain ho' taxi' xujuhu' cocon ta. Je ca tomi' ca' xuhu' ca': Querec je me! Ma' tara xumuhu' cocon me. Win ca em' pain ca tama' noro xaxa' nucun pain ca om mon to wet ne winacon ma', ac i ma' je cocon oro wari' co noc nunuhu' ma'. Ane na e' ne pain ca om mana' huhun ne. Win ca xucu' pain ca om mana' taxi' ca quem.
Sanasan