Mateus 24:6 - Tradução Bíblica Pacaas Novos

⁶ Taraju ac huhun tara oro wari' pain ca to' parapa' caracan xucucun pain macarahu' ca', je pain ca to' parapa' xucucun pain oro xijein macan' pain pira quem. Je i ma' ira, ta jin' hwe pain me. Na e' na pain ca mixein ac i ma' tococwa oro wari', je pain ca mana' caracan ac i ma' xucucun ma' quem, je curucucun mao tara. Ane om pi' pin hap ta' ne macan' ne, ame hwe e'.

Mateus 24:6 Iomraidhean Croise

Mateus 2:3

Taraju iri nain i ma' taramaxicon Herodes ma' ne, pain ca xo' pan' qui' ca xucun taramaxicon ma', toron tamana ac ne na ximicon. Teretem teretem pi' pin ac caca na oro wari' pain Jerusalém ma' quem.

Mateus 24:14

Pijim' mama' ac cacain tara oro xijein macan' oro wari' ne quem. Tomi' hwet tomi' hwet xam' ac cocon tara oro wari' pain capijacon Iri' Jam ma', pain ca tomi' xo' cocon pain ca taramaxicon pin ta' ca Iri' Jam ma'. Taraju taraju xam' iri tatara oro wari' ne, pi' pin ac ne tara macan' ta.

Mateus 26:54

Ane om na capa' pain ca quep xiho' ne ton ne. Mo xi quep xiho' ne ton, pan' am ac ne xira ca xirao' to caca oro profeta co wara tomi' pe nanain carawa ca ara xim napa' ta na ca tomi' con win ma' nuxut ma'.

Lucas 21:19

Mo ta howa cara mahu', to' witan ac xihwe tara ta na ca tomi' tococwa ma'.

Lucas 21:9

Ta jin' hwe pain ca aram aram taraju huhun oro wari' pain ca to' parapa' caracan xucucun me, je pain ca mana' caracan xucucun ma' quem. Na e' na pain ca mana' ac i ma' cain' caca oro wari', je curucucun mao tara. Ane om pi' pin hap ta' ne macan' ne, ame hwe e'.

Lucas 22:37

Xi na ara ne pain ca hwet pin ne ca xirao' pe xine capijacon Iri' Jam ta. Ca' na ca xirao' pe nein: Ac ca caracat ca na cocon, xi to' pa' wi ara cocon cocon oro caracat ta na ca xirao' pe nein. Je ca tomi' xuhu' ca' ac tococwa na. Na e' na pain ca hwet pin ne ca xirao' pe nein pata'. Hwet pin ta' na ca xirao' pe nein pata' na ca tomi' tococwa ma'.

João 14:1

Ta toron ne xumuhu' me ac caparut na. Howa jun Iri' Jam, howa xine quem.

João 14:27

Pain ca paca' xim xuhu' ca', to' om pin tain ca toron ne xumuhu' pa'ao'. Wata' tara co mi' nuhu' pain. Om ta ac pain ca om toron ne ximicocon oro wari' co om howa nanapa' ma', om tara. To' om iri'o' tain ca toron ne xumuhu'. Je ca tomi' xuhu' ca': Ta toron ne xumuhu' me. Ta jin' hwe me ta.

2 Tessalonicenses 2:2

Mo ta tomi' mixein ca' cuhu' wari' ma': Wara maqui' pin na xec nein ca in qui' nucun Taramaxicon nexi' ta tara. Am tomi' ca' cuhu': Om na, je ca tomi' ca Paulo pane. Tomi' xo' napa' pain Tamataracon Iri' Jam pane ta na, taraju inon ta. Tomi' hwet taxipa' nain pain oro ca pijim' nucun. Xirao' ac i ma' na pain oro ca xirao' nucun quem. Mo ta tomi' mixein ac i ma' cuhu' ma', coromicat xo' je ta. Om ca na ne pain ca toron hap ne xumuhu' con. Om ca na ne pain ca jin' hwe ma' quem.

Apocalipse 6:4

Hwet qui' ac ne na wirain cavalo ma'. Paca' na. Co ma' co xao pe nain ma', mi' ac tocwa na pain ca hwara' opa wa, tomi' pan ac tocwa na: Ja' teretem pin roron oro wari' pain oro xijein macan' ma', ma' ta mana' xucucun, ma' ta mixita xucucun, ma' ta to' parapa' xucucun ta na ca tomi' tocwa ma'. Mi' ac tocwa na pain cote ne quit quem.