Mateus 24:44 - Tradução Bíblica Pacaas Novos

⁴⁴ Je ca tomi' xuhu' ca' ac caparut na. Na e' na pain ca awori xo' hwe pain ca winim' xim mahu' ma'. Xi in qui' ho' ta' ara ta' ta. Wata' pain ca Iri' Wari' ta' ca', in qui' ho' ta'. Om ca taxi' hwein hora nein ca in qui' ta' ne quem na ca tomi' caparut ma'.

Mateus 24:44 Iomraidhean Croise

Mateus 24:27

In qui' ta' iri ta' pain ca Iri' Wari' ta' ca' ne, ane ane maqui' ac ta' tara, querec querec xam' tatarapa' oro wari' pain oro xijein macan'. Win ne ca ane ane coc wein ca comerem ma', pain ca coc wein qui' cain pira pain quirinain pawin cain, ca coc wein mao ac cain na xijein quirinain pawin cain quem, ac i ma' ta' pain ca maqui' hap ne ta. Querec querec xam' tatarapa' oro wari' ta.

Mateus 24:42

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta.

Mateus 24:43

Mam' pe wet jein carawa ca ara non waximain xirim co wara cut noc xa ca' wa pain caramaxicon ma'. Mo xi taxi' tocwa caxicon wari' co cut noc xa ma', mo xi taxi' cain iri' hora nein xim pain ca maqui' ta' nucun quem, querec wet ac cain xira xiricon. Nain ho' ac cain xira pain ca joc pa hot xine quem.

Mateus 25:10

Na ra ac cacama na, maji cam xi e', mama' ac cacama na. Om ca in querec cacama, maqui' ac ca na co ma' co an ta' narima' ma'. Caram ma' co coromicat xo' nana ma', co wara awori naran nequequem ma', corom wi ac cocon na co an ta' narima' ma', corom mama' ac cacamain na xirim ca tomi' querec te wi to xi' cacama ma'. Tao' pa' pin ac xine na manain xirim.

Mateus 25:13

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta. Om ca taxi' camain' hwein hora nein ca in qui' ne quem na ca tomi' caparut.

Lucas 12:39

Ane tomi' xim xuhu' pain i ca' ne ac tococwa na. Mam' pe wet jein carawa ca ara non waximain xirim co wara cut noc xa ca' wa pain caramaxicon ma'. Mo xi taxi' tocwa caxicon wari' co cut noc xa ma', mo xi taxi' cain iri' hora nein ca maqui' ta' nucun quem, nain ho' ac cain xira xiricon pain ca joc pa hot xine.

Lucas 12:40

Je ca tomi' xuhu' ca' ac tococwa na. Awori xo' je pain ca winim' xim mahu' ma'. Xi in qui' ho' ta' ara ta' ta. Wata' pain ca Iri' Wari' ta' ca', in qui' ho' ta'. Om ca taxi' hwein hora nein ca in qui' ta' ne quem tata.

Lucas 21:36

Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.

Filipenses 4:5

Tomi' toto e' jujun oro wari', querec pin' querec pin' pi' pin tuturuhu' pain ca tomi' wixite nuhu'. Wixicam pin ara xi' na ca in qui' nucun Taramaxicon nexi' ta.

Tiago 5:9

Ta tomi' wijimi xujuhu' me xere. Ma' ta om tomi' em' pan xihwe ta. Xi om ne ca wixicam pin ara ne ca maqui' nucun co ma' co iri' Juiz ma', co tomi' xo' xim napari' pain oro carawa ca ara iri' ca'. Wara xat pe ho' pin nain man ca corom wa ma', pain ca corom hwet xim capari' ma'.

Apocalipse 19:7

Tomi' querec te xi', tomi' querec te tamana xi'! Awi tamana ma ta xun. Xi om ne ca maqui' pin ara ne xec nein, pain ca an tam cam narima' co ma' co ac Wijimain Taramaji Ovelha ma'. Wara ara xo' pan xequem narima' co an ta' ca ma'.