Mateus 24:43 - Tradução Bíblica Pacaas Novos

⁴³ Mam' pe wet jein carawa ca ara non waximain xirim co wara cut noc xa ca' wa pain caramaxicon ma'. Mo xi taxi' tocwa caxicon wari' co cut noc xa ma', mo xi taxi' cain iri' hora nein xim pain ca maqui' ta' nucun quem, querec wet ac cain xira xiricon. Nain ho' ac cain xira pain ca joc pa hot xine quem.

Mateus 24:43 Iomraidhean Croise

Mateus 14:25

Iri' ximijain xim naparut, om ca hwet querec ca xina, xut hwet ac caparut na Jeju. Xut hwet naparut pain quimain com.

Mateus 20:11

An pin iri nanain ne, tomi' mana' pin ac cocon na taramaxicon.

Mateus 24:42

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta.

Mateus 24:44

Je ca tomi' xuhu' ca' ac caparut na. Na e' na pain ca awori xo' hwe pain ca winim' xim mahu' ma'. Xi in qui' ho' ta' ara ta' ta. Wata' pain ca Iri' Wari' ta' ca', in qui' ho' ta'. Om ca taxi' hwein hora nein ca in qui' ta' ne quem na ca tomi' caparut ma'.

Mateus 25:10

Na ra ac cacama na, maji cam xi e', mama' ac cacama na. Om ca in querec cacama, maqui' ac ca na co ma' co an ta' narima' ma'. Caram ma' co coromicat xo' nana ma', co wara awori naran nequequem ma', corom wi ac cocon na co an ta' narima' ma', corom mama' ac cacamain na xirim ca tomi' querec te wi to xi' cacama ma'. Tao' pa' pin ac xine na manain xirim.

Mateus 25:13

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta. Om ca taxi' camain' hwein hora nein ca in qui' ne quem na ca tomi' caparut.

Marcos 13:35

Je ca tomi' xuhu' ca' ac tococwa na. Ma' tara xumuhu' pain ca winim' xo' mahu' pain ca an xiho' ton waximain xirim co mao nain pira. Xi taxi' mahu' pain ca aram aram in qui' ta' ne ta. Am maqui' tain irawin, am maqui' tain ximijain xim, am maqui' tain iri' xo' xec pain ca aca pin ca me, am maqui' tain ca hwet pin ca xina.

Marcos 6:48

Querec pira ac tococwa na pain ca pan horoho caca ma'. I'ina nonon, xi nuru cam' ara cocon hotowa ta. Xec pin ta' iri na ne, om ca hwet querec ca xina, xut hwet toton ta ac ca na, xut hwet ac tococwa na quem. Xut hwet tata pain quimain com. Xut xut, wixicam pin ac tococwa na, ac ca xut tiquin' ca' toton ca paxi' na ira.

Lucas 12:38

Ximijain xim paxi' tara pain ca in qui' nucun, am pain iri' xo' xec paxi' tara quem, je i ma' ira. Mo ta ma' ne ximicocon pain ca winim' xo' cocon taramaxicon nucucun ma', param mi' ac tococwa tara pain ca awi wa ta na ca tomi' tococwa ma'.

Lucas 12:39

Ane tomi' xim xuhu' pain i ca' ne ac tococwa na. Mam' pe wet jein carawa ca ara non waximain xirim co wara cut noc xa ca' wa pain caramaxicon ma'. Mo xi taxi' tocwa caxicon wari' co cut noc xa ma', mo xi taxi' cain iri' hora nein ca maqui' ta' nucun quem, nain ho' ac cain xira xiricon pain ca joc pa hot xine.

Lucas 21:36

Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.

Apocalipse 16:15

Je ca tomi' capari' ca': Taraju wet xine me. Ane ane maqui' pa' xuhu'. Win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Iri' Jam ma', param mi' totoron pain ca awi wa oro wari' co winim' xo' cara nanapa' ma', pain ca wara an pe xo' cocon womicocon ma', pain ca om an xiho' cocon wari' co pi'am ca' nonon co an noc xa ta' ma'. Om ta wixipa' caca pain ca ane ane maqui' pa' toton pain ca ac ca hwet pe ne ne curucucun pain ca om winim' xo' cacapa' pain ca maqui' ta' ne ta. Ac i ma' na ca tomi' capari' ca'.

Apocalipse 3:3

Je ca tomi' xuhu' ca': Mam' pe wet jein oro capijacon Iri' Jam ca ca' na xihwe pane, ca taraju hwe pane. Tomi' ha' jein. Cwirin' pin jein ca caracat nuhu'. Mo ta om cara ne xumuhu' ma', mo ta naro cara hwe ma', ane ane maqui' pa' ac xuhu' tara, win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Jaxicao' xuhu', om ta taxi' mahu' pain xec nein ca maqui' pa' xuhu' ta.