Biblia Todo Logo
Bìoball air-loidhne

- Sanasan -




Mateus 24:42 - Tradução Bíblica Pacaas Novos

42 Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta.

Faic an caibideil Dèan lethbhreac




Mateus 24:42
17 Iomraidhean Croise  

Om na wari' co taxi' nain iri' xec nein ca in qui' ta' ne ta ac caparut na. Om ca taxi' cacain oro jam co to nanain pawin, om ca taxi' tain quem. Xica' pe na Te co taxi' nain ta.


Mam' pe wet jein carawa ca ara non waximain xirim co wara cut noc xa ca' wa pain caramaxicon ma'. Mo xi taxi' tocwa caxicon wari' co cut noc xa ma', mo xi taxi' cain iri' hora nein xim pain ca maqui' ta' nucun quem, querec wet ac cain xira xiricon. Nain ho' ac cain xira pain ca joc pa hot xine quem.


Je ca tomi' xuhu' ca' ac caparut na. Na e' na pain ca awori xo' hwe pain ca winim' xim mahu' ma'. Xi in qui' ho' ta' ara ta' ta. Wata' pain ca Iri' Wari' ta' ca', in qui' ho' ta'. Om ca taxi' hwein hora nein ca in qui' ta' ne quem na ca tomi' caparut ma'.


Na ra ac cacama na, maji cam xi e', mama' ac cacama na. Om ca in querec cacama, maqui' ac ca na co ma' co an ta' narima' ma'. Caram ma' co coromicat xo' nana ma', co wara awori naran nequequem ma', corom wi ac cocon na co an ta' narima' ma', corom mama' ac cacamain na xirim ca tomi' querec te wi to xi' cacama ma'. Tao' pa' pin ac xine na manain xirim.


Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta. Om ca taxi' camain' hwein hora nein ca in qui' ne quem na ca tomi' caparut.


Ma' tara xumuhu' me ac tococwa na. Ta win xumu e' hwein oro ca tamanain to wa pain ca toc ximama' wa ca mana' nein tocwa me. Ta toron ximama' ne xumuhu' pain oro ca to' i'ina nuhu' quem me. Mo ta xuruxut ximama' ac i ma' hwe, mo ta om winim' xo' mahu', ane ane hwet pa' ac cuhu' tara xec nein ca in qui' ta' ne.


Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.


Na e' na pain ca ara hwein ca tomi' xuhu' ca' ne, xi querec pin' ara hwein oro xec nexi' ta. Querec ho' xi', pi'am maho' xi', naro maho' xi'. Xi om ne ca wixicam pin ara ne xec nein ca to' witan pin xim capari' ta. Om ca wixicam querec ne pain cara pane, pain ca xo' howa qui' xun Cristo pane. Ane wixicam pin ne pain xocori ca' ne.


Ma' tara xumuhu' me, hwara' opa cara je pain ca howa hun Jeju Cristo. Ac ximicon hwanana je. Hwara' opa cara je con Iri' Jam.


Je ca tomi' urut pahu' ca': Ma' tara ximixi' me. Om ta ara e' xin ca param pan nexi'. Om ta an xiho' xuxun oro wari' co om howa nana ma', co ac ca pi'am caca na pain ca om querec pin' cacain carawa ca maqui' pa' cocon ma'.


Wixicam pin na xec nein ca pi' pin ta' ne macan' je oro carawa jimao quem. Je ta coromicat xo' qui' hwe ta. Ma' tara xumuhu' quem. Ma' ta ha' cuhu' pain ca tomi' hun Iri' Jam ta.


Ma' tara xumuhu' con Caxicon Jam ma', co noc nuhu' ma'. Pirao' nuhu', an xiho' non copacao' co xararac ma', co tama' xut in xut in pain ca pirao' cain carawa ca cao' wa ma'. Ac i ma' nuhu' Caxicon Jam quem. Quep xim nuhu'.


Je ca tomi' capari' ca': Taraju wet xine me. Ane ane maqui' pa' xuhu'. Win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Iri' Jam ma', param mi' totoron pain ca awi wa oro wari' co winim' xo' cara nanapa' ma', pain ca wara an pe xo' cocon womicocon ma', pain ca om an xiho' cocon wari' co pi'am ca' nonon co an noc xa ta' ma'. Om ta wixipa' caca pain ca ane ane maqui' pa' toton pain ca ac ca hwet pe ne ne curucucun pain ca om winim' xo' cacapa' pain ca maqui' ta' ne ta. Ac i ma' na ca tomi' capari' ca'.


Lean sinn:

Sanasan


Sanasan