Mateus 24:25 - Tradução Bíblica Pacaas Novos

²⁵ Ma' tara xumuhu' me. Wara tomi' xo' inuhu' pain ca om hwet querec cuhu', wara tomi' hwet pi' pin inuhu' pain oro carawa ca hwet pa' xim nuhu' ta.

Mateus 24:25 Iomraidhean Croise

Mateus 10:16

Tomi' ac caparut na: Pain ca pijim' mi' jujun pain capija oro wari' ta xuhu' ca', ac ca hwet jujun oro caxicon copacao' ta xuhu' na, xi awi caca ta. Ac oro ovelha huhun quem, xi narain ho' taxi' xujuhu' cocon ta. Je ca tomi' ca' xuhu' ca': Querec je me! Ma' tara xumuhu' cocon me. Win ca em' pain ca tama' noro xaxa' nucun pain ca om mon to wet ne winacon ma', ac i ma' je cocon oro wari' co noc nunuhu' ma'. Ane na e' ne pain ca om mana' huhun ne. Win ca xucu' pain ca om mana' taxi' ca quem.

Mateus 24:26

Je ca tomi' xuhu' ca', mo ta tomi' ca' cucuhu': Noro je. Mon cwain, co pe mahweri cwain, mo ta tomi' ac i ma' cucuhu', ta jein hwet hun me ta. Mo ta tomi' ca' cucuhu' quem: Noro jun. Corom pe nain xirim ca', mo ta tomi' ac i ma' cucuhu' quem, ta howa huhun me ta.

Lucas 21:13

Je i ma' ira, na e' na pain ca tomi' hwet huhun pain capija ta.

João 16:1

Wara tomi' hwet inuhu' pain oro ca tomi' ne ca' ac caparut na. Ma' ta om aram aram i'ina ne xumuhu' pain ca quep em' xim cucuhu' oro win judeu hwe ma' inuhu'.

2 Coríntios 13:2

Wara hu inuhu' pain ca pe ho' qui' xuhu' pain cara pane, pain ca ma' 2 pin ne ca hwet qui' xuhu' pane. Pe ni ca' paxi' inuhu' pain xocori ca', ane xirao' mi' ho' toton oro co wara caracat nana pahu' pane ne, xirao' mi' inonon oro xucucun co caracat nana ma' quem: In hwet iri xuhu' ne, om ta xiram pa' toton ta.